تى إى داتا وعدم إحترام عملائها

**aymantop1** · 07-08-2008 04:17 AM

بصوا يا جماعة كلمة حق Tedata أفضل شركة تعاملت معاها بعد تجربتى لثلاث شركات

**hossam_chixo** · 07-08-2008 05:41 AM

بصراحة يا جماعة الشركة دى ***** و منصحش اى حد يشترك معاها احنا مشتركين بقالنا سنة و ميعديش شهر و لا زم الخط يعطل على الاقل اسبوع و فى ناس ادمنا برضو بتحصل معاهم نفس المشاكل
و احنا بنفكر نروح dsl بتاع فودافون لو حد مشترك فية ياريت يوضحلنا كل المعلومات عنة و هل الراوتر الى بيدوة دة مجانى و لا بيحصلو تمنة بالتقسيط على الفواتير انا سمعت كدة
و الف شكر

===========
تنبيه مشدد للعضو بالإلتزام بالآداب العامة وانتقاء الألفاظ
مشرف القسم

**Dr Ahmed** · 07-08-2008 05:54 AM

المشاركة الأصلية كتبت بواسطة mohamed_88sk

وأنا كمان وصلتني بالباسورد والنك وقالولي فيها أدخل السايت بتاعهم وأنزل البرنامج اللي بيغير أعدادات الراوتر بجد حركه شياكه منهم دانا غيرت بيه أسم ال واير لس والباسورد وعشت ...

بالنسبه لقسم الشكاوى بتاعهم أنا بعتلهم قبل كده ميل و رقم الموبيل بتاعي لقيت بصراحه بيتصلوا بيا ويستفسروا
بصراحه شايفهم ناس محترمين جدا .

كل دا حصل عكسه معايا
هو خيار وفقوس وللا إيه؟
وللا مناطق مناطق؟
عموما الكلام دا يخلينى أقرف منهم أكتر لأن عدم إحترامهم للبعض وإحترامهم لآخرين أسوأ من توحيد المعاملة للجميع

وأخى الفاضل اللى بيقول إنه شايف أنهم أحسن من 3 شركات تانية ياريت يوضح لنا أحسن من حيث إيه

**Powert** · 07-08-2008 09:00 AM

المشاركة الأصلية كتبت بواسطة hossam_chixo

بصراحة يا جماعة الشركة دى ****** و منصحش اى حد يشترك معاها احنا مشتركين بقالنا سنة و ميعديش شهر و لا زم الخط يعطل على الاقل اسبوع و فى ناس ادمنا برضو بتحصل معاهم نفس المشاكل
و احنا بنفكر نروح dsl بتاع فودافون لو حد مشترك فية ياريت يوضحلنا كل المعلومات عنة و هل الراوتر الى بيدوة دة مجانى و لا بيحصلو تمنة بالتقسيط على الفواتير انا سمعت كدة
و الف شكر

لأ الروتر مجاناً ومش بتدفع ولا مليم هما بس 133 جنية كل شهر

للعلم الروتر مش ملكلك ولا تاجير الشركة بتتهولك مجاناً تشتغل بيه

ولو وقفت الخدمة بترجعهلهم تاني

**Sharky** · 07-08-2008 09:38 AM

من الأخر أفضل الشركات حتى الأن هى لينك
إنما تى داتا معروفة إنها أسوء خدمة عملاء و تعامل و إللى حصل دا طبيعى جدا منهم

**Karim_Monir** · 07-08-2008 10:34 AM

انا بتعامل مع تي اي داتا من سنتين
والخدمة بتاعتهم اكتر من 80 %
وانا راضي عن ادائهم 80% فعلا
والخدمة ما وقعتش ولا مرة في سنتين
اكتر مشكلة هيا عدم ارسالة رسالة بقرب انتهاء الاشتراك فقط