عرض للطباعة
معلش يا اخونا سؤال ضروري، دلوقتي أنا والدي اتوفي وساب عربية واحنا اربع أبناء ورثة، لكن كلنا عدينا السن القانون، يعني مفيش فينا قصر، احنا عاوزين نبيع العربية ديه، العربية رخصتها سارية، دلوقتي ايه هي الإجراءات القانونية اللي المفروض نتبعها عشان نبيع العربية ديه؟
هل الشاري يشتري بأربع توكيلات مثلا، ولا ايه بالظبط؟
والشكر لكم مقدما.
اولا البقاء وربنا يرحم والدك ويغفر له
ثانيا عندك حلين اما انكوا تبيعوا فعلا بالتوكيلات وده هايكون فيها صعوبه لان الناس بتستصعب الموضوع واعلام الوراثه والكلام ده
او انكوا تبيعوا لوحد منكوا وهو يبيع العربيه وده افضل واسهل حل
تروحوا للشهر العقارى باعلام الوراثه وتبيعوا لاى واحد فيكوا بتوكيل وليكن اللى ظروفه تسمح وهو يبيع بناءا على التوكيل ده
ربنا يبقى حياتك يا باشا، متشكر جدا، إحنا هانعمل الحل التاني ان شاء الله.اقتباس:
المشاركة الأصلية كتبت بواسطة أبو إياد
وشكرا على اهتمامكم.
البقاء لله وربنا يرحمه
ممكن تروحو انتم الاربعة للشهر العقاري باعلام الوراثة وتعملو عقد بيع مرة واحده للمشتري من غير توكيلات
اهم شيء انكم كلكم كبار اكتر من 21 سنة
لان وجود قصر في التركة بيعمل مشاكل لاحصر لها
مرة واحد قريبنا توفى وكانت والدة المتوفى لسه عايشة وبعدين امه توفيت ولها ورثة كتير
سيارته اتباعت بعد سنوات ب 64 توكيل وطبعا الموظفين كانو مش عاوزين يعملو العقد لغاية ما ادولهم فلوس علشان يقعدو يكتبو العقد ابو 64 طرف ده وكانت مشكلة
:tumb:اقتباس:
المشاركة الأصلية كتبت بواسطة أبو إياد