الأخوة و الأخوات الكرام / مالكي و محبي هيونداي
أسعد الله أوقاتكم ...
عايز أتناقش معاكوا و أخذ رأيكوا في شكل الموضوعات المثيتة علي رأس القسم من حيث :
- نوعية الموضوعات
- عددها
محتاج أعرف أرائكم بالتفصيل للوصول لأفضل شكل للموضوعات المثبتة
الأخوة و الأخوات الكرام / مالكي و محبي هيونداي
أسعد الله أوقاتكم ...
عايز أتناقش معاكوا و أخذ رأيكوا في شكل الموضوعات المثيتة علي رأس القسم من حيث :
- نوعية الموضوعات
- عددها
محتاج أعرف أرائكم بالتفصيل للوصول لأفضل شكل للموضوعات المثبتة
عددها يكون اكتر من كده
ونوعية الموضوعات يا ريت الحرص انها تكون متنوعة قدر الامكان بمعنى موضوع عن الفيرنا واخر للار بى واخر للماتريكس يعنى كوكتيل فخفاخينا دسم
موش نلاقى كل الموضوعات عن نوع واحد :)
بالنسبة للموضوعات الخاصة بالسيارات موجودة بالفعل في الفهرس العام لأهم الموضوعات :
http://www.nilemotors.net/Nile/335359-rp.html
http://www.nilemotors.net/Nile/335361-mc.html
http://www.nilemotors.net/Nile/303476-x3.html
http://www.nilemotors.net/Nile/299492-a.html
و هكذا
مبدأيا الموضوعات المثبته تكون بحسب المجهود المبذول في الموضوع او التقرير. لأنك كده بتشجع العضو انه يعمل مواضيع مشابهه اكتر ويبذل جهد اكتر ويرتقي بالقسم
او بالrating بتاع الموضوع والناس تهتم بإنها تقيم المواضيع
من رأيي يا هندسه ان الاهم في المواضيع المثبته انها تكون متغيره بمعنى ان اذا كانت الموضوعات مثلا اللي بيتم عرضها 10 مواضيع تكون اصل المواضيع المثبته 30 وتتغير تلقائيا عشان الفائدة تعم اكثر
انا رأيي طول ما احنا عاملين فهرس
محدش بيشوف المواضيع الجديدة اللى مبذول فيها شغل
علشان كدة لازم المواضيع اللى متعوب فيها جامد هى اللى تتثبت علشان الناس تشوفها باستمرار
طيب ياريت ترشحوا لي الموضوعات اللي شايفين أنها لازم تتثبت كمثال للتوضيح
ان يكون الصنيف اولا بموديل السيارة ثم باقسامها
يعني الموتور وما يخصه لوحده والعفشه لوحدها والصاج لوحده والفرش لوحده ....
وده هيسهل اكثر علي المشتركين للوصول لاي جزء
ياريت تشوف موضوعات الفهرس و تقول لي رأيك فيها و هل بتحقق أقتراحاتك و لا لأ ؟
طيب أنا محتاج من حضراتكم تتخيلوا أنفسكم منسقي قسم هيونداي
و كل واحد يكتب قائمة ب 10 موضوعات بلينكاتها , يجب أن يتم تثبيتها علي رأس موضوعات الصفحة
عزيزي المهندس / سمير
بصراحة حضرتك باذل جهد مميز جداً نشكرك جميعاً عليه ....
التنسيق اللي حضرتك عامله مميز جداً
لو تسمح لي أحب أتشارك معاكم ببعض النقاط
1- عملية تثبيت المواضيع له معايير معينة ليس من ضمنها التكريم !!!
2- انا مثلاً لو معي عربية فيرنا وعايز أركب فوج لايت , المفروض أذهب للمواضيع المثبتة ألاقي موضوعات تركيب الفوج للفيرنا , وهكذا لو عايز أركب جنوط او أغير الكاوتش ........الخ .
3- لو عندي عطل في عربيتي المفروض أذهب للمواضيع المثبتة ألاقي أشهر المواضيع الخاصة بالاعطال , لو لم أجد أبدأ بعرض الموضوع على الأعضاء في مشاركة جديدة .
4- مازال رأيي إن هناك تقصير من جانب الأعضاء في إستكمال مشاركاتهم السابقة , تلاقي المشاركة ماتت في منتصفها !!!!!!!!!!!!!! .
5- عندي ملاحظة الفترة الماضية ... لو هناك عطل لم يتمكن الأعضاء من مساعدة العضو صاحب المشاركة في حلها يتم توجيهه بالذهاب لاخونا الفاضل المهندس هاني !!! , طيب إيه اللي حصل في المشكلة ؟ اتحلت إزاي ؟ , محدش يعرف ؟ , يعني لو حصل لحد مشكلة يذهب للمهندس هاني مباشرة ولا يدخل المنتدى !!! , طبعاً الكلام ده ليس معناه عدم التعامل مع العزيز المهندس هاني بالعكس أنا أراه من القليلين اللي تتعامل معاهم بإطمئنان , لكن عشان ما يحصلش تقصير في هدف من أهداف المنتدى .
أخيراً عذراً للإطالة .... وأكرر شكري وتقديري لشخكم وجهدكم الكبير
تحياتي
أولا .. أنا بأشكرك جدا علي مشاركتك و ردك العملي و فعلا أنا محتاج لكل رأي و تقييم و نقد يساعدني أني أوصل بالقسم للشكل الذي تأملونه جميعا في أسرع وقت
ثانيا.. بالنسبة لما أقترحته حضرتك من موضوعات مثبته عن الاعطال و التعديلات (كتركيب الفوجات للفيرنا مثلا) , كل ذلك موجود بالفعل في فهرس الموضوعات
و هنا يجب أن نفرق مابين موضوعات الفهرس و الموضوعات المثبتة في الصفحة الرئيسية حتي لايحدث تكرار للموضوعات
أرجو من حضرتك أنك تراجع موضوعات الفهرس و تقول لي رأيك فيها و هل حققت ماتطلبه أم لا
و مازلت في أنتظار ترشيح حضرتك ل 10 موضوعات مختلفة ليست بغرض التكريم يتم تثبيتها في رأس الصفحة
أما مشكلة أن الاعضاء لا يتابعونا بعد أصلاح أو حل مشاكل سياراتهم بصراحة هذا العيب من الاعضاء أنفسهم و مسئوليتهم و أنا بأناشد الجميع أن يكملوا مشاركاتهم
أنا متشكر جدا لحضرتك علي تجاوبك
كده أنت بتقترح أننا ننزل في الموضوعات المثبتة موضوعات مختارة من الفهرس العام للسيارات
عموما هأدرس الفكرة دي و أتشاور مع باقي الاعضاء فيها و أن شاء الله يتم تطبيقها في حالة قبولها