عربيتي ابيزا 94
1300 cc بدون تكيف ولا بور كنت محتاج من خبراء الاابيزا الافاده
عايز اعرف انسب شي للانقلات علي rpm كام
عرض للطباعة
عربيتي ابيزا 94
1300 cc بدون تكيف ولا بور كنت محتاج من خبراء الاابيزا الافاده
عايز اعرف انسب شي للانقلات علي rpm كام
2.5-3-4
دول افضل وقت للنقل بتريح العربيه
اهم حاجه متدخل في الخط الاحمر ومتنقلش لنقله كبيره علي سعره بطيئه
أهلا بيك معانا في قسم السيات
شكلك لسه جايب العربية جديد ومن النوع اللي بيحافظ عليها
عموما موتورك 1300 سي سي بقوة 54 حصان وعزم 95 نيوتن
افضل rpm تنقل عليه للموتور ده هو من 3200 الي 3400 عشان تستفاد بكل العزم من غير ما تتعب الموتور
لو حابب تشد وتجري يبقي تنقل علي 5000 rpm عشان تستفاد بكل قوة الموتور ومتحاولش تعدي ال 5000 rpm عشان هيبقي حمل زيادة علي الموتور + أن بعد 5000 rpm الأداء بيقل
ألف مبروك وتحت أمرك في استفسار
اولا اهلا بيك في قسم سيات
زي ما قالك كدة الاخ كريم علي انسب عدد لفات للنقل
بس لو انت حابب القيادة الاقتصادية يبقي تنقل علي ٢.٥ بحد اقصي ٣.٠ rpm
تحياتي مرة تانية
والله المستعان
،
،
من اعظم المواقع الاانا دخلت عاليها بصراحه وكل الناس الافيها محترمين ومبيبخلوش علي حد في اي معلومه
بس انا هقولوكوا حكايتي
انا معايا عربيه ابيزا كوبيه 94 1300 من غير تكيف ولابور انا اشترتها من اخويا من حوالي 6 شهور وكان اخويا مغيرلها بلوكه عشان الموتور بتاعها كان فوت المهم
انا العربيه معايا من 6 اشهر زي الفل
المهم اليومين دول العربيه ماتورها فوت مني وكنت عايز اغيره او اغير بلوكه لسه بجمع معلومات من المنتدي هنا المهم كنت عايز اعرف الاخطا الاخلت الماتور يفوت وده الاخلاني اشوك ان التعامل بتاعي مع العربيه غلط عشان كده بسال علي rpm ولسه عايز اسالكوا اساله كتير جدا زي لو حبيت اغير المكنه اغير انجكشن والا كربرتير كهرباء واغير المكنه نوعها ايه وكام سي سي وحجات كتيره شويه
هاتلك مكنه 1400 انشجكشن واحد كامه بس اهم حاجه تجيب المكنه بالفتيس والكنترول والضفيره بتعتها المكنه دى 65 حصان
قبل اي حاجة
قولنا بتشتكي من ايه واحكيلنا كل حاجة بالتفاصيل (ياريت في مواضيع منفصلة) عشان نقدر نساعدك ان شاء الله
طبعا الأخوه ساهمو بكل المعلومات المتاحة و لكن حابب اضيف شيء وهو ان الحرق علي العربية او رفع الأر بي ام عمره ما كان سبب لتفويت المحرك و لكن المفروض يكون لهدف مش عمال علي بطال يعني الفرك و ما شابهه سلوكيات خاطئة ملهاش اي لازمة و بالتأكيد ليها ضرر
لكن انا فضلت معايا ابيزا 98 بمحرك 1000 سيسي ثلاث سنوات و نصف و اكثر من 100 الف كيلومتر و بعتها عامله 300 الف بموتور سليم و كنت بجري و بشد و برفع ار بي ام و بعمل كل حاجه و لكن بعقل و مش علي الفاضي و كتير كنت اخد مشواير تصل الي 500 كياومتر شده واحده بسرعات 130 الي 140 و مافيش مشاكل
من الأخر القيادة المتوازنه حسب الحاجه هو افضل شيء للمحرك اهم حاجه متفركش عمال علي بطال دون لازمة عايز تدوس ار بي ام دوس و لكن يكون لسبب مثلا انك عايز تسحب بسرعه و تستغله في زيادة التسارع و السرعه ... اعتقد فهمت قصدي
و بالتوفيق لك و للجميع و لو حابب تسقط هتحتاج عملية كبيرة شبيهه بعملية كريم لأنك هتغير حاجات كتير عشان تحول عربيتك الي حقن الكتروني كامل لأن المواتير الكاربيراتير معدتش متوفرة كتير للتسقيط و خلاص كفاية عليها كده و عشان تضيف كل الكماليات من باور و تكييف و غيره