carforums.net
carforums.com
automotiveforums.com
aussiecarforum.com
chinacarforums.com
أى منتدى بغض النظر عن تخصصه لازم يكون فيه Off Topic forum.
عرض للطباعة
carforums.net
carforums.com
automotiveforums.com
aussiecarforum.com
chinacarforums.com
أى منتدى بغض النظر عن تخصصه لازم يكون فيه Off Topic forum.
انا عندي اقتراح
الموضوع اللي يعدي عليه مده زمنيه معينه بدون ردود جديده
يتشال
يعني مثلا 10 ايام
النقطه ان ممكن انت شايف ان الموضوع اهبل وتافه
لكن غيرك شايف انه موضوع جامد وممتاز
المهم تجاوب الاعضاء
و الله يا جماعة ردودكم كلها فيها أفكار حلوة و أنا مع حذف المواضيع القديمة جدا و اختصار الاقتباسات لتشمل الجزء الذي سيتم الرد عليه فقط و أيضا من يسأل سؤال معين و يحصل على ما يريد يكتب مشاركة في الموضوع يطلب فيها من الإدارة إغلاق الردود في هذا الموضوع و إذا كان الموضوع طلب شخصي لا يعود بالنفع على باقي الأعضاء ممكن صاحب الموضوع يكتب مشاركة يطلب فيها حذف الموضوع _ _ _ و شكرا
أنا هجرب الحكاية دي في موضوع أغنية فيروز اللي كنت عايزها
انا مؤيد تماما ان يتشال كل مالا صلة لة بالسيارات من المنتدى بالطبع
المنتدي الاجتماعي و اخبار منقولة عن زراعه الكرنب في الصومال و الدراجون فروت في ليبيا ولا عن ازياء مرات رئيس الجزائر مثلا ولا امطار بنفسجية في سيبريا......... لأ.... يتشال مايهمناش و لا هو موضوع خاص منتدى سيارات و إلا سنتين و حايبقى فية اقسام.... للأزياء وقصات الشعر و تربية الكلاب و الاسماك..... مطبخ نايل موتورز
و قسم الاعلانات بقى محتاج توضيب كتــــــــــــــــــيــــ ــــــــر
يعني
إعلانات عن بيع شقق .........لأ
بيع كلاب و ملابس و اي حاجة ............ لأ
يبقى قسم البيع والشراء مقسوم قسمين و بـــــس
سيارات
و ما يخص السيارات
و غير كدة ..........لأ
و الاعلان يبقى لة مدة و بعدين يتحذف (زي ما منتديات كتيـــير بتعمل... اسبوعين و يتحذف الاعلان)
لأن لو العربية اتباعت يبقى الاعلان مالوش لازمة و صاحب الاعلان مش حايخش و يحذفة (اساسا مش حايعرف و مش حايبقى مهتم)
و لو ماتباعتبش في اسبوعين
لو صاحبها مهتم يبقى يخش تاني و يحط اعلان جديد
و يبقى حافز لية انة يعرف ان فية حاجة غلط
يعني ينزل سعر او يضبط عربيتة مثلا
و الاهم بقى ان المواضيع الغريبة و المكررة بدون معنى من حق مشرف القسم يشيلها
ان شا الله حتى بعد اسبوع لو مافيش ردود عليها ........ او موضوع مكرر ......... او موضوع بسيط قوي
مثلامواضيع من عينة واحد بيقولك ازاي أدوس كلاكس و انا باشرب سيجارة
او ازاي اطلع كرسي العربية لقدام او لورا و اية هيه المسافة المثلى اللي اضبط عليها الكرسي .....شيء عبقري بصراحه
نايل موتورز
محتاج وقفة
وقفة بجد...نرتاح كلنا
مع الاعتذار لوزارة الصحه و السكان
ملحوظة:
ياريت تحذفوا الرد دة بعد 7 ساعات و 22 دقيقة علشان واخد مساحه عالسرفر
انا مش مع حذف المواضيع القديمه طبعا لان ممكن يكون في مواضيع منها مهمه والي يدخل يشوفه يستفيد منها من غير ما يعلق,,
بس هو ممكن يتم حذف المواضيع المكرره او تحويلهم جميعا على رابط واحد يكون فيه كل الاسئله والاجابه,
و في اقتراح كمان في المواضيع الكبيره ان يتم حذف الاسئله المكرره و الكلام الي ملوش لازمه بحيث انها تقلل من عدد الصفحات و في نفس الوقت تخلي الموضوع مدمج
يعني مثلا حذف الاجابات الي زي "+11111 و الف شكر يا باشا و ربنا ميحرمناش منك و ألف مبروك " و كده
الكلام ده انا مش بقول انه غلط لأ طبعا بس انا بقول انه يكون ليه مده معينه بحيث انه يتمسح بعد فتره من المواضيع القديمه لان في بعض المواضيع بيكون فيها الكلام ده حوالي 4-5 صفحات بس كلها ألف مبروك و ألف شكر
في اقتراح كمان ان الاداره تجمع كل اختبارات القياده و تقييمات السيارات من الاعضاء في قسم خاص على ان تكون متوفره لأي حد عايز يعرف اي معلومه عن سياره معينه بدل ما يدوخ في المنتديات عشان يعرف يجيبه و في نفس الوقت التقييمات دي ميكونش فيها ردود لان ده تقييم من شخص معين معتقدش ان هيبقى في تعليق عليه و لو في اسئله مهمه فيها افاده يتم فتح موضوع بيها في المنتدى الخاص بالسياره و لو كان فيه افاده يتم دمج الاسئله على تقييم السياره < بحيث يكون زي موسوعه كامله عن كل سياره >
اقتراح كمان ان اي موضوع مكملش و الناس ردت و كان فيه تكمله بعد كده ان يطلب من مشرف القسم انه يدمج المواضيع كلها مع بعض في الاول عشان يوفر المجهود
و خصوصا في المواضيع المتعلقه بالتعديلات او الاخبار المحّدثه ( زي ما حصل في موضوع الاخت "علا عثمان" بتاع الحياه الوظيفيه , كنت بدوخ بين الصفحات عشان اجيب باقي الحلقات) :d:d:d
دي كل الاقتراحات الي في دماغي دلوقتي و هي من رأيي الشخصي ,
ولو في حاجه تانيه جت في دماغي هقولها ان شاء الله و على الاداره انها تاخد المناسب ليها من الاقتراحات الي اتقالت من الاخوه الاعضاء,,,,
ملحوظه اخيره: انا صوتت بلا و لكن انا كان قصدي نعم :oops::oops: