حسبى الله ونعم الوكيل ... الكتكوتة بـ خمسين ألف جنية

حسبى الله ونعم الوكيل ... الكتكوتة بـ 50000 جنية !!!
ليه يعنى ... والله حرام الأسعار اللى فى مصر دى ..... المفروض تكون العربيات اللى زى :
الدايهاتسو ميرا
الدايهاتسو شاريد
والبيرودوا كليسا
والبيرودوا كانشل
والسوزوكى ماروتى
والسوزوكى ألتو
والشيرى كيو كيو
والكتكوتة ...... وغيرها ..... الخ
العربيات دى المفروض يكون سعرها فى مصر من 20000 إلى 30000 جنية ... ده بالكتير ... يعنى المفروض مايكونش عليها جمارك أصلاً ... وحتى لو فرضنا ان فى جمارك .. لازم تكون فى حدود ألا تزيد عن 10 % بأى حال من الأحوال عشان يشجعوا الناس انها تركب النوع ده من السيارات ... زى دول كتير محترمة ..
انما بلدنا دى مايهمهاش حاجة إلا جباية الضرائب .. ولم الفلوس .. وشفط الفلوس من جيوب الناس .. يعنى عربية زى الدايهاتسو شاريد مثلاً سعرها فى مصر حوالى 65000 جنية ..... والله حرام ..... يا ريت حد يقولنا سعرها كام فى أوروبا واليابان .... مع ملاحظة مستوى الدخل هناك قد اية

الدوله شايفه ان اختراع العربيه من الفراهيات والكماليات سواء كبيره او صغيره يبقى انت عاوز الحكومه تدعمها (تقلل الجمارك)علشان الشعب يركب عربيات ويبقى زى بقيه الشعوب المحترمه .ازاى يعنى امال مين اللى يطلع عين امه ويكره حياته وعيشته ويفكر يكفر ينتحر

معلش با ياشا ابتسم انت في مصر اصل الكتكوته عربية كوبيه رياضية عشان كده غالية:d:d

الموضوع مش جمارك و بس
انتوا نسيتوا التجار و الوكلاء المستغلين الحرامية ؟؟

اقتباس:

---

المشاركة الأصلية كتبت بواسطة ramylancer

الدوله شايفه ان اختراع العربيه من الفراهيات والكماليات سواء كبيره او صغيره يبقى انت عاوز الحكومه تدعمها (تقلل الجمارك)علشان الشعب يركب عربيات ويبقى زى بقيه الشعوب المحترمه .ازاى يعنى امال مين اللى يطلع عين امه ويكره حياته وعيشته ويفكر يكفر ينتحر

---

اتفق معاك فى وجهة نظرك بس فى فرق بين الدعم و الغاء او تقفيض الضرائب ( احنا مش عاوزين عربية ثمنها بره 50 الف الحكومة تدعمها و تخليهل ب 40 الف احنا عاوزين ناخدها ب 50 الف مش ب 120 الف )

لن اتكلم عن اسماء المجمعين السيارات فى مصر واترك لكم التفكير فى الموضوع وعلاقتهم بالاسياد بتوع مصر

(((((ربنا يهدي ياباشا))))

ده شئ متوقع في مصر :(

يا استاذى هم مش هممهم مصلحه الناس اهم حاجه الصلحه الشخصيه ومش مهم الى معهوش الى معاه يجيب والى معهوش يخبط دماغو فى الحيط

مصر يعنى جمارك وضرايب مبيعات وضرايب عامة يعنى الحاجة اللى 20 الف تبقى بعد كل دة ب 50 الف و اللى مش عاجبة مايشتريش

اومال يعنى مستر كلين والشلة بتاعتة يروحوا يصيفوا فى قصور مارينا من جيبهم يعنى ماهو لازم الشعب يساهم فى الترفية عنهم
ولا انتم فاكرينهم بيعملوا جمعية واللى يقبض يروح يصيف بيها

ربنا يكون فى عون الشعب

اقتباس:

---

المشاركة الأصلية كتبت بواسطة mohamed ibiza

معلش با ياشا ابتسم انت في مصر اصل الكتكوته عربية كوبيه رياضية عشان كده غالية:d:d

---

او يمكن عشان كتكوته لسه اوزي صغيرة كده

نحكم عقلنا و نهاجر كلنا !!!!!:7bteen:

معلش ياجماعة بدون الخروج عن مشاركاتكم اللى كلها انا موافق عليها

بس ليا سؤال

ايه الكتكوتة دي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة ahmedetch

نحكم عقلنا و نهاجر كلنا !!!!!:7bteen:

---

والله عندك كل الحق يس ياريت بسرعه علشان فى ناس اتخنقت مننا

يا فندم الكتكوتة دي فخر الصناعة الصينية فضلة خيرك
من انتاج جريت وول
عربية صيني لسه ماحدش عرف عنها حاجه غير من ملحق سيارات الجمعة اللي فاتت

مصر بلد الاتوبيس الخاص
يعني تركب البرادو ب 150 او 190 الف لو ليك ضهر
بدل ما تركبها باكتر من نص مليون
مصر بلد اللي ليه ضهر
حسبي الله
حسبى الله
حسبي الله

اقتباس:

---

المشاركة الأصلية كتبت بواسطة NYSMA

معلش ياجماعة بدون الخروج عن مشاركاتكم اللى كلها انا موافق عليها

بس ليا سؤال

ايه الكتكوتة دي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

---

الكتكوته
وده صور الاموره بيرى او الكتكوته
http://www.postimage.org/Pq1TBLkS.jpg

http://www.postimage.org/aV1VQKR9.jpg

واختها الصغيره اسمها نوبل (الكتكوته) وده تقليد عقيم للمرسيدس سمارت بطريقه مستفزه يدل ان الصينيين دول معندهمش مخ ولا ابتكار ولا ابداع واسيبكم مع صور سمارت والنوبل وانتم تحكموا :
http://www.postimage.org/aV1VYZFS.jpg

http://www.postimage.org/aV1VZ3F9.jpg

http://www.postimage.org/aV1VZiD0.jpg

http://www.postimage.org/aV1VZsBA.jpg

http://www.postimage.org/gx2a3jO0.jpg

http://www.postimage.org/Pq1TGqFJ.jpg

http://www.postimage.org/aV1VQ9r0.jpg

http://www.postimage.org/Pq1TGvF0.jpg

يا جماعة متنسوش حاجة مهمة
إلغاء جمارك
معناها
إلغاء الدعم على البنزين نهائي
و يبقى اللتر ب 10 جنيه .............
يبقى أستفدنا أيه من إلغاء الجمارك !!!!!!!!!!!!!!!!
يبقى العربية غالية شوية عن برة أحسن
و لا ندفع 10 جنيه للتر البنزين ؟؟؟؟

لأن بصراحة مينفعش الحكومة تدعم البنزين و في نفس الوقت تلغي الجمارك

أحنا بلد كبير و السكان ما شاء الله .......... حاجة تسد النفس المفتوحة

اقتباس:

---

المشاركة الأصلية كتبت بواسطة tutankhamoun

يا جماعة متنسوش حاجة مهمة
إلغاء جمارك
معناها
إلغاء الدعم على البنزين نهائي
و يبقى اللتر ب 10 جنيه .............
يبقى أستفدنا أيه من إلغاء الجمارك !!!!!!!!!!!!!!!!
يبقى العربية غالية شوية عن برة أحسن
و لا ندفع 10 جنيه للتر البنزين ؟؟؟؟

لأن بصراحة مينفعش الحكومة تدعم البنزين و في نفس الوقت تلغي الجمارك

أحنا بلد كبير و السكان ما شاء الله .......... حاجة تسد النفس المفتوحة

---

احنا ما بنقولش يا باشا الغاء الجمارك بصفة عامة على العربيات كلها .... احنا بنطالب بإلغائها على السيارات ذات الـ 3 سلندر فقط ... أو حتى على الأقل يخفضوها شوية .... يعنى تبقى فى حدود المعقول ...
وممكن فى نفس الوقت لزيادة الحصيلة ..... زيادة الجمارك على السيارات ذات السعات الكبيرة زى العربيات الفارهة الـ 8 سلندر و الـ 12 سلندر .... . الخ
يعنى اللى يقدر يدفع مليون جنيه فى عربية .... يدفع مليون وربع .... مش حاتفرق معاه فى حاجة ...
انما اما تكون عربية جاية من بره وفواتيرها بتقول ان ثمنها فى حدود عشرين ألف ... وتتباع فى مصر بـ 38 الف ... تبقى سرقة ونصب عينى عينك

تخيلوا معايا كده لو الجمارك اتشالت او حتى اتخفضت والناس بقت تركب تيوتا ب 50 الف مثلا او اقل او بقى فى عربيات زيرو ب 20 الف او اقل
ايه اللى ممكن يحصل؟

عربيات بالهبل مالية البلد
ناس بتغير عربيات عمال على بطال
المستعمل حيبقى تمنه فى الارض وزى الخليج ممكن تجيب عربية مستعملة بعشرة الاف جنيه وبالتالى اى حد حيجيب عربية
العيلة اللى عندها عربية واحدة متجبش اتنين ليه او تلاتة

حد حسب بقى العربيات دى حتروح فين وتمشى وتركن فين؟
دا احنا السنتين تلاتة اللى فاتوا ومع العربيات الصينى اللى بقت رخيصة شوية لقينا طوفان عربيات وارتفاع قياسي فى حجم العربيات اللى بتترخص سنويا

الناس دى حتمشى فين وتركن فين حد يرد عليا!!!!
انا عارف ان راى مش حيعجب اى حد فيكم لكن اطالب باستمرار الجمارك طالما ان وضع القاهرة بالشكل اللى احنا فيه

اقتباس:

---

المشاركة الأصلية كتبت بواسطة AhmedElsayed

تخيلوا معايا كده لو الجمارك اتشالت او حتى اتخفضت والناس بقت تركب تيوتا ب 50 الف مثلا او اقل او بقى فى عربيات زيرو ب 20 الف او اقل
ايه اللى ممكن يحصل؟

عربيات بالهبل مالية البلد
ناس بتغير عربيات عمال على بطال
المستعمل حيبقى تمنه فى الارض وزى الخليج ممكن تجيب عربية مستعملة بعشرة الاف جنيه وبالتالى اى حد حيجيب عربية
العيلة اللى عندها عربية واحدة متجبش اتنين ليه او تلاتة

حد حسب بقى العربيات دى حتروح فين وتمشى وتركن فين؟
دا احنا السنتين تلاتة اللى فاتوا ومع العربيات الصينى اللى بقت رخيصة شوية لقينا طوفان عربيات وارتفاع قياسي فى حجم العربيات اللى بتترخص سنويا

الناس دى حتمشى فين وتركن فين حد يرد عليا!!!!
انا عارف ان راى مش حيعجب اى حد فيكم لكن اطالب باستمرار الجمارك طالما ان وضع القاهرة بالشكل اللى احنا فيه

---

مع احترامى لرأى حضرتك ... بس المشكلة الأساسية فى مصر .. مش فى أزمة المرور .... المشكلة الأساسية هى أزمة الأخلاق ...
لو البلد فيها عربيات أضعاف الموجود حاليا .. وفى أخلاق واحترام والناس تبقى عارفة اللى ليها واللى عليها .. مش حايبقى فى مشكلة ...
فى دول تانية عندها زحمة فى المرور وكثافة عالية جداً أكتر من مصر زى اليابان مثلاً .... بس معندهمش أزمات رهيبة فى المرور زينا ....
شوف الناس هناك بتسوق ازاى ... والناس فى مصر بلد الفهلوة والشطارة بتعمل اية ....
انا مش عايز أكمل عايز دمى ما يغليش .....

اقتباس:

---

المشاركة الأصلية كتبت بواسطة egawady

مع احترامى لرأى حضرتك ... بس المشكلة الأساسية فى مصر .. مش فى أزمة المرور .... المشكلة الأساسية هى أزمة الأخلاق ...
....

---

الله ينور عليك هى ازمة اخلاق نمرة واحد بس برده مش حنغفل كمية الاحصائيات اللى طلعت فى الفترة الاخيرة عن القدرة الاستيعابية للشوارع عامة عندنا واظن اى حد ملاحظ الموضوع ده بزيادة فى الفترة الاخيرة ان الزحمة بقيت زيادة عن اللزوم ولو استمر الوضع على كده بالزيادة الحالية حنوصل فى يوم ان متوسط السرعة يبقى صفر
فمبالك بقى لو الاسعار رخصت اكتر من كده حيحصل ايه فى البلد

اقتباس:

---

المشاركة الأصلية كتبت بواسطة egawady

مع احترامى لرأى حضرتك ... بس المشكلة الأساسية فى مصر .. مش فى أزمة المرور .... المشكلة الأساسية هى أزمة الأخلاق ...
لو البلد فيها عربيات أضعاف الموجود حاليا .. وفى أخلاق واحترام والناس تبقى عارفة اللى ليها واللى عليها .. مش حايبقى فى مشكلة ...
فى دول تانية عندها زحمة فى المرور وكثافة عالية جداً أكتر من مصر زى اليابان مثلاً .... بس معندهمش أزمات رهيبة فى المرور زينا ....
شوف الناس هناك بتسوق ازاى ... والناس فى مصر بلد الفهلوة والشطارة بتعمل اية ....
انا مش عايز أكمل عايز دمى ما يغليش .....

---

مع احترامي لكلام حضرتك اللى انا موافق عليه برضه

بس برضه الطرق والشوارع والتخطيط السيء اللى في كل حتة (حتى المدن الجديدة ) والمرور بصفة عامة عندنا لا يصلح لسير العربيات عليه يعني في رأي ان هوة المشكلة بنسبة 60% أو أكتر كمان

لكن ده مش معناه ان انا بقول ان الجمارك تفضل زي ماهية لأ أنا مع الغائها لأن الفايدة هاتكون في صالح جو القاهرة بدل ماتمشي فيه مليون عربية بايظة وعمالة تتطلع هباب وزفت من العادم بتاعها لأ هاتمشي فيه مليون ونص عربية مواتيرها جديدة ونضيفة ومش مفوتة

وبعدين كام واحد من الناس اللى مش جايبة أصلا عربيات يقدر يدفع خمسين الف في كورولا أو حتى عشرين الف في ماروتي ... برضه لو اتحسبوا صح العدد مش هايكون كبير زي ماحنا متخيلين

انا شايف ان التأثير هايكون أصلا بالنسبة للناس اللى معاها عربيات تعباها وعايزة تغيرها ومش قادرة ولما الجمارك تنزل هاتكون بإذن الله قادرة الى حد ما يبقى بدل ما الناس دي ماشية بعربيات وحشة هاتمشي بعربيات حلوة هوة ده الفرق مع زيادة طفيفة في عدد العربيات (لأن المفروض العربيات القديمة البايظة تتلغي فعلا وتتكهن زي ما كل الدول بتعمل ولا يسمح باعادة بيعها حتى لو بسعر رخيص جدا للى مش قادر بقى يجيب عربية) ونكون احنا مستعدين للعدد ده باننا ننضف شوارع البلد شوية ولا هما فالحين ياخدوا جمارك ويسيبوا الشوارع مبهدلة مطبات وعدم تخطيط وضيقة و... و....