الموضوع: موضوع للاستفسار حول جالاكسى نوت 2 والاستفادة من خبرة الاعضاء

لو قصدك على الهيستوري بتاع البراوزينج.. فعندك حاجتين..

أولاً البراوزر بتاع الموبيل، و ده بتدوسي على زرار الرجوع ثانيتيين.. بس لازم تكوني لاغية المالتي ويندوز عشان لو مش لاغياها هايظهرلك القايمة بتاعتها..

بالنسبة للجوجل كروم اللي نازل مع الموبيل، هاتكتبي في السيرش بار chrome:history هايدخلك عليه على طول..


بالنسبة للأبليكيشنز بتختلف بقى حسب احتياجاتك.. بس مبدئياً لازم انتي فيرس و فيه كذا حاجة مجاناً.. avast كويس و خفيف..
فيه كمان ابلكيشن صغنن اسمه simple unrar و طبعاً واضح من اسمه بيفك الملفات ال rar

فيه ابليكيشن زي bey2ollak بيفيد في معرفة الطرق الزحمة، بس مبقتش استخدمه عشان كل الطرق زحمة D:

فيه كمان حاجات التواصل و الشات، اشهرهم whatsapp للشات و هايل في نقل الصور، viper للمكالمات، و tango او skype للمكالمات و الفيديو شات

ممكن بردو الفيس بوك مسنجر عشان اسهل في تصفح الرسايل، لو انتي على نت الشركة و فتحتي الفيس بوك هايسحب كتير عشان الصور و كده، انما ده بيدخل على طول على الرسايل..

بالنسبة لل tips بتاعته فهيا كتيييييير أوي..

فيه على سبيل المثال ال s pen settings حاجة اسمها air view و دي بتخليكي تشوفي الملفات بمجرد ما تعدي القلم عليها من غير ما تلمسي الشاشة، و ممكن لو مشغلة فيديو تعديه على بار الوقت من تحت و تختاري اللقطة اللي عايزة تشغلي من عندها..

ال motions في الsettings بردو ابداع، و عامة تحت هتلاقي tutorial عن كل motion عشان تحددي انها هاتستخدميه و انهي مش مهم..

ال GPS navigation بتاع الجوجل مابس هااايل.. عملي هبل اصلاً اول ما جبت الموبيل و نفعني جداً في كذا مشوار..

فيه حاجة بسيطة اتأكدي منها.. ادخلي على الجوجل بلاي و هاتي الsettings بتاعته، و اعمل update over wifi only عشان انا في يوم ما جبت الموبيل عمل ابديت حاجة و سبعين ميجا و انا مش دارية، و بما اني فاتورة فغالباً هايتخرب بيتي الشهر ده D:

امممم.. ال s pen لما تخرحيه و تدوسي على الزرار و تتكي بيه على الشاشة في أي مكان مرتين هايطلعلك quick note، و في النوت دي لو كتبتي مثلاً و دوستي على زرار القلم هايقلب اوتوماتيك لأستيكة عشان تمسحي، دوسة تانية هايرجع يكتب.. و لو عايزة تغيري اللون تدوسي على شكل القلم شوية هايظهر قايمو الألوان

و بردو ال s pen لو فضلتي متكية على الزرار و عملتي دايرة حوالين أي جزء في الشاشة هايخد الجزء ده سكرين شوت..

اممم.. الجهاز لز فضلت اكتب في كل حاجة فيه هلقعد لبكرة D: عامة مبروك عليكي و ان شاء الله تعيشي حياتك في استكشافه :)