بما اني سافرت قبل كده روما وبرشلونه وباريس وبلجيكا ودخلت سفارات كثير اقدر اقولك على شويىة حاجات
1. لو باسبورك ابيض مافيهوش اي تأشيرات سياحه سابقه ده بيضعف فرصتك جدا خصوصا لو مسافر لوحدك مش مع مراتك او صحابك او عائله
2. بيطلبوا منك ورق كثير زي كشف حساب بنك 6 شهور يكون محترم يعني رأي مش اقل من 40 ألف جنيه وخطاب من جهة العمل وحجز فندق وتذاكر طيران وتأمين طبي دولي
3.شركات السياحه المحترمه مابتاخدش حد ممكن يشك انه ممكن يفلسع...وتوماس كوك بالذات مابتاخدش باسبورات بيضا نهائي الا لو ورقك قوي جدا يعني مثلا صاحب شركه وكيل نيابه استاذ جامعه...الخ
4. انت اقصى تاشيره ممكن تاخدها سياحه مش هاتزيد عن 10 ايام او اسبوعين بالكثير على اقصى تقدير وبتكون single entry لأننك بتاخد التأشيره مدتها على قد حجز الفندق اللي جايبه
في الاخر قولي انت بتشتغل ايه وفين وانا اقولك انت ممكن تعكل ايه واقولك فرصتك سهله ولا لأ
المفضلات