الموضوع: معارض السيارات

انا وواحد صحبي النهارده كنا فضيين مش ورانا حاجه
انغدينا عندي في البيت وشربنا الشاي وحبسنا بسجارتين قولنا ننزل نلف شوية بدل ما احنا قعدين مش ورانا حاجه
واحنا بنتمشي لقينا معرض عربيات قولنا ننزل نتفرج
انا معايا شاهين 96 رشة بعض الاجزاء من الداخل لزوم النضافه ليس اكثر كانت برومه ونضفتها
ركنت العربيه بعيد ونزلنا نتفرج
واحنا دخلين اقابلنا شخص كدا شكله كيوت وحاجه لطيفه
السلامو عليكم وعليكم السلام عيزين نتفرج علي العربيتين الشاهين دول
مطلوب كام قال دي 30 وحك في دماغه بايده وقال دي 30
قولتله نتفرج
بفتح الكبوت الحوض مرطرط معجون وجه واحد بجلبيه شكله كان بيحصد برسيم دا الي كان معاه المفاتيح
قالي دي فبريكا يا بيه وانا اقوله ما انا عارف يا هندسه
المهم اتفرج علي العربيتين بصراحه طيط اوي العربيه متجبش 21 الف
رشه بالكامل
المهم قولتله شوية وجبتله عربيتي قولتله العربيه دي تعمل كام قالي 25 الف

بصراحه الكلمه الي قولتلها "كلب لطيف"
وسبته ومشيت
خلي بلكم من المعارض الله يبارك فيكم

المشاركة الأصلية كتبت بواسطة semi

بتوع المعارض بيبقوا كذابين جدا
والمشكلة الاكبر من كده بيبقوا عارفين ازاي يخفوا عيوب العربية
يعني بمعنى اصح يلصم العيوب لحد ما تشتري
يعني لو حد جديد يبعد عنهم خالص احسنله وربنا يخلينا النت

واللهي الراجل بيقولي فبريكا انا شايف المعجون تحت الدهان بعيني