ههههههههههههههههههههههههه هههههههه هي دي الخلاصة , المساواة بتطلع ساعة المميزات بس , انما ساعة العيوب الست ست و الراجل راجل
عموما فيما يخص الستات فما اكرمهن الا كريم و ما اهانهن الا لئيم , بس ما ينفعش كل واحدة تسوق فيها و تعتمد على كده
عرض للطباعة
ماهو ده اللي بنتكلم فيه ياتامر :)
لو في مصيبه او شغل كتيير تبقي الحمل الوديع وتقولك القوارير
لكن لو في فلوس او مصلحه تبقي زيييييييييييييييييييييييي يير
طيب، مبدئياً فيه شغل كتير بيرفض انه يعين ستات عشان حوار التأخير ده..
ثانياً.. إحنا لو في مجتمع محترم و البنت عارفة انها هاتروح متأخر محدش هايتعرضلها مكانش هايبقى فيه مشكلة.. انما عشان احنا في مجتمع ابن تييت فالبنت اتلغى من عندها فكرة الشغل متأخر.. و إن حصل فيا اما معاها عربية او متفقة مع سواق عشان متتبهدلش..
ثالثاً.. بالنسبة للأخوة اللي متضايقيين ان الست تشتغل.. أولاً لو مش عايزها تشتغل يبقى علمتها ليه من الأول؟؟ يعني انا مفروض يطلع عيني 17 سنة في التعليم بالميت عشان اقعد في البيت؟؟
و بعدين ماشي قعدنا في البيت، هل تعلم ان دينياً الست مش مفروض تعمل حاجة، و جوزها مفروض يجيبلها حد يقوم عنها بأعمال المنزل، و هيا تقعد متستتة و متهننة تحط في ميك اب و تتفرج على مسلسلات؟؟
مش ينفع، طبعاً مش ينفع.. عصر العبيد انتهى و محدش هاينزل يشتريلي جارية.. يبقى الحل ان الست تعمل شغل البيت، يبقى كده الراجل ملوش حق انه يتكلم مادام مش موفيها حقها في انها تقعد و الحاجة تجيلها لحد عندها..
حاحة كمان، في ظل الهبل الإقتضادي اللي احنا فيه، كام واحد قادر يقوم ببيت من غير ما يعتمد على جزء من مرتب مراته؟؟ و باتكلم على الناس اللي بيطلع عينها طول اليوم في الشغل عشان تاخدلها 1200 جنية اخر الشهر مش الناس اللي بتشتغل بالافات.. معنى كده ان شغل الست ضروري في الناحية دي.. بس بما ان الست بقت تصرف على نفسها، فقوامة الراحل المادية بخ..
حاجة كمان.. متضايقيين من ان الست بتنزل مظاهرات.. ماهو تاني.. لو البلد محترمة و المجتمع محترم كانت الست هاتنزل عشان تقول رأيها من غير ما تخاف من شوية الهمج اللي ممكن يضايقوها... انما للأسف في ظل المجتمع الهمجي ده طبيعي ان الست تتبهدل.. و ليها حرية الاختيار انها تسكت او تدافع و تناضل.. و الاحرار هما اللي بيناضلوا..
الست اللي بتطالب بالمساواة، بيطلع عينها في التعليم و الشغل و البيت و رعاية الأولاد و الزوج و تحمل السخافات اليومية من الناس البهايم في الشارع و قرف المواصلات و قرف الزحمة، ده غير القهر اللي بتتعرضله من و هي طفلة سواء عن طريق الختان او تفضيل الولد عليها او انها يتفرض عليها تتجوز حد مش عايزاه..
بيت ابوكي ل بيت جوزك ل قبر يلمك.. دي الست اللي في مصر..
متضايق من الستات أوي؟؟ امك و اختك و مراتك و بنتك دول ايه؟؟ ماهم ستات..
الستات نص المجتمع.. اللي مش فاهم كده يبقى اعمى، و اللي عايز يرجع الستات لعصر الجاهلية، يروح يعيش فيها هوا مع نفسه..
و اللي فاكر ان الستات واخدة حقوقها يبقى واهم، مش عشان شوية جمعيات بتحاول انها تخلي الستات تاخد حقوقها يبقى خلاص كده الستات زي الفل..
لو كان ينفع تيقى بنت و تنزل يوم في البلد دي، كنت هاتكره حياتك..
سلام عليكم , انا عندي بعض التعليقات
بالنسبة نفسه , فهو مش ضيق لا من الستات ولا من ان الستات تشتغل , هو ضيق من الانتهازية من بعض الستات
مثال كنا بنتكلم فيه , مثلا ان الست ما ينفعش لا تبات في الشغل ولا تمشي متأخر , ده منطقي , بس المنطقي كمان في حاجة زي دي ان مرتبها يبقى اقل , او ان اللي بيشتغلوا في اوقات متأخرة و بيباتوا ياخدوا بدلات عن ده
بالنسبة لنقطة النزول متأخر نفسه , بالنسبة لي انا مثلا , حتى لو الدنيا آخر امان , فانا شايف ده برده غلط
بالنسبة لنقطة شغل الست في البيت , انا فعلا اظن ان شرعا ده حقيقي , بس نتكلم بصراحة شوية , اللي يقدروا على كده زوجاتهم بيبقوا فعلا كده , و اللي ما يقدروش , بتقعد زوجاتهم في البيت تشتغل فيه , و اللي ما يقدروش يكفوا بيوتهم زوجاتهم بتشتغل و بتساعدهم مفروض اضطرارا
طب ايه تأثير ده على قوامة الراجل ؟ نقطة معقدة , بس اظن ده يقلل منها طبعا , بس في العموم بتبقى بالتراضي بقى في الحالة دي
(عايز استلف المثال الشهير , شرعا ربنا حلل الراجل يتجوز اربعة ههههههههههههههههههههه )
بالنسبة لنزول الست مظاهرات , انا مش ضده في حال كون المظاهرات آمنة , اما في الوضع الحالي فانا عن نفسي ارفض , و ده مش عيبها , اللي عيبها هي اللي بتروح هي تشتبك باللسان واليد بس
المساواة في الحقوق ماعنديش اي اعتراض عليها
تعليق اخير , جمعيات حقوق المرأة هي ابعد ما يكون عن حقوق المرأة فعلا , دول موجهين فقط لحقوق المرأة النخبوية اللي زي حالاتهم بس
اقتباس:
ربنا يكرمكم ياتامر باشا قلت اللي عايز اقوله ومكنتش عايز ارد عشان مخرجش بره الموضوع ويتحول لخناقه وتوصل في الأخر لأخونة الدوله برده :))
لا خناقة و لا حاجة.. إحنا مش مجموعة اطفال هنا عشان نتخانق اثناء الحوار.. حتى لو فيه اختلاف في وجهات النظر و في التوجهات السياسية.. انا حالياً بناقش وضع إجتماعي للمرأة بغض النظر عن إخوان و لا وطني و لا معارضة و لا أي شيء..
للاسف اغلب الرجال الشرقيين ينظرون للمرأة علي انها كائن ادني منهم ويجب ان يجلس فى البيت ويخدمهم ويخدم اطفالهم فقط اما ان يكون لهم دور فى المجتمع او يعبروا عن رأيهم كبشر مثلهم ولهم نفس الحقوق فهذا غير مقبول .
عقدة الرجل الشرقي يري نفسه جنس اسمي من المرأة وان المرأة خلقت من اجل اشباع رغباته المختلفة وليس مسموح لها ان تتحدث او تعبر او حتي ان تعترض , قريت حادثة من كام يوم ان واحد قتل مراته لما المحكمة حكمة ليها بالخلع , يعني حتي الخلع الراجل الشرقي مش شايفة حق من حقوق المرأة ,يعني الست تعيش خدامة تحت رجلين جوزها وغصب عنها ترضي انه يتجوز عليها ويتمتع ويعيش حياته وهي تفضل قاعدة تخدم فيه وتقله يا سي السيد وميحقلش ليها تطلب الطلاق او الخلع وهو لما يبقي يزهق منها يبقي يرميها .
عجبت لك يا بلد عندما يطلق علي مثل هؤلاء لقب رجال