حكايتي مع أستاذ عماد الميكانيكي
السلام عليكم ...
الرجال المحترمين قوي ...مساء الفل عليكم ...
هحكيلكم قصة غريبة قوي ...
عندي مريضة تسكن بجوارنا بتتعالج في المستشفى اللي أنا شغال فيها ...المهم المريضة دي ست كبيرة وبحكم الجيرة كنت عامل معاها الواجب وزيادة ...
المهم ...ابنها راجل عنده 45 سنة عرف اني محتاس بين الصنايعية ..
وأنا كان عندي صوت من العجلة اليمين في العربية ورحت لصنيعية صقر والبساتين كلهم وماحدش عرفها ...المهم دلني على واحد فاتح جديد ورشة صغيرة كدة اسمه عماد ...
رحت لعم عماد ..لقيت واحد عنده 38 سنة وانسان محترم ومؤدب وألفاظه راقية إلى حد مريب ...
المهم ..
حكيتله المشكلة ...وسبتله العربية ...صلحلي المشكلة فعلا !!!!
قعدت أحكي معاه شوية ...طلع معاه بكالوريوس تجارة !!
قلت في بالي ...: العلام حلو مفيش كلام :)
المهم كل ماتحصلي حاجة أروح لعم عماد ...يزبطلي العربية ...
ده اضرني إني أصاحبه ..
وأصبح عماد صديقي ...
انتهت القصة ..
لما هتقرأ القصة هتحس إنها قصة كتاب القراءة بتاع أمل وعمر :)
لكن أنا حاولت أنجز في القصة على شكل نقاط توضح المستفاد منها في عجالة ..
فعلا الصنايعي لما بيكون أمين وفاهم ومتعلم بيريح جدا ...
فعلا مش لازم الصنايعي يبقى بلطجي وبيسمع قبل ما ينام هاتي بوسة يابت ..
عماد عمره مابيشربش سجاير !!!!!!!!!!!!!!!!!!!!!!!!!!!!!!!!!!!!!
تخيل صنايعي مابيشربش حشيش !!!لا ده مابيشربش سجاير حتى !!!!
طبعا حاجة مهمة انك تصاحب ميكانيكي :)
هتستفيد منه جدا ..
بس فعلا أنا ماصاحبتش الراجل غير لأنه عجبني أخلاقا وصنعة