عرض للطباعة
بصراحه الواحد خاف من اللى بيسمعه عن قانون المرور الجديد ده وفعلا نزلت
الصبح اشيل اى ملصق او فاميه من العربيه بس المشكله ان اللى اتشال من الفاميه
الكيس الخارجى بس اما الجزء الاسود مازال لاصق بالزجاج وماعنديش فكره
ازاى
بيتشال فياريت اللى عنده خبره بالموضوع ده مايبخلش علينا
جيب بخاخه فيها صابون مواعين و موس صغير و اشتغل و الافضل تروح للى ركبلك الفاميه و تقوله يشيله هياخد منك عشر جنود فقط او لو عايز تعملها انت زى ماقولتلك بخاخه فيها صابون و موس و رش الميه على الزجاج كتير و بعد كده شيله بالموس و لو عايز اى مساعد انا فى الخدمه شلته كتير قبل كده من العربيه
بس يا سيدي تروح لاي محل بتاع حدايد وبويات وتشتري زجاجة تينر ودي رخيصه تقريبا كده ب3 جنيه وتبل فوطه بالتنر وتمسح بيها الفاميه هتلاقيه بيتشال معاك علي طول
اشكركم على المساعده. هاجرب واقولكم النتيجه
خللى بالكاقتباس:
المشاركة الأصلية كتبت بواسطة AHMEDCAR
لو عندك سلك تسخين للزجاج ممكن يتأثر من الموس
فعلا عندى سلك تسخيناقتباس:
المشاركة الأصلية كتبت بواسطة haima
بلاش موس ممكن بعد الميه والصابون السائل فوطه نشفة ويطلع على طول
انا اسف قولت الموس و محزرتهوش من الزجاج الحرارى بس بصراحه فى واحد شاله قدامى و كان عنده الزجاج الحرارى ده بالموس و الزجاج اشتغل عادى هيه عايزه فن شويه علشان كده قولتله روح للى ركبلك الفاميه
إمشي بالولاعة على الحرف
هيفك معاك جزء صغير للخارج
شد منه
على فكره....انا شلته بطريقة الميه والصابون.جبت لفة مواعيين جديده ورغتها بصابون سايل وميه.واتشالت بكل سهوله.اشكركم على الاهتمام