من هم المستحقين الحقيقين لبنزين 80؟

بسم الله الرحمن الرحيم

هل تعتقدون ان كل الناس من حقهم استعمال بنزين 80 ام انه من حق شريحه معينه دون . مثلا السيارات البيجو الاجره بين المحافظات كلهم غلوا الاجره مع زياده بنزين 90 و 92 و 95 والسولار وفى الاخر بيضعوا فى سيارتهم بنزين 80 يعنى كل الزياده فى جيبهم ولم يتحملوا اى تكلفه اضافيه .كذلك التاكسيات فى مختلف المحافظات رفعوا الاجرة واكثر من 80 % منهم يضعوا بنزين 80 . يعنى مثلا لو الدوله منعت السيارات الاجره كلها من استخدام بنزين 80 هيذهب بنزين 80 الى مستحقيه وتقل الطوابير على محطات البنزين وستوفر فى اى وقت وفى كل المحطات وعندما يدفع اى واحد فينا الاجره للسائق سواء كان بيجو بين المحافظات او داخل المدينه ستشعر بأنه تحمل فعلا زياده فى تكاليف التشغيل وبالتالى من حقه زياده الاجره .فما رأيكم فى ذلك الموضوع وهل اقتراح بمنع سيارات الاجره فى استعمال بنزين 80 سيجعل هناك عداله بعض الشئ ام انهم من حقهم استعماله مثل السيارات الملاكى وشكرا

رأيى ان بغض النظر بيحطوا بنزين 80 ولا 90 ولا سولار حتى
المفروض يكون في عداد عشان تبقى كل حاجه واضحه وصريحه وتدفع اللى مكتوب قدامك
لان متهيألى مفيش حد دلوقتى مبيتخنقش مع السواق فى كل توصيله بسبب الاجره

اقتباس:

---

المشاركة الأصلية كتبت بواسطة hanboly

رأيى ان بغض النظر بيحطوا بنزين 80 ولا 90 ولا سولار حتى
المفروض يكون في عداد عشان تبقى كل حاجه واضحه وصريحه وتدفع اللى مكتوب قدامك
لان متهيألى مفيش حد دلوقتى مبيتخنقش مع السواق فى كل توصيله بسبب الاجره

---

طيب والسيارات البيجو بين الاقاليم ملهاش عداد ومع ذلك زودوا الاجره كتير يعنى مثلا بالنسبه للى انا عارفه عن اسعار البيجو بين الاسماعيليه وبقيه المحافظات قبل وبعد الزياده الاسماعيليه العريش قبل الزياده 9 وبعد الزياده 11 والاسماعيليه المنصوره قبل الزياده 8.5 وبعد الزياده 10 والاسماعيليه القاهرة اصبح 8 وكان 7 واسماعيليه بورسعيد اصبح 7 وكان 6 وانا امبارح وانا راجع من المنصوره السواق مش هاين عليه يحط بنزين 90 وعمال يدور على بنزين 80 لحد ما حط بنزين 80 كنت عاوز اقوله يعنى انتم رفعتم الاجره جنيه ونص لكل راكب يعنى 1.5 *7 = 10.5 جنيه هديه من الحكومه بدون اى زياده فى مصاريف التشغيل

اصلا سواق الاجرة بيحط 80 و رفعوا البنديرة يعد يقولك يا بية البنزين غلي ؟؟؟؟؟؟
يبني ال ......... ما ال 80 زي ما هو ما غليش

اقتباس:

---

المشاركة الأصلية كتبت بواسطة ramylancer

طيب والسيارات البيجو بين الاقاليم ملهاش عداد ومع ذلك زودوا الاجره كتير يعنى مثلا بالنسبه للى انا عارفه عن اسعار البيجو بين الاسماعيليه وبقيه المحافظات قبل وبعد الزياده الاسماعيليه العريش قبل الزياده 9 وبعد الزياده 11 والاسماعيليه المنصوره قبل الزياده 8.5 وبعد الزياده 10 والاسماعيليه القاهرة اصبح 8 وكان 7 واسماعيليه بورسعيد اصبح 7 وكان 6 وانا امبارح وانا راجع من المنصوره السواق مش هاين عليه يحط بنزين 90 وعمال يدور على بنزين 80 لحد ما حط بنزين 80 كنت عاوز اقوله يعنى انتم رفعتم الاجره جنيه ونص لكل راكب يعنى 1.5 *7 = 10.5 جنيه هديه من الحكومه بدون اى زياده فى مصاريف التشغيل

---

لاحظ ان ارتفاع البنزين حصل معاه ارتفاع في اسعار كل حاجة تانية
فبغض النظر عن نوع البنزين اللي بيستخدمه تلكفة المعيشة غليت
وبالتالي طبيعي انهم يزودوا الاجرة

حتى لو كان بيحط بنزين 80 اللى لسه مغليش !!

عشته نفسها غلت

طيب بالنسبه للناس اللى بتقول ان عيشه السواقين غليت والزيوت وبقيه قطع الغيار وهم مستحقون لبنزين 80 طيب اشمعنى كلهم غلوا تانى يوم من رفعه البنزين ما دام الغلاء من الاول ليه ربطوا زياده الاجره بزياده البنزين وبيحطوا بنزين 80

انا رأييى انهم اول حاجه يعملوها يلغوا بنزين 90 لانى مش مقتنع الدنيا تتعقد و تنقسم الى طلمبات 90 و طلمبات 92 و ساعلت 92 يبقى مش موجود و ساعات 90 هو اللى يبقى مش موجود واللى عايز يمون 92 يدخل على الطلمبه الفلانيه و اللى عايز 90 يدخل على التانيه و ده غير ان كل نوع ليه خط انتاج لوحد و تكاليف لوحده و كل الفيلم ده على 10 قروش فرق و فعلا عن تجربه ال92 افضل من 90 و كمان فى كارثه تانيه مهمه و هى ان فيه محطات بتحط 90 فى تانكات ال92 و تبيعلك ال90 من طلمبه ال92 و سيادتك تحاسب على اساس 92 و المحطه تستفيد من ال10 قروش دول مكسب زياده و هو فى دماغه انه معملكش كارثه فى عربيتك على اساس ان ال90 و ال92 قريبين فى الاداء من بعض بس بجد فيه عربيات بيبان فيها جامد الفرق بين 90 و 92 زى عربيتى الانسر 2006 فلو لغو ال90 هيريحونا و االلى كان بيحط 90 معتقدش انه هيزعل اوى من 4 جنيه زياده فى التفيله 40 لتر اللى هيه ب 70 جنيه بس بجد حرام الغش اللى بيحصل ده و كذا مره حطيت 92 و لاقيت العربيه بتتصرف بالظبط زى ما بحط ال90 وللافاده التجربه ده كانت مع محطه اسسو و موبيل و انا دلوقتى بمون من محطه شل عاجبنى بنزينها.......

نيجى بقه للبنزين 80 و راييى انهم حرام يلغوه لان فيه ناس عربياتها ماشيه كويس بيه و فعلا صعب عليهم السعر الغالى قوى لل 92 و فى نفس الوقت يوفروه اكتر و يحرموا سيارات الاجره منه و يطلعوا قانون بكده و فى نفس الوقت يشغلو عدادات الاجره و يظبطوها على اساس ان السواق بيحط بنزين 92 و يعملوله هامش ربح مناسب بعد تقدير باقى استهلاكات العربيه من زيت و غيره و اعتقد ان ده فى مصلحه السواق و الزبون كمان لانهم مش كل شويه هايتخانقوا زى ما بيحصل دلوقتى!!!!!!! و على فكره لو ده حصل اعتقد ان فى بعض المشاوير هندفع اقل من اللى بندفعه دلوقتى و كمان بالخناق.

المستحقون الحقيقيين للبنزين الرخيص

ليس أصحاب السيارت الأجرة على الإطلاق

دول أكتر ناس .................. مستغلين و معاملتهم سيئة جدا و جشعين بدرجة رهيبة

بس برضه العيب على الحكومة
مفيش حاجة واضحة
يعني سيارات التاكسي ............ مفيش عداد !!!!!!!!!!
مفيش أوتوبيسات كافية لنقل الناس في العاصمة المزدحمة و المتنيلة على عينها !!!!!!!
سواقين الميكروباصات ......... بيعملوا اللي هما عايزينوه
تغلية أجرة ......... تغيير خط السير .......... تقسيم المسافات و معها مضاعفة الأجرة ...........

البلد عايزة نفضة مظبوطة ............ تتنفض .......... و تتفلتر من الفساد المستشري فيها
النظام كله لازم يتم تعديله لإزالة المخالفات
و المخالفات دي لها أساس
لذلك يجب تصحيح الأساس و بناء أساس جديد
و طبعا موضوع البنزين 80 ده جزء من المشكلة
لأن المفروض السيارات الأجرة تستخدمه بشرط
عدم زيادة الأجرة مع زيادة البنزين
يجب أن تكون هناك أجرة موحدة من الحكومة و تعريفة واحدة لسيارات التاكسي
ليدفع العميل ما يراه أمامه
و يأخذ سائق التاكسي ......... ما هو معدود على شاشة العداد

بس بقى ازاي نعمل كدا ويبقى فيه نظام ؟؟؟؟؟؟؟؟؟؟
أمال نبقى في مصر ازاي ؟؟؟؟؟؟؟؟؟؟

و تحيا ج ع ع

لا اله الا الله اللهم صبرنا علي ما ابتليتنا به يارب

أنا رأي أن البنزين 80 مش حكر على حد و من حق أي حد يستخدمه:victory::tank:

اخر ناس تستحق الدعم فى البنزين 80 هما ساءقين الاجره لانهم حتى لو محطوش بنزين 80 بيحط غازاللى هو ارخص بكتير المتر المكعب ب45 قرش لو حط غاز بما يوازى صفيحه هتقف عليه ب9 جنيه يعنى الناس دى واكلاها والعه



..mokhtar..

الزيادة فى تعريفة التاكسى ممكن تسميها (بدل طابور) مش السواق بيتطلع ساعتين فى الطابور علشان ياخد بنزين 80 ويضيعله مشوراين وللا تلاتة، يبقى لازم يطلعهم من عين الزبون