اظبط يامعلم..استلمت مسند اليد النهاردة خياطة دبل اوعى وشك

السلام عليكم صباحو فل يارجالة فعلا الواحد كان ناقصه مسند يريح ايده بجد وهو سايق
فاكرين المسند اللي قالنا عليه الاخ علي
مسند ذراع للسيارة مصر | سوق

وطلع تقفيله زفت؟
بعد اما دفعت بالفيزا كلمت البائع قلتله الغي طلبي
التقفيل سيء
قالي انه بالفعل أجل البيع لحد نزول التعديل الجديد
ووصلني النهاردة
تقفيله فخمة زود في صالون العربية تظبيط وترويش
بالاضافة لأهم حاجة عندي اسند دراعي بدل ما احطها على رجلية او عصاية الفتيس او الكرسي اللي جمبي
واي حد يشتري المسند عاوز يرجعه في خلال 4 ايام مفيش مشكلة وهو حيشيل فلوس الشحن
ونصيحة كمان ادفعو بالفيزا مفيش اي مصاريف تانية خالصصص هي ال 100 جنيه وبس




اسيبكم مع الصور ملحوظة لذيذة المسند كله من فوق لتحت جوة وبرة جلد سميك واسفنجة روشة طرية ومضغوطة
http://nileup.com/up/uploads/nilemotors_13638813491.jpg

http://nileup.com/up/uploads/nilemotors_13638815641.jpg

http://nileup.com/up/uploads/nilemotors_13638816031.jpg

http://nileup.com/up/uploads/nilemotors_13638816401.jpg

ملحوظة اول ما استملت المسند كشفت عليه بحتة مغناطيس كله حديد

لكن المفروض يحط شوية بلاستيك في الاماكن اللي معليهاش ضغط بحيث المنتج يرخص شوية

اي حد عاوز يكلم البائع يعمل شكوى ويكتب رسالته وبعد كام ساعة تدخل على الشكوى تاني حتلاقي رد البائع

مفيش مبروك ولا اي حاجة ياجدعان

مبروك يا باشا وتدوبه في عرق العافية هههههههه
مش عارف حاسس برضه تقفيله مش اللي واو يعني بس اوعى تزعل مني بقولك رأيي بس

اقتباس:

---

المشاركة الأصلية كتبت بواسطة khaled online

مبروك يا باشا وتدوبه في عرق العافية هههههههه
مش عارف حاسس برضه تقفيله مش اللي واو يعني بس اوعى تزعل مني بقولك رأيي بس

---

الله يبارك فيك
لسة لما ييجي الصيف ادوبه في العرق نياهههههههه باشا

تقفيله حلو خاصة لما طلعته من الكرتونة تحسه هيبة ومليان اسفنج وجلد

اقتباس:

---

المشاركة الأصلية كتبت بواسطة محمود90

الله يبارك فيك
لسة لما ييجي الصيف ادوبه في العرق نياهههههههه باشا

تقفيله حلو خاصة لما طلعته من الكرتونة تحسه هيبة ومليان اسفنج وجلد

---

لو ربنا سهل وشوفنا بعض في المقابلة اللي بعد أسبوعين إن شاء الله نشوفه عالطبيعة :)

مبروك
ما شاء الله جميل ..

اقتباس:

---

المشاركة الأصلية كتبت بواسطة khaled online

لو ربنا سهل وشوفنا بعض في المقابلة اللي بعد أسبوعين إن شاء الله نشوفه عالطبيعة :)

---

للأسف المسند مش بيتكشف على رجالة ههههههههه باشا
تأمرني ياصاحبي

اقتباس:

---

المشاركة الأصلية كتبت بواسطة s o p h o s

مبروك
ما شاء الله جميل ..

---

الله يبارك فيك ياعزيزي

باشا عندي استفسارين
النهاردة استلمت المسند هو جامد بصراحة بس عندي استفسارين
حاسس المسند بتاعي شغله افضل من بتاعك ولا بيتهيألي يمكن الكاميرا بتاعتك ظالماه؟
يعني البائع كل شوية بيطور في الشغل بتاعه ولا ايه؟
حضرتك شوف الصورة وقولي
http://nileup.com/up/uploads/nilemotors_13647647711.jpg

الاستفسار التاني
المفتاح اللي بيفك المسمار بتاع الكرسي مش عارف اسمه ايه او الاقيه فين
اعمل ايه ولا اروح للمحل هو يشوفهولي وبكام؟

انا بقى جبت المسند ال copy و ما شاء الله فوق الرائعع و متين كمان و عارض اللى عندى للبيع لو حد عاوزه و ممكن لما نتقابل تتفرجوا عليه ماتنسوش 4-4 الخميس القادم

تقفيله مقبول نوعا ما
والاهم انه يقضى الغرض
ربنا يباركلك فيه

اقتباس:

---

المشاركة الأصلية كتبت بواسطة ahmedeg1

انا بقى جبت المسند ال copy و ما شاء الله فوق الرائعع و متين كمان و عارض اللى عندى للبيع لو حد عاوزه و ممكن لما نتقابل تتفرجوا عليه ماتنسوش 4-4 الخميس القادم

---

مش فاهم اسمه مسند copy ولا ايه مش فاهم ده ماركة معينة؟
ممكن توضحلي اكتر؟
وفيه شغل تطريز وخياطة دبل وكده ولا شكله ايه؟

اقتباس:

---

المشاركة الأصلية كتبت بواسطة super_star_h

تقفيله مقبول نوعا ما
والاهم انه يقضى الغرض
ربنا يباركلك فيه

---

تقدر تقول تقفيله 9 من 10 قريب من الممتاز..بس فعلا قضى الغرض وريحني في السواقة
الله يبارك فيك

اقتباس:

---

المشاركة الأصلية كتبت بواسطة samehkamel

باشا عندي استفسارين
النهاردة استلمت المسند هو جامد بصراحة بس عندي استفسارين
حاسس المسند بتاعي شغله افضل من بتاعك ولا بيتهيألي يمكن الكاميرا بتاعتك ظالماه؟
يعني البائع كل شوية بيطور في الشغل بتاعه ولا ايه؟
حضرتك شوف الصورة وقولي
http://nileup.com/up/uploads/nilemotors_13647647711.jpg

الاستفسار التاني
المفتاح اللي بيفك المسمار بتاع الكرسي مش عارف اسمه ايه او الاقيه فين
اعمل ايه ولا اروح للمحل هو يشوفهولي وبكام؟

---

مبروك عليك يامعلم
لا ياباشا بتاعي شديد بس الصور تعبانة مش موضحة حاجة
وخد بالك المسند حديد وش .يعني ان شاء الله معاك 500 سنة اتك عليه براحتك انا عملت كل التجارب

بالنسبة للمفك هو شكله سداسي اي محل ادوات ومفكات حيعرفه بس انت وريله المسمار وعيش يابرنس في حدود 10 جنيه ممكن اكتر او اقل حسب نوعه

اقتباس:

---

المشاركة الأصلية كتبت بواسطة ahmedeg1

انا بقى جبت المسند ال copy و ما شاء الله فوق الرائعع و متين كمان و عارض اللى عندى للبيع لو حد عاوزه و ممكن لما نتقابل تتفرجوا عليه ماتنسوش 4-4 الخميس القادم

---

طبعا متين يابرنس انا عملت اختبارات عليه واتكيت عليه جامد مش زي اللي في السوق شرايح بلاستيك ياراجل

اقتباس:

---

المشاركة الأصلية كتبت بواسطة super_star_h

تقفيله مقبول نوعا ما
والاهم انه يقضى الغرض
ربنا يباركلك فيه

---

اخالفك الرأي مش نوعا ما تقفيله تقدر تقول معمول فيه تطريز خياطة كتير وكله جلد الراجل مستخسرش والاهم حديد معاك 500 سنة قول الف سنة ان شاء الله

متشكر جدااا تم تركيبه حاسس نفسي وانا سايق اني مريح عالاخر والعملية ممتعة

انا مش فاهم هو مين بيبيعة او بيعملة انا عاوز زية لكيا سيراتو 2012

الف مبروك :) :)

مش مأثر علي فرامل اليد ولا زراير الازاز الخلفي صح ؟؟

اللى بيبيعه سوق دوت كوم و حتخش يقوللك - للأسف، هذه السلعة غير متوفرة حاليا. المشكلة ان الموضوع ده قديم قوى و التالى العرض انتهى و البضاعة خلصت

طب مفيش اي لينك للبايع نفسه او رقم الشركة اللي بتدي لسوق دوت كوم ؟

هو ده يا جماعة ولا ده حاجة تانية

مسند ذراع كونسول حجم وسط للبيع في مصر, الإسكندرية, القاهرة. افضل سعر، مراجعة و تقييم | سوق

لحظة واحدة، مقابلة ايه يا رجالة :d

سؤال معلش
هو المسند ده مش هيضايق مكان فتحات حزام الأمان ولا أحاول أجيب حاجة صغيرة ملمومة ؟