السلام عليكم
معروض عليا عربية بروتون جين تو موديل 2006 فابريكة جوة رشة حزام مانويال ماشة 200 الف كيلو
مطلوب فيها 47 الف السعر كده مناسب ؟
وانا قلقان من موضوع 200 الف كيلو بالنسبة لحالة المتور او ان العربية تحتاج مصاريف كتير بعد كده
فمحتاج رايكم
عرض للطباعة
السلام عليكم
معروض عليا عربية بروتون جين تو موديل 2006 فابريكة جوة رشة حزام مانويال ماشة 200 الف كيلو
مطلوب فيها 47 الف السعر كده مناسب ؟
وانا قلقان من موضوع 200 الف كيلو بالنسبة لحالة المتور او ان العربية تحتاج مصاريف كتير بعد كده
فمحتاج رايكم
انا هقول لحضرتك علي حاجه انك تشتري العربية دي تتم علي خطوتين
الاولي ان العربية تكون سليمة من غير حوادث او غيره وده من خلال يكون معاك سمكري او بوهيجي تمام او تكشف علي الصاج في اي بنزينه في حدود 30-50 جنيه
تمام الاولي
اشترط علي صاحب العربية انك تكشف في التوكيل او في مركز معتمد وخليهم يفصصوا العربية و تاخد تقرير بكل الي العربية محتاجه وفي الحالة دي تقدر تحدد الموقف
وبالتوفيق
لأ يا باشا بيتهايئلي السعر ده حلو، لو العربية واقفة على رجليها ومفيهاش مشاكل، بعد الكشف عليها طبعا، وممكن تنزل معاه، واحد صاحبي امبارح اتعرض عليه جين 2 برضه نفس النظام بس ماشية أقل، على 47 ومحتاجة حبة نضافة برة وحاجات في سكة خمس ستلاف، ونزل مع صاحبها لواحد واربعين ووافق، والعربية كانت نضيفة دواخل وميكانيكا.
اكشف عليها كويس وتوكل على الله لو طلعت كويسة، ولو فيه حاجة بسيطها تقدر تعملها يبقى تنزل من السعر .
حاله العربيه عمرها ما كانت بقراءة العداد لان فيه ناس كتيرة اوى لما بتيجى تبيع بتعمل العداد بعدد كيلوهات صغير جدا و استحاله انت كمشترى عادى تعرف الحكاية دى المهم يكون فيه صيانه دورية شغالة مظبوط و الأهتمام بالحاجات الى بتتغير كل فتره بس و حاله الموتور
لكن دة ميمنعش ان عدد الكيلوهات كتيرة
بص أنت لو تيجى تحسبها هتلاقيه بيمتلكها بقاله 6 سنين
6 سنين فى 365 يوم = 2190 يوم
يبقى 200 ألف كيلو على 2190 يوم = 91 كيلو و أكتر بكسور
يعنى فى اليوم بيمشى 91 كيلو
و حاول تخليها ب45 ألف بس دة طبعا بعد الفحص عند ميكانيكى محترم جدا
ثم الفحص فى بنزينه و تتفق معاه ان تكلفة فحص البنزينه لو غالى تتقاسموا فيه كمان بس دة لو غالى اوى