تقرير عن اجراء صيانة ال 30000 كيلو ل سوزوكى ماروتى
بعد الرجوع ل عمالقة المنتدى هنا عندنا , و بالاخص الدكتور حازم و عمر بيه , توكلت على الله و تم اجراء الاتى :-
1 ) ترصيص الاربع عجلات عند بريدجستون فى بنزينة كالتيكس فى عباس العقاد و التكلفة 40 جنيه
2 ) ظبط زوايا و اتزان و تربيط عفشة عند واحد كويس اوى فى حدايق القبة و التكلفة 30 جنيه , و قالى ان الجنب اليمين ورا اعلى ب سنتيمتر و نص عن الجنب الشمال و قالى اعمل علاية للشمال صغيرة بس انا معملتش كده
3 ) تم تغير الزيت ب زيت شيل الاصفر 5000 و كنت حاطط فيسكو قبل دا , والفرق ملحوظ جدا جدا جدا فى الاداء
4 ) تم تغيير طقم البوجيهات ب نوع تانى غير ال ngk اسمه دينسو يابانى اصلى و اغلى من ال ngk و التلاتة اشتريتهم ب 45 جنيه من عند اكرم حمدى
5 ) ابلاتين يابانى ب 15 جنيه
6 ) فلتر بنزين تايوانى ب 25 جنيه
7 ) سير دينامو المانى ب 30 جنيه
8 ) بالنسبة ل سير الكاتينة ف كان كويس و الميكانيكى قالى متغيروش دلواقتى و كذلك الكوندينسر و زيت الفتيس
9 ) زيت الفرامل انا كان نقص منى من فترة صغيرة و انا جبت باكم و زودته العلبة الصفرا
الملاحظات :
قبل الصيانة كان فى نشتة كده رخمة و الدريكسيون على سرعة 80 بيبدأ يلعب و كان فى حدفة شمال بسيطة اوى اوى اوى و طبعا الحمد لله كل دا اختفى ,, السحب اتحسن كتير اوى و صوت المكنة هدى شوية مع الزيت و طقم الكهربا و بحرق على التانى لحد 50 و على التالت لحد 90 و الرابع بيقفل العداد
حاجة اخيرة بقى جارى البحث عن تيل فرامل امامى و عايز نصيحتكوا لانى قريت هنا عن حاجات كتيرة اوى ,, ايه الافضل و التيل الشمال اتاكل قبل اليمين و انا بركب اعمل ايه ؟؟
