الميه لاحظت ان لونها اتحول شوية من الاخضر و ابتدي يدخل فى الاصفر هى مش عاملة معايا مشاكل فى التبريد خالص و بالرغم ان العربيه لونها اسود بس انا عاوز اغيرها ( الاحتياط واجب خاصة انى بسافر و بجري كيتير و تكييف على طول ) مش عاوزين نزعلها يعنى .. ازاى انزل المياه اللى فيها كلها و احط مياه جديدة ؟
بص هو الأحسن تروح أي محطة بنزين "شل" او "موبيل"
هناك بيغيرو المياه ويغسلولك داشرة التبريد بـ 35 جنيه
لو عاوز تعملها بنفسك
1- افتح كابوت العربية
2- هتلاقي عند الرادياتور من تحت على ايديك اليمين وانت واقف قدام العربية (طبة) صغيرة (شبه العصفورة) افتحها وافتح غطاء الرادياتور
3- ملحوظة هامة : تجنب هذه العمليات والعربية ساخنة
4- بعد ما المياه تتصفى خالص اقفل (الطبة) و حط المياه الجديدة
5- دور العربية وزود بنزبن شوية لو لاحظت انخفاض منسوب المياه زود الناقص
6- اقفل غطاء الرادياتور وانت محمل سنة بنزبن
7- املاء القربة ولاحظ العربية بعد ما تعمل مشوار افتح الكابوت وزود الناقص.. واوعى تفتح غطاء الرادياتور والعربية سخنة
لو عاوز اي مساعدة انا معاك
هي العربية عاملة كام كيلو ؟؟؟؟؟؟ ياريت تتابع صيانات العربية في التوكيل خصوصا صيانات العشرينات و الاربعينات
يا باشا توكيل ايه بس !! انا فى اسكندريه و ما ادراك ما توكيلات نيسان فى اسكندريه عاوزه ( البومبوني ) عشان ما حدش يقول علينا وحشين و ادبنا قليل !! بس التوكيلات هنا يا فندم اقل وصف ليهم ( مستهترين بدرجة امتياز ) انا عربيتي غاليه عليا .. اسف يعنى مش هوديها توكيل زى ............* بدور ذكر اسماء يعنى ... انا بعمل صيانتها بنفسي و مدلعها اخر دلع .. هى عاملة 55 الف كيلو .. و ما شاء الله يعنى انا مش من النوع اللى مهمل (انا بس بحب الجري !! ) :angelnot: و لاحظت ان المياه لونها ابتدي يتغير مابقاش اخضر زى مانا متعود عليه قولت اسأل عشان نطمن برضه منكم نستفيد !! و شرفت الموضوع :) :dirol:اقتباس:
المشاركة الأصلية كتبت بواسطة Bishoy.Girgis
طيب بما انك بتعمل الصيانات بنفسك يبقي لازم تعرف ان من اهم الصيانات هي صيانة الـ 40000 كيلو و اللي بيتغير فيها مياه الردياتير و بيدخل العربية حوالي 5 لتر و اكتر .. و بيتغير فيها سيور و زيوت و من المكتبة الشاملة و المواضيع المثبتة ياريت تقرأ كويس الصيانات علشان العربية تعيش معاك اكتر :)
و بفضل برده انك تودي العربية التوكيل لعمل الصيانات الكبيرة و ليكن اوتوايجيبت و ده اخر الطريق الصحراوي بالقاهرة لعمل صيانات 40000 و 80000 و هكذا ..
:tumb: :tumb:اقتباس:
المشاركة الأصلية كتبت بواسطة Bishoy.Girgis
الصيانات الكبيره ممكن تعملها هنا في القاهره و الصيانه القادمه بتاعه حضرتك هي ال 60 الف فاعملها هنا واللي بعدها ابقي اعملها بنفسك و تعالي في صيانه ال 80 الف و هكذا يعني في الصيانات الكبيره فقط و بكده يبقي حل وسط علشان بس ما تقعش منك حاجه مهمه في الصيانه و كمان اثناء عمل الصيانه هيكشفوا علي اللي اتعمل قبل كده فتبقى مطمن وده مهمه لما العربيه يبتدي عداد الكيلومتر بتاعها يكبر علشان تفضل ماسكه نفسها و بحالتها
شكراً ليك يا فندم و حضرتك نورت الموضوع و باذن الله هحاول افضي حالي يوم و اروح اوتو ايجيبت و الواحد يقول الحق انا سمعته عنه كل خير .. هحجز و نشوفاقتباس:
المشاركة الأصلية كتبت بواسطة land_cruiser
ربنا يخللي حضرتك الموضوع منور بصاحبه و بالتوفيق ان شاء اللهاقتباس:
المشاركة الأصلية كتبت بواسطة bassol2000
أهم حاجة تختار نوع مياه كويس، والأفضل موبيل