الوقت المناسب للسفر الي الخارج

**horas3000** · 20-03-2013 04:29 PM

المشاركة الأصلية كتبت بواسطة mohssenrashed

انا مقتنع اللي يسافر يسافر و يأخد اسرتة و يطلع عشان يعيش يعني يجيب سكن كويس و عربية و يتفسح و يعيشششششش

اللي بيحط في دماغة انة طالع يحوش و يرجع بيجي على نفسة في الغربة في السكن و الاكل و الفسح و في الاخر مش هيرجع و هيبقى ولا طال العيشة الكريمه و ولا رجع بلده.

+11111
خير الكلام ما قل و دل

و اللي بيطلع عشان يحوش دلوقتي
نهايته هتكون انه يعيش عيشه صعبه في الغربه
و لما يرجع هيلاقي كل حاجه غليت و مش هيعرف يعمل حاجة باللي حوشه

**shaddadfalcon1** · 20-03-2013 04:41 PM

ربنا يكرمكم علي ردودكم

انا لو هسافر هاخد عيالي ومراتي لاني مستحملش اعيش من غيرهم

بالنسبه للأصدقاء فالحمد لله مليش وبحب العزله حتي من اهلي كمان وبحب اعيش لوحدي قوي ومش بحب الأخنلاط بالناس كتيير

عمري ماهسافر الا اذا كان المرتب يكفي عيشتي هناك واحوش منه ولما سالت شويه لقيت ان الشركات مممكن تتحمل سكني ومواصلاتي وتامين ومدارس الولاد كمان

ايه بقي ؟

**shaddadfalcon1** · 20-03-2013 06:28 PM

المشاركة الأصلية كتبت بواسطة m_elkhishin

انا سافرت السعودية في شهر يناير 2009
اخدت سلفة فورية من الشركة وجهزت الشقة وجبت مراتي في مارس 2009

الغربة متستاهلش تعيش يوم واحد بعيد عن عيالك.

لو حتسافر السعودية،
لو مثلا مرتبك 6000 ريال
طبعا محروم فحتركب عربية جديدة سيراتو مثلا قسطها 1400-1500 ريال .
ايجار الشقة الصغيرة 1500-2000 ريال
يدوب تاكل وتشرب بمستوى متوسط 2000 ريال
تليفون وموبايل ونت 500-700 ريال

المجموع: اكتر من 6000 ريال مصاريف شهرية

تعالى بقى لو عندك عيال في الحضانة او المدرسة
المصاريف بتبدأ من 5000 ريال في السنة للمدرسة الاهلية المعفنة
يعني علشان تدخلهم مدرسة معقولة مش اقل من 10000-12000 ريال للطفل الواحد(اهلية بردو مش انترناشيونال)

الخلاصة لو انت يدوب عايش في مصر، ممكن تقبل مرتب 6000-7000 ريال عشان يدوب تعيش هناك في مستوى افضل قليلا.
كل 1000 ريال زيادة بعد كده هيحسن مستوى معيشتك اكتر او هتحوشه.

ممكن تحوش طبعا من اللي انا كتبته في الاول بس حتيجي على نفسك وعيالك كتير.

انا بالنسبه ليا الحمد لله عندي خبره كويسه 7 سنين هنا وبالتالي العرض اللي هيبقي موجود المفروض انه يبقي كويس ويغطي كل الكلام اللي حضرتك ذكرته يعني المفروض ان المرتب للأكل والشرب والفسح والفواتير

**Medicalist** · 20-03-2013 06:45 PM

رايى انه السفر دلوقتى حل للهروب من المجتمع الى توحش بغض النظر عن الماديات و التحويش اصبح صعب لانه الفلوس والرواتب هى فى مقابل كل حاجه هنا اصبحت غاليه جدا

**Land_Cruiser** · 20-03-2013 06:47 PM

المشاركة الأصلية كتبت بواسطة أبو صلاح

انا شخصيا بعتبر السفر حاليا فرصة علشان تعرف تعيش حياتك وتحس بآدميتك بغض النظر عن الماديات

فعلا هو بقي وسيله للحفاظ علي الآدمية زي استخدام السياره الخاصه بدل وسائل المواصلات لنفس الغرض

**Ahmed_Adham** · 20-03-2013 07:34 PM

اللي يسافر مع أسرته يادوب بيعيش وهيفضل عايش بره طول عمره غصب عنه لأنه عشان ينزل مصر لازم يكون معاه فلوس يعمل مشروع يعيش منه ومش هيعرف يحوش الفلوس طول ماهو معاه أسرته الا اذا مكنش موظف. اللي عايشين حياتهم بره هما أصحاب الاعمال ولو حتى محل ورد لكن الموظفين بيفضلو دايما ياخدو اللي يادوب يكفيهم خصوصا مع وجود أطفال في المدرسه.

**hnh_75** · 20-03-2013 09:38 PM

سبب ال احنا فيه حسني مسك البلد مكنش في القاهرة عشوئية واحدة خلا القاهرة في 30 سنة كله عشوائيات

**shaddadfalcon1** · 20-03-2013 09:54 PM

المشاركة الأصلية كتبت بواسطة ahmed_adham

اللي يسافر مع أسرته يادوب بيعيش وهيفضل عايش بره طول عمره غصب عنه لأنه عشان ينزل مصر لازم يكون معاه فلوس يعمل مشروع يعيش منه ومش هيعرف يحوش الفلوس طول ماهو معاه أسرته الا اذا مكنش موظف. اللي عايشين حياتهم بره هما أصحاب الاعمال ولو حتى محل ورد لكن الموظفين بيفضلو دايما ياخدو اللي يادوب يكفيهم خصوصا مع وجود أطفال في المدرسه.

انت عارف انا مشكلتي ايه؟ اني مش عايز اعيش بره طول عمري

والمشكله اني بتقالم علي المكان اللي انا عايش فيه وبقارن باللي قبله
يعني انا عشت شويه في القاهره في الحي التامن في السنتين اللي فاتو وكنت شغال في المنطقه الحره يعني العربيه مكنتش بتلحق تسخن والمشوار ميكملش 5 دقايق ولا زحمه ولا غيره

رجعت تاني الأسكندريه في سيدي بشر وشغلي في سموحه والدائري اللي كنت معتمد عليه اتكسر وباظ وبقيت اجي من علي البحر وكل يلوم اخبطلي ساعه او اكتر واروح البيت مش طايق نفسي

فتخيل بقي لو سافرت دبي او كندا او ي دوله نظيفه كام سنه وبعدين رجعت مصر تاني

مش هعرف اعيش نهائي

**m_elkhishin** · 20-03-2013 10:36 PM

المشاركة الأصلية كتبت بواسطة shaddadfalcon1

فتخيل بقي لو سافرت دبي او كندا او ي دوله نظيفه كام سنه وبعدين رجعت مصر تاني

مش هعرف اعيش نهائي

دانت راسم على تقيل بقى
خد بالك ان ال 7000 في السعودية، يقابلها 12000 على الاقل في دبي
انا خدت العيال دبي مامورية تبع الشغل لمدة اسبوع صرفت من جيبي 8000 ريال.
بعدها بشهرين رحت تاني، قالولي رجلنا على رجلك، وللاسف صرفت 8000 ريال تاني
دبي فيها بلاعات بتشرب الفلوس

-

الموضوع: الوقت المناسب للسفر الي الخارج

LinkBack

أدوات الموضوع

عرض

-

-

-

المواضيع المتشابهه

ماهو الوقت المناسب للوصول لدرجة الحرارة الطبيعية للعربية

للسفر الى السعودية

مطبات جديدة على دائري المنصورة! في الوقت المناسب

ما هو الوقت المناسب للبيع و الشراء ؟

الوقت المناسب لتلميع السيارة ؟

الكلمات الدلالية لهذا الموضوع

المفضلات

المفضلات

ضوابط المشاركة