السلام عليكم ... دخلت على موقع سوق دوت كوم وعجبتنى سلعة وحبيت اشتريها بان تصل الى البيت ثم ادفع ثمنها لما يوصلوهالى ولكنى لم اعرف فهل حد عنده خبرة بهذا الموضوع ؟؟ اشكركم
عرض للطباعة
السلام عليكم ... دخلت على موقع سوق دوت كوم وعجبتنى سلعة وحبيت اشتريها بان تصل الى البيت ثم ادفع ثمنها لما يوصلوهالى ولكنى لم اعرف فهل حد عنده خبرة بهذا الموضوع ؟؟ اشكركم
حاول تشوف سعرها الاول بره كام , علشان اغلب المواقع المصرية للاسف بتبقي اسعارها اغلي من لو اشتريتها من محل .
دي تجربة واحد مع الموقع
"تجربتي مع موقع سوق كوم
بكل شفافية وامانة ساحكي لكم تجربتي المتواضعة مع سوق كوم - الموقع الشهير
في البداية قام اخي الاكبر بشراء موبايل نوكيا واختار الدفع عند الاستلام بالمنزل
طبعا اللي بيجي المنزل هو وسيط فقط لتوصيل الطلب
وهو تابع لشركة اراميكس للشحن
وشروطة ( ممنوع فتح العبوة - ممنوع التجربة - ممنوع اي شيئ )
استلم فقط وادفع جرب لما انا امشي
طبعا كل دة مش كلام عملي ابدا لان لازم الواحد يجرب ويقرر يشتري ولا لأ
المهم
اخويا وافق واشتري وكلة تمام - بيفك العبوة او العلبة فوجيئ
ان الجهاز مستعمل 100 %
اتصل بموقع سوق كوم رفضوا بتاتا ترجيع التليفون وقالوا لا دخل لنا
احنا وسيط فقط بينك وبين البائع
تاني شيئ
قمت بشراء فلاشة صغيرة لي قيمتها 35 جنية وصلت وتمام التمام
ما عليها مشكلة
ثالث تعامل
راوتر تي داتا الاصلي
المندوب لشركة اراميكس رفض فتح الجهاز كالعادة ولكني اصريت لان لي تعاملات سابقة
معهم . وهو رفض وانا اصريت بالنهاية قال لي لا دخل لي
بجرب الراوتر وجدت الترانس محروق وخربان
حاولت ارجعة دون جدوي قال لي لا دخل لي انتا مجرد وسيط
وسيتم خصمة من مرتبي
بصراحة اخدتة وانا مضطر وغيرت الترانس
انا قولت اقولكم تجربتي لعل وعسي تفيد احدكم"
منقول
انا شاري منهم حاجات كتير منها موبيل s3
و ما فيش الا مره واحده الحاجه اتاخرت و اتنرفزت و لغيت الاوردر بعتوا لي هديه على البيت بحوالي ١٢٠ جنيه
واعتقد انك من حقك ترجع الحاجه اول ٣ ايام و تسترد فلوسك و بعد كده لو في شكوى بتدخلها على النت و هما بيتابعوا مع البايع
أنا أشتريت من عليه كذا مرة وفعلا في حاجات أرخص من برة، وفي حاجات صعب تلاقيها برة أيضا
وبعت أيضا عن طريقه.
المشكلة الوحيدة اللي حصلتلي أني كنت ببيع كاميرا مستعملة وبعد ما واحد أشتراها من على الموقع والمندوب جه خدها، الراجل غير رأيه لأنه لقى واحدة أفضل بالنسباله فرفض يستلمها! ورجعتلى زي ما هي بدون أي مصاريف.
ما حدش قال برضه يا جماعة اشترى ازاى
هتسجل عضوية الاول و تكون كاتب عنوانك و تليفونك في بيانات العضوية
و بعدين تختار الحاجة اللي عايز تشتريها و تختار طريقة الدفع و عنوان الشحن
في اول تعامل الافضل يكون الدفع عند الاستلام و ده بيبقي مقابل رسوم اضافية عندهم حوالي 15 جنيه حاليا و الشحن مجانا
بعد اما تنتهي من تسجيل طلبك هيبعتولك علي ايميلك ان طلبك اتسجل
و بعدين خلال يوم او يومين هيتصل بيك حد من سوق علشان يأكد طلبك و يراجع العنوان
بعد الاتصال ده الحاجة بتتشحن ليك خلال 3الي 7 ايام في اغلب الاحوال
مشكلة سوق انه مش البائع الاصلي و لا ليه رقابة او اتفاق قانوني مع البائعين
فانت و بختك يا البياع يبقي كويس و محترم في سرعة الشحن و مطابقة المواصفات و الضمان و الصيانة
يا اما يطلع اي كلام ... لكن هم عندهم نظام يحفظ حقك لفترة محدودة
بعد اما تستلم الحاجة من حقك ترجعها او تشتكي من عيوبها و البياع مش هياخد فلوسه لغاية ما يحل لك المشكلة
Sent from my MZ601 using Forum Runner
السلام عليكم
الكلام الذى جعلته ازرق مش مضبوط
لان سوق ينقسم الى جزئين جزء عباره عن مبيعات سوق نفسه وجزء اخر عباره عن معلنين داخل موقع سوق وانت ممكن تاخذ بالك فى بيانات البائع وتظهر فى ايس الشاشه لكل صنف.
على فكره موقع امازون نفسه به هذه الطريقه فهو يبيع بنفسه وايضا يوجد اخرين معلنين للبيع