رايت تفيدونى من تجاربكم
رايت تفيدونى من تجاربكم
الامجراند لسه ما بانتش , بس لو ما طلعلهاش عيوب هاتبقى افضل في رأيي
انا عن نفسى افضل الماركات والفئات الى اتعرفت كويس مع مراعاه الامكانيات برضوا والسعر
يعنى مثلا الامجراند جميله جدا بس ايه عيوبها محدش يعرف دلوقتى بس برضوا توكيل محترم بيرفع ماركاته للسما
انا ما بحبش اللانوس (راى شخصى) بس تصارع جميل وقطع غيار عند البقال
الساجا عربيه اقتصاديه ما تتقارنش بالامجراند خالص انت ممكن تفكر فى برسونا بس اغلى طبعا
عموما انا كنت فى حيره زيك كده وقررت فى الاخر انى اجيب بروتون برسونا والحمد لله مش ندمان على اختيارى
الأمجراند وأتكل على الله ، عربية أمكانيتها حلوة ولو مش مصدق أدخل على النت وأقرأ عنها هتعجبك أوى وبردوا صلى أستخارة وربنا يوفقك للأحسن
الأمجراند وأتكل على الله ، عربية أمكانيتها حلوة ولو مش مصدق أدخل على النت وأقرأ عنها هتعجبك أوى وبردوا صلى أستخارة وربنا يوفقك للأحسن
والله الساجا مع أخويا من 2010 لغاية دلوقت وماشيه 90000 كيلوما أشتكاش منها خالص وأنا سوقتها والعربيه ماشاء الله سحبها تحفه وثباتها حلو لغاية 170 ومازودتش عن كده أناؤشايفها إختيار ممتاز ... ده رأيي .
حضرتك انا من رأيي الشخصي ان استهلاك البنزين في اي عربيه دا يرجع للي سايقها خصوصا وان عربيات زي البروتون اللي بيسوقها بيكون عارف ان موتورها رياضي وبيشد عالموتور وعشان كدا استهلاك البنزين بيزيد..واستهلاكها زي اي عربيه...وانا كنت في المصريه للسيارات من يومين كنت رايح اشوف الجين2..وبصيت على الساجا..المفاجأه اني عمري ما كنت اتخيل انها واسعه كدا من ورا بجد بالنسبه لحجمها
وعلى الرغم من كلام كل الاعضاء المحترمين...مفيش حاجه هتفيدك احسن من استخارة ربنا...استخر ربنا وتوكل على الله
عن نفسي أنا مجرب اللانوس و مش مزعلني في حاجة و لله الحمد! و معنديش معلومات كافية عن الانواع الاخرى
الساجا سعرها كويس بالنسبة لامكانياتها و برضه سحبها كويس بالنسبة لموتور 1300 و ثباتها كويس جدا على السرعات العالية لكن استهلاك البنزين فى الاوتوماتيك ( عن تجربة ) فى وسط البلد حوالى 120 كيلومتر فى ال 20لتر و اذا شغلت التكييف توصل ل 90 كيلو !!!!!!! الغريبة ان استهلاك البنزين كويس على السرعات العالية فى السفر تقريبا على سرعة 100 او 120 بدون تكييف ممكن تاخذ 280 كيلومتر فى ال 20 لتر
حاجة تانية - التوكيل قطع غياره غير متوفرة !!!!!!!! و تقعد تحجز بالشهور لغاية متلاقى اللى انت عايزه
- حصل بعض عيوب الصناعة زى البطارية انتهت بعد 5 شهور و غيرتها فى التوكيل و المساعد جاب زيت بعد حوالى 2000 كيلو و المفروض انه يتغير فى التوكيل ......