الموضوع: ما تيجو نبقي شعب محترم

الاخ Themayor

المشاركة الأصلية كتبت بواسطة themayor

بس انا عندى سوال بسيط . لو واحد مننا فى منصب مهم و ابنه اخطا هل سيترك القانون يحاسبه مثله مثل الاخرين و لا هتحاول تطلعه من المشكله ؟!!!!!! فكر و جاوب بامانه شديده

الحقيقة دي مواجهه صعبة ,

المشاركة الأصلية كتبت بواسطة themayor

او عندك اتنين بتعملوهم اختبار او مقابله شخصيه واحد منهم قريبك او واحد قريبك موصيك عليه و التانى احسن بس متعرفوش هتعمل ايه؟!!!!!! فكر و جاوب بامانه

لو الفرق بسيط و ممكن يتم تداركة و مش هيعمل مشكلة في العمل يبقى الحقيقة الواحد ممكن يحابي قريبه ده ,
لكن لو الفرق كبير أو هيعمل مشكلة في العمل يبقى لأ ضميرى مش هيسمح لي ,

المشاركة الأصلية كتبت بواسطة themayor

او تكون ممثل للقانون و يجيلك تليفون من ناس اعلى منك منصبا و تغير حكم قضائى
علشان تقدر تكمل و متتفصلش من شغلك . هتتغيره و لا لا؟!!!!!

لأ ..............

المشاركة الأصلية كتبت بواسطة themayor

و انا مقتنع جدا انى التغيير لازم يبدا من قاعدة الهرم و ليس من قمته علشان يكون تغيير اساسه سليم و طبعا الشعب هو قاعدة الهرم

و دا اللي احنا عايزينه , دعوة لتغير أنفسنا , دعوة للخير , دعوة للإيمان ,
من القاعدة للقمة .............................

احنا احسن شعب بس لو اي قانون يطبق علي الكل لازم يبقي علي الكل
انتوا عرفين بالمناسبة وانا رايح شغلي النهاردة بالعاشر كان في عربية امامي الراجل مفيم كل العربية والنمرة عملعها قد كف اليد واحنا كلنا واقفين في الكمين والظابط يعدي العربية بكل سهولة اكنة مش شايف حاجة استغربت ولكن بعد شوية عرفت السبب لما قربت جبة ولقيت ثلاث ظباط بالعربية
انا مش هكمل هاكتفي بما دار بذهنكم انتم

محمد ممدوح ...
ازيك يا باشا ,,,
كلامك صح بس ده حال البلد ,
احنا بنتكلم على دعوة للحل , حتى و لو كان حل جزئي ,
و إزاي ممكن نحل المشاكل دي لو كل واحد قال البلد حالها بقى كذا و طالما مفيش رقيب يبقى إعمل اللي انت عايزة ووووووو.......
انت كون رقيب على نفسك و ابدأ بنفسك و بس ....
كل واحد يبدأ بنفسه .....

المشاركة الأصلية كتبت بواسطة gemino

ملحوظة :
التغيير بيبقى من فوق لتحت مش من تحت لفوق علشان لو الرأس و المخ خربانيين و فسدانيين يبقى الجسم حايموت حايموت

انا بتكلم على مجتمع كامل مش جسم انسان بمعنى انا و اخواتى كويسين هنحاول نغير العماره ال احنا فيها و العماره هتحاول تغير الحى كله و الحى هيغير المدينه و هكذا فاستحاله طالما احنا كويسين يجى حد مش كويس يمسك المدينه او يحط قرارت مش سليمه لادارة المدينه لانه هيبقى منيبوذ فى الوسط

و لعلمك فكرتك برضه صح بس لو الدماغ شغاله صح و تفكيرها صح

و احنا بنتكلم على القاعده لاننا منها و مش من القمه

يا جماعة لو سمحتو بلاش تسوقو مبررات علشان نبرر الغلط اللي انته بتعمله
في حديث الرسول صلي الله عليه وسلم " لا تكن إمّعة ان احسن الناس احسنت وان اساءوا أسات لازم نعمل الصح علشان هو صح
مش علشان انتظر مكافأة من حد
وبعدين هو مشيك مخالف علشان مكسل تمشي خمسين متر وترجع ايه دخل البلد فيه
كسرك اشارة ايه دخل البلد في
تعدي السرعة المقررة علي الطريق ايه دخل البد فيه
يا اخواننا نانا مش باقول ان احنا هانعمل كل حاجة انا عارف ان الحكومة عليها دور
وعلينا كشعب دور وكل واحد فينا قاعد مستني التاني يقوم بدورة كده يبقي مش ممكن نعمل اي حاجة
يا جماعة دحنا امة النظام
اتفرج علينا واحنا بنصلي( استوووا تراصووو الكتف في الكتف والقدم في القدم يستوي الصف )
واتفرج علينا واحنا بنخرج من المسجد فس يوم جمعة مثلا قمة الهرجلة مع ان هما دول اللي كانو لسه واقفين صف واحد مستوي
دحنا حتي مبنعرفش نقف طابور علي اي حاجة
لازم تلاقي الفهلوي والفتك والليفاكر نفسه اذكي من الناس دي كلها
بيه برة ام بنقف طابور بنقف كويس جدا عارفين ليه
لان اللي بيخرج عن الطابور الناس بتبص له علي انه شاااااذ
انه مش طبيعي
اانه عمل حاجة غريبة علي المجتمع
ثقافة المجتمع نفسه بتلفظة
انما الفهلوة هاتسيبنا وتروح فين
تاني يا جماعة بافكركو
ان الله لا يغير ما بقوم حتي يغيروا ما بانفسهم