معلومات مهمة جدا عن كرايسلر نيون 1997 --1999

**darine wahby** · 21-03-2013 04:15 PM

اخيرا بعد لف و جرى عن شراء كرايسلر نيون الحمد لله اشتريت واحدة جميلة جدا بس انا عندى كام معلومة كدة فعلا حبا انى اقولها ياجماعة انا سالت ناس كتيرة و دخلت على منتديات كثيرة جدا علشان بجد كنت بسمع ان العربية موش متوافر قطع غيار ليها و محدش بيفهم فيها و فى ناس الاخوة الفتايين يقولولك دى عربية فاشلة و بتسحب بنزين ................... ما علينا اولا قطع الغيار متوافرة جدا فى التوفيقية لغاية فانوس الاشارة الى فى جنب الاكصدام و استهلاك البنزين موش الرعب الى الناس التلى علية اختصار للكلام الكتير ياريت ياجماعة الى عاوز عربية يسال حد مجربها موش نيون بس ممكن اى ماركة تانية
العيوب :
- واطية على الارض (فى حاله لو ركبت ناس معاك كتير).
- الفتيس الاوتوماتيك 3 نقلات فقط (يعنى موش لازم تقفل العداد اخرك من 100 الى 120 كيلو/س) علشان متسحبش بنزين منك كتير .
-تنك البنزين 40 لتر فقط.
-اخيرا ودا اهم حاجة :) الشنطة فعلا ضيقة شوية .

اسماء محلات قطع الغيار و ارقام تليفوناتهم :
سمير
25748496
عزمى امين
25743815
الجزيرة
27735052
حمادة الخولى
25799982
على فكرة ناس دول فى قمة الاحترام جدا و موش بيزهقو من الاسئلة الكتير ارجو فعلا اكون افدكم :)

**temo85** · 21-03-2013 05:38 PM

فتيس اوتو 3 نقلات !!!! غريب جدااااااااا ,, اللى اعرفه مغيش أقل من 4 ,, حضرتك متأكد ؟؟

**darine wahby** · 22-03-2013 10:17 AM

متاكدة جدا من 1995 لغاية 1999 3 نقلات :(

**jackal** · 22-03-2013 05:32 PM

واضح هن حضرتك معاكي نيون 1

هيا عربيه جميله فعلا انا معايا نيون 2000 طبعا كلاميك صح جدا بس نيون 97-99 فيها كان مشكله بسيطه عا لجوها في موديل 2000
1- قواعد الموتور 3 بس وعلشان كده ضعيفه علي الموتور بس هيا بيتبعلها حشو ورخيص
2- مشكله الازاز علشان ملوش فريم فا ساعات بيدخول مياه ده غير صوت الهواء مع الجري
وي في حاجات تنيه بس بسيطه و مش جوهريه طول منتي مهتميه بعربيتك

من الاخير عربيه جميله اوي بس متخليش حد يفتي فيها يعن الميكانيكي يكون بيفهم

ولو اي حد عايز يسئل عن اي حاجه انا تحت امره

Ahmed

**darine wahby** · 22-03-2013 06:13 PM

شكرا يا استاذ احمد على الافادة .
بصراحة انا معرفش موضوع القواعد دى؟؟؟طيب اعرف ازاى ان القواعد لازم اغيرها ؟؟ والحشو دة عبارة عن اية؟ بس انت تعرف ميكانيى بيشتغل فيها يا استاذ احمد شاطر

**temo85** · 24-03-2013 02:44 AM

المشاركة الأصلية كتبت بواسطة darine wahby

متاكدة جدا من 1995 لغاية 1999 3 نقلات :(

معلش طالما هى 3 نقلات لما بتكون ماشي على 120 مثلا ال rpm بيكون على كام ؟ هل العربية دى ليها مشاكل كبيرة فى الجير او المحرك مثلا ,, انا بدور على عربيه لأختى من 40 ل 50 الف و من ضمن العربيات المعروضه عليا نيون حاله كويسه بس معلوماتى عنها ضعيفه جدا و خايف منها بصراحه ,, أسف للإطاله :)

**jackal** · 24-03-2013 06:45 AM

العيب ده مشهور اوي في نين ٩٧-٩٩ لان لموتور قوي ودول ٣ قواعد علشان كده علوه في لنيون ٢٠٠٠

ي مكنيكي يعرف هيا سليمه ولا بايظه بلنظر والمشي واي حد بردو اي حد يغيرها بس يكون عندو صبر لان الموتور مزنوء

موضوع احشو ده با هو ان اقواعد ديه ثمنها ٣٠٠ ال ٣ بس علشان بتبوظ بسعه في شركه هنديه عملت الجلد الي جو القواعد الي بيبوظ ده وبيتباع لوحده بي حوالي ١٠٠ تقيبا

ده كل الموضوع ولو في حاجه عايزه تعرفيها انا تحت امرك في اي استفسار

**hanymegahed** · 26-03-2013 01:10 PM

انا معايا نيون 2001 وتم معالجة الملاحظات الي حضراتكم ذكرتوها
- تم وضع 4 قواعد للمتور
- الفتيس 4غياراتوماتيك
- اصبح للابواب فريم
- التابلوه والشكل الداخلي اشيك
- مش مستهلكة للبنزين
- مشيت بها 160 كم س بلا مشاكل
- مازالت واطية بعض الشئ (مش زي الهوندا مثلا)
- مقارنة السيارة بسعرها كسبان 100%
- واخيرا العربية ده جبتها لزوجتي بقيت اركن البي ام واركب النيون(ومراتي تصوت)
مع خالص تحياتي

**OMARAMR** · 26-03-2013 02:37 PM

مساء الخير يا جماعة
والله العربية نيون 98 معايا من فترة.. ما شاء الله
ولا كلمة
صيانات وبس
الحمد لله
ربنا يبارك لنا جميعا .. ويصرف عنا شرها ..يا رب

**bougy9** · 29-03-2013 04:59 PM

انا عايز اشترى نيون بالتقسيط المباشر من صاحب العربية لو فى حد ممكن يبيع عربيتة ممكن يكلمنى على 01115678772 وممكن نتفق على المقدمة والقسط والضمانات اللى هايحتاجها , شرط نكون العربية كويسة ومش محتاجة مصاريف حاليا