عرض للطباعة
السلام عليكم
الشقه ال 70 متر وقسطها حوالي 70 جنيه شهريا في التجمع الثالث تعملها كام
السماسرة للاسف بيبالغوا جدا في الاسعار
لو حد يعرف واحد عايز يبيبع شقه هناك بسعر غير مبالغ فيه ياريت يقول لي
انا عايزها علي تشطيب الشركه وما تكونش دور ارضي
وايه احسن منطقه هناك
انا اسمع ان المحليه الرابعه كويسه ومستواها معقول
160 الف ممكن تجيب لي شقه كويسه؟
ياريت تدوتي فكرة بعد اذنكم
مظنش ..التجمع بالذات نطر نطره صاروخيه ومعرفش السبب ايه بس الحقيقه يستاهل كفايه ان مهما حصل مفيش فيه اسف ف اللفظ نسبة الهمج الي موجودين ف المدن الجديده
يا باشا انا ياكن هناك اعتقد ان اقل حاجة كزيسه على الشارع دور متكرر 19000:200000 ولو اخير او ارضى يبقى 170000:175000 الف ودى اسعار تشطيب الجهاز
الشقق ده كانت اسعارها بتراب الفلوس . مش عارف ايه اللى خلى ال 70 متر توصل للتمن ده
والمفروض بصراحه تمنها ميعدين ال 150 الف حاليا
وطبعا بتكلم مبدئيا على شقق اسكان الشباب
زميلى فالشغل جايبها من شهرين 135 الف التجمع الثالث , وبصراحة الاسعار المبالغ فيها دى بقيت اوفر اوى .. لان سعرها اللى انا اعرفه 130 .. 140 ده اخرها .....
وانا نازل ادور هناك وباذن الله هجيب ... وللاسف السماسره دلوقتى للاسف بقى بيكله حلاوة على البايع والمشترى
فعلا الاسعار زادت بطريقه مبالغ فيها جدا
ربنا يوفقك وتلاقي حاجه كويسهاقتباس:
المشاركة الأصلية كتبت بواسطة beautiful0mind
وياريت تقول لنا عملت ايه ومبروك مقدما
ولو في سمسار امين اتعاملت معاه ياريت تبعت لي رقم موبايله بعد اذنك
والله العظيم عمي كان بيتحايل على والدي الارضين مساحه كانت ساعتها حوالي 300 متر بتاخدها من الجهاز وتبنيها في خمس سنين ب 30 الف جنيه
والدي رفض وقال صحرا ومش صحرا دلوقتي عمي الله يباركله بنى يعتبر فيلا بالسعر الي خدها من الجهاز دا
وجايله فيها كذا مليون ورافض
بس بصراحه انضف من الباقي بدر والرحاب والعبور واكتوبر والعاشر كل دول بقو في نظري مش يفرقو كتير عن المناطق الشعبيه غير ان الشوارع واسعه لكن سوري يعني زي مقولت بحس ان فيهم شريحه معينه من الناس مبيكونش مرغوب فيهم غزوووها لكن التجمع لسه محدش عمل هجوم عليها عشان غليت