الموضوع: ما تيجو نبقي شعب محترم

مفيش امل فى الشعب المصرى يتعدل فى الظروف الحاليه .لانك علشان تبقى محترم ومتحضر وملتزم فى المرور لازم تعمل طرق زى بره ينفع يستعملها البنى ادميين مش زى اللى عندنا اسوء طرق فى الشرق الاوسط كله ولازم تجبر كل واحد بيبنى عماره انه يعمل جراجات لسيارات السكان والضيوف علشان محدش يركن صف تانى ولازم لوحات ارشاديه ولوحات لتنظيم دخول الشوارع واى الشوارع دخول وايهم خروج علشان محدش يدخل غلط وكميه المطبات المرعبه اللى فى مصر اكثر من عدد المطبات اللى فى العالم كله . يبقى مش هينفع ان حد يدوس على زرار يبقى الشعب المصرى متحضر .عارفين انا اعتقد ان علشان نبقى متحضرين لازم مدن بالكامل تتشال ويعاد بنائها على اسس سليمه وتكون شوارعها واسعه وفيها لوحات ارشاديه ومفهاش مطبات

هههههه مينفعش لان البلد اتضرتنا نعمل كل دة العيب مش فينا

طيب و هي البلد دي مين؟

انتو ليه محسسني ان البلد دي واحده ست ماشيه تبهدل و تشتم في الناس و تاخد فلوسها و تسرقهم و تذلهم و تقهرهم

كل واحد يقول البلد اضطرتنا و البلد اجبرتنا

انتو ناسيين البلد دي مين؟

البلد دي هي انا و انت و هو

البلد هي ناسها

احنا اللي بتصرفاتنا كلناااااااااااااااااا بنخلي البلد وحشه او حلوة

ظالمة او عادله

فقيره او غنيه

لو كل واحد فينا عمل اللي عليه من غير ما يقول مافيش امل

و انا لو عملت غيري مش هيعمل

صدقوني و الله العظيم كل حاجة هتتغير مع الوقت

اهم حاجة كل واحد يعمل اللي حاسس انه صح

و ان اللي بيعمله ده هيخليه انسان محترم في نظر نفسه و في نظر الناس كلها

يعني لما تيجي ترمي حاجة من عربيتك و لا و انت ماشي فكر الف مرة

فكر قبل اي شيء

هل ده حرام و لا حلال قبل اي حاجة و قبل المخالفات و غيره بقي

ده ان الله نظيف يحب النظافه جميل يحب الجمال

و لما تيجي تمشي علي سرعه اكبر من المسموح بيها

فكر انك ممكن تقتل طفل مالوش ذنب او ام او اب

بلاش

فكر انك ممكن تعرض حياتك انت نفسك للخطر

و تقهر قلب اسرتك كلها عليك

بذمتك ده مش حرام؟

فيها ايه لما تربط الحزام عشان هو ده الصح

مانتا بكده بتحمي نفسك

هي نفسك رخيصه عندك للدرجة دي؟

و ليه تعلي الكاسيت علي اخره في العربيه؟

هو انت مش عارف ان في ناس مريضه و كبار في السن و طلبه بيزاكرو نفسهم في شوية راحه و هدوء

يعني فيها لما توطيه علي قد سمعك انت و اللي معاك؟

بذمتك مش هتحس انك انسان راقي و محترم و انت بتعمل كده؟

و فيها ايه لما نلتزم باشاره المرور و نعطل نفسنا خمس دقايق

يعني هو خلاص كل واحد فينا اشغال الوزارة مش هتمشي من غيره؟

ليه تكسر اشارة و تخلي كل واحد يشتم فيك شوية و تهين نفسك و كمان تاخد مخالفه

بتهيالي مالوش لازمة كل واحد يقول بلدك كده

لان لتاني مرة بكرر

البلد هي احنا

و الف شكر بجد علي كلامك الحلو يا استاذ محمد

بارك الله فيك

اختكم بوسي
-----------------
يا أختنا الفاضلة اللون الأحمر مخصص للمداخلات الإدارية فقط
وأهلا بك فى منتدانا
الإدارة

البلد هيا البلد ولو اتكلمنا اكتر من كدة ممكن يتلغى عضويتى من الحياة

المشاركة الأصلية كتبت بواسطة ahmed21015

البلد هيا البلد ولو اتكلمنا اكتر من كدة ممكن يتلغى عضويتى من الحياة

متزعلش مني يا احمد

بس يعني كلامك ده محبط جدا

انا عن نفسي عمري ما بحجم عن شيء لمجرد اني مش شايفه فايده من اللي حواليا او حاسه انهم محبطين ليا

انا بعمل الحاجة اللي اكون مقتنعه بيها و تخليني انسانه محترمه في نظر اللي حواليا كلهم

مينفعش اقعد اقول مفيش شيء هيتغير

و كل حاجة سودا و وحشه

ماهو لو كل الناس قالت زيك كده و الله بعد تلاتين سنه هنبقي من دول العالم الخمسه و تلاتين

ياريت كل واحد يفكر ايه الصح و يعمله

ياريت كمان نفكر ايه الحلال و اللي يرضي ربنا و نعمله

و بتهيالي دي لا فيها بلد و لا مش بلد

يعني مش عارفه اقولك ايه

بس

Try to think pink

المشاركة الأصلية كتبت بواسطة badblood

طب امال الغلط فين ؟؟؟؟
ايه اللي خلنا وخلا الناس تتمادى في الغلط ؟؟؟؟

الغلط فينا طبعا

يعني هيكون في الشعب الكوري المناضل؟

اللي خلي الناس تتمادي في الغلط ان كل واحد بيقول يلا نفسي

و مفيش فايده

و مفيش امل

و يعني هو انا لو عملت اللي عليا غيري هيعمل؟

لو كل واحد شاف غيره بيعمل الصح ممكن يحاول يقلده و لو حتي يا سيدي علي سبيل الغيره المشروعة

لان انت لو شوفت صاحبك مثلا ناجح جدا في شغله و الناس منبهره بيه و باحترامه لشغله و اتقانه ليه هتحاول تشوف هو بيعمل ايه و تقلده

حتي لو مش عشان انت مقتنع باللي هو بيعمله

بس عشان نفسك الناس تبصلك نفس البصه

طبعا كلامي ده مش عام لان مش كل الناس هتبقي بالتفكير ده يعني

بس يعني بلاقيلك المبررات اللي ممكن تخلي كل واحد يحاول يعمل الصح و يبقي حابب يعمله كمان

اسفه طولت عليكم