فيه حاجات على النت كتير يا احمد
وممكن اوديك لسمسار
الاول غالى
لانه قريب من الجامعة لو قصدك على اكتوبر
الثامن مستواه كويس فغالى برده
عرض للطباعة
فيه حاجات على النت كتير يا احمد
وممكن اوديك لسمسار
الاول غالى
لانه قريب من الجامعة لو قصدك على اكتوبر
الثامن مستواه كويس فغالى برده
هو انت مش راجع الامارات تاني ولا ايه يا أحمد؟
زايد فيها شقق كتير .. و أقرب بكتير للقرية الذكية من اكتوبر .. في طرق خلفية من زايد للقرية الذكية 6 كيلو بالضبط .. مقارنة بالطريق العادي 13 كيلو مثلا .. من أكتوبر هتدخل ف 25 كيلو تقريبا .. يعني انا مثلا شغلي الساعة 8 بنزل 8 الا عشرة.
و مؤخرا زايد بدأت تكون حيوية أكتر ... فيها كذا مول اتفتح و فيها أماكن للخروج .. و على اي حال بينك و بين مول العرب 10 دقايق.
من فترة كنت بتفرج على شقة زي الاستوديو .. غرفه و صالة .. تشطيب ممتاز و انا اول ساكن .. كانت ب 600 جنية .. بس معجبتنيش عشان كان في محلات تحتها.
أعرف سمسار في زايد محترم و مؤدب لو تحب أبعت لك رقمه.
الله يكرمك يا باشا
انا بدور على حاجة في حدود ١٠٠٠ ل ١٥٠٠ بالكتيير
ميهمنيش لو كانت استوديو او اوضة و صالة بس تكون منطقة كويسة
اللي على النت معظمه متأجر و بدور في زايد لو مش لاقي حاجة في حدود الميزانية يبقى اكتوبر
لا يا باشا مش راجع الا ان يشاء الله
يا ريت تدلني على طريق الاستوديو ده و تبعتلي رقم السمسار اكون شاكر
حدد طلبك للسمسار بوضوح
علشان ممكن تلاقى واحد وراك شقة تخش لها بمدق تراب وتسمع صوت دياب حواليك
وده حصل معايا
فقوله طلبك بوضوح علشان تستريح ومتلفش على الفاضى
ياريت تاخد حاجة اول سكن وغاز
ولو شغلك محتاج نت شوف النت فى المكان اخباره ايه
شكراً يا باشا
إن شاء الله أكلمهم بكرة
بحاول أكون محدد بقدر الإمكان........و الإشتغالات موجودة برضه :)
لو لقيت حاجة أول سكن و غاز يبقى فل طبعاً
الإنترنت مش فارق كتير معايا علشان معايا usb modem بتاع الشغل
تكون بس الشبكة كويسة و شكراً على كده.
يا تري وصلت لأيه يا أحمد بيك ؟؟
و أتمني لو حد يعرف سمسار في اكتوبر يكون تمام و محتاج شقة ايجار في حدود 700 جنيه و غير مفروشة و تكون قريبة من الحي الثامن فيه او حوله و هسكن فيها لفترة كبيرة سنتين مثلا او يمكن اكثر لأن عملي في المعادي و محتاج اخرج برة القاهرة و اسكن قريب من أخي اللي ساكن في الثامن
و شكرا لكم جميعا
و الله يا باشا لسه جاري البحث علشان أنا عاوزها مفروشة و فترة صغيرة
بس الفاضي فيه كتير فى زايد و فيه تحديداً فى مساكن الشباب منطقة معقولة بس هادية بزيادة بالليل........و فى حدود 700 ل 900
بس زايد بعيد شوية عن أكتوبر.
و خللي بالك أن طريقك يومياً للمعادي (الأوتوستراد) عن طريق الدائري بيكون واقف الصبح على طول.........ليه معرفش.....و العكس فى العودة.
ربنا يوفقك يا أستاذ أحمد ويرزقك مافيه الخير
علي فكرة فيه شقة في البيت اللي اخي واخد فيه ممكن تتأجر مفروش و في الحي الثامن و انا رايح هناك بكرة لو عرفت اوصل لصاحبها او قابلني حاجه تنفعك هقلك ان شاء الله خاصة ان رينج السعر اللي بتطلب فيه متاح تلاقي في كل مكان و في انضف أحياء أكتوبر
بخصوص زايد فأنا هدور خلال هذا الأسبوع في اكتوبر و زايد في الأحياء المتوسطة و اسكان الشباب و ربنا يكرم و بخصوص طريقي برده هجرب كل ده خلال هذا الاسبوع لأني هجرب اعيش خلال الاسبوع ده هناك و اشوف الدنيا شكلها ايه كل يوم و مناسبة ولا لأ و للعلم انا شغلي خلف مستشفي المعادي للقوات المسلحة فمش بدخل اوتوستراد خالص بنزل كورنيش و اخرج كورنيش
و ربنا يكرمك للاهتمام و ييسرلك الامر ان شاء الله