الكلاكس خرب يا رجالة

**dr_abooody** · 06-08-2008 01:28 PM

السلام عليكم
عربيتي 128 الكلاكس اللي في منتصف الدركسيون باظ مش بيردي يشتغل مع التحويد
يعني لما يكون الدريكسيون في النص بيشتغل الكلاكس و لما بحود مش بيرضى يشتغل

المهم رحت للكهربائي قالي انقلة مكان دراع المساحة بدل مادوس يطلع ماية على الازاز ادوس الكلاكس يشتغل

طبعا دة هبل طيب اصلا مقرفة اوي انى احط الكلاكس كدا في الجنب هتبقى مقرفة و اجي اضرب كلاكس الاقي المساحات فتحت

المهم قلتلة طب اية اللي خلاه يبوظ كدا راح فتحة و قالي دة عشان النحاسة حجمها صغر اوي و ليها سن كدا اتكسرت
طب قولتلوا ما ينفعش الحمها قالي صعب
المهم راح قالي هعمل حاجة كدا راح جاب سيلك ناشف كدا راح لحمة مكانها المهم بقى كويس

يوم بالظبط عدى لقيت المشكلة رجعت تاني
رحتلة قالي دة عشان اتحركت بس راح زنقها بورقة بردة ما نفعتش

بجد يا جماعة انا زهقت
هل النحاسة دة بتتباع و لا خلاص مفيش منها
انا شايف كل ال 128 عملين الكلاكس مع المساحة و دة شئ مرفوض بالنسبالي
يا ريت حد يساعدنى عشان دة كلاكس مش تهريج

**AHMEDCAR** · 06-08-2008 01:38 PM

للاسف مش بتتباع لكن ممكن تجيب القطمه كلها من عزبه شلبى ز دى بتكون غاليه الاحسن انك تعمل الكلاكس فى المساحه

**dr_abooody** · 06-08-2008 01:53 PM

طيب الطقم كلة بكام

و فين عزبة شلبي دة ؟؟

**AHMEDCAR** · 06-08-2008 01:56 PM

بجوار المطريه ممكن اجى معاك لو عايز انا اعرف ناس هناك ممكن يخدموك بس بكام دى انا معرفش

**tarekkasaby** · 07-08-2008 01:09 PM

للاسف القطعه دى بتباع كامله انا جايبها من سنه ب 120 جنيه !!!!!!!!!!!
المصيبه بقى انها ابتدت تستهبل اليومين دول وفعلا لو الدريكسون بيلف بتفصل
للاسف كمان مهما تحاول تصلحها مش جاينفع