الموضوع: الحقووووووو المنتدي بيغرق حد يشد معايا

انا باتفق مع نايل استورم في طلبه و لي اقتراح بسيط في حالة القدرة علي تنفيذه من قبل الادارة و هو ان يتحول كل قسم من اقسام المنتدي الي شات مباشر تحت اشراف الادارة و علي ان تتولي الادارة عمل بوست للمواضيع المهمة في كل قسم لمن اراد القراءة بعيدا عن الشات الذي ارجو ان يكون بهدف الاسئلة عما يتعلق بالسيارات للحصول علي اجابات فورية

هذا مجرد اقتراح لاني اري ان هذا المنتدي يستحق منا ان نستخدمه في كل ماهو مفيد لنا و ان نحاول مساعدة القائمين علي ادارته في تطويره

المشاركة الأصلية كتبت بواسطة نور القمر

معلش اسمحولي اتدخل في الموضوع ده بحكم مجال شغلي

اولا عدد المواضيع مش بيعمل لود على السيرفر
اسباب اللود ممكن تكون كالاني
ارسال رسائل البريد بكثرة في المرة الواحدة لو لحد 500 رسالة في المرة مش مشكلة
ممكن استخدام الرسائل الخاصة بكثرة في وقت واحد
عدد زوار كتير
لينكات للتحميل من السيرفر
ده على سبيل المثال
لكن كتر المواضيع او الردود او الاقتباسات لا تسبب مشاكل تذكر

بالنسبة لالغاء اللون الاحمر من قايمة الالوان صعب
هو ممكن الادارة تركب نوع تاني بيكون فيه الالوان ومشتقاتها اكتر ويكون العضو عنده فرصة لاستخدام الوان كتير

كتر عدد المواضيع والمشاركات بيستهلك المساحة بس

+1

مهما كترت عدد المواضيع والمشاركات في المنتدى دي بتكون مجرد صفحات مخزنة على السيرفر بمساحة قليلة (بالمقارنة بالمساحات المتوافرة حاليا)
أما التحميل على السيرفر بيكون على سبيل المثال من
- زيادة عدد الأعضاء المتواجدين في اللحظة وسرعة تصفحهم في ذات الوقت
- قيام المنتدى بإرسال رسائل البريد الالكتروني الى عدد كبير جدا في ذات اللحظة (ودي علاجها ممكن يكون ان السيرفر يتبرمج على عدد رسائل محدد لا يتجاوزه في المرة الواحدة)
- تحميل الكثير من المرفقات وتخزينها على السيرفر (لأن هية دي بقى اللى بتستهلك مساحة وحمل كبير)
- الصور الكبيرة في التوقيعات وكثرة عددها (دي لوحدها حمل تاني)



بالنسبة للمواضيع القديمة انا ضد الغائها من المنتدى لأن في ناس جديدة كتير بتخل تقراها وبتستفيد كتير منها وانا كنت واحد من الناس دي أول مانضميت للمنتدى واستغنيت بالمواضيع القديمة اللى قريتها عن مواضيع كتير جديدة كان ممكن أعملها للإسنفسار عن حاجات موجودة فعلا


بالنسية لمعيار المواضيع الهامة أو غير الهامة في القسم الإجتماعي ... كلنا هانختلف عليه (بفرض اننا خلاص اتفقنا نمسح المواضيع الغير هامة) ... ييجي واحد يقول الشوية دول مش مهمين عايزين يتمسحوا أجي انا أقول لأ دول مهمين جدا ومش ممكن يتمسحوا .. ده غير ان الوضع ده في حجر على آراء ناس كتير في المنتدى ومنافي لفكر الحرية في إبداء الآراء

الحل ... ان لو الواحد شايف ان الموضوع تافه يبقى بلاش يرد عليه وساعتها الموضوع ده هايتنسي ويترمي في الآخر وخلاص وكأنه ولا كان ... لكن كون ان في موضوع بيلاقي ناس كتير ترد عليه يبقى ده مؤشر ان الناس دي شايفة الموضوع ده هام بغض النظر عن رأي ناس كتير ممكن تشوفه غير هام