تحذير من رادار متحرك

**المنسي** · 21-03-2013 11:38 PM

رجالة نايل موتورز حبيت اقولكم خلى بالكم من رادار متحرك
المكان : اللى جاى من دريم لاند ورايح على طريق الفيوم او بياخد يوترن وراجع البوابة الرابعة - حدائق الاهرام
الزمان : الساعة 10:45 مساءا
اللى حصل معايا كالاتى انا راجع من مول العرب والعربية بطلت منى عن كمبوند النسايم لمشكلة فى البطارية المهم دورت العربية واخدت اليمين واقولت امشي واحدة واحدة عقبال ما اروح البيت المهم جيت بعد حى الاشجار وطبعا ماشي فى اليمين ولقيت قدامى بحوالى 100 متر بعد دار الضيافة ونش شرطة واقف فى مكان غريب المهم بعدها العربيات جاية من شمالى وطايرة والفلاش شغال الله ينور
قربت من الونش لقيت البهوات قاعدين وحطين الرادار ومش متخيلين ان حد هيمشي فى الحتة دى بطىء جيت جنبهم ولقيت اللى بيبص عليا رحت باصص له وضاحك ورحت مولع الانتظار للى جاى قلت يمكن حد ياخد باله

ملحوظة : الطريق ده بعد ما بعدى من حى الاشجار باخده 120 اقل واجب وسبحان الله العربية يحصل فيها كده علشان اخد اليمين وامشي براحتى

**Karim Ibiza** · 22-03-2013 12:40 AM

فلوسك حلال :)

**speed_magnum** · 22-03-2013 01:45 AM

هما كده بقي يبقى بيشتغلوا?
هي دي اولوياتكم في تنظيم المرور ?

**gebreel** · 22-03-2013 06:06 PM

اتلقط فيه قبل كدة يوم جمعة قبل الصلاة على115 و بيبقى الرادار في الجنينة اللي في نص الطريق على الشمال و انت نازل على طريق الفيوم و السرعة على الطريق ده 60 ازاي مش عارف

**eslamsubaru** · 22-03-2013 07:38 PM

المشاركة الأصلية كتبت بواسطة land_cruiser

شكرًا علي التحذير يا فندم. بيعملوا افخاخ علشان تجيبلهم فلوس و مش فارق معاهم أرواح الناس و لا اي حاجه تانيه :t_thum1[1]:

!!!!!!!!!!!!!! هو اللى يطبق القانون فالبلد دى يبقى وحش و اللى بيجرى بالعربية هو اللى همه ارواح الناس !!!!!!!!!!!!!!
مش عارف اقولك ايه بصراحة ...
و على فكرة انا لا ليه قريب ظابط و لا اى علاقة بالشرطة من اى نوع انا طبيب ,, بس ميعجبنيش كل و احد يستهتر بأرواح الناس و كل واحد ميشوفش شغله
المفروض اللى بيجرى ده يتاخد مخالفة علشان يحرم يعمل كده بس تقول لمين الكلام ده ... الواسطة و المحسوبية هى اللى مبوظة البلد

مع احترامى لصاحب الموضوع : الموضوع فى مضمونه غلط انك تحذر الناس من تطبيق القانون علشان يعرفوا يخالفوه....

**gebreel** · 22-03-2013 08:08 PM

المشاركة الأصلية كتبت بواسطة eslamsubaru

!!!!!!!!!!!!!! هو اللى يطبق القانون فالبلد دى يبقى وحش و اللى بيجرى بالعربية هو اللى همه ارواح الناس !!!!!!!!!!!!!!
مش عارف اقولك ايه بصراحة ...
و على فكرة انا لا ليه قريب ظابط و لا اى علاقة بالشرطة من اى نوع انا طبيب ,, بس ميعجبنيش كل و احد يستهتر بأرواح الناس و كل واحد ميشوفش شغله
المفروض اللى بيجرى ده يتاخد مخالفة علشان يحرم يعمل كده بس تقول لمين الكلام ده ... الواسطة و المحسوبية هى اللى مبوظة البلد

مع احترامى لصاحب الموضوع : الموضوع فى مضمونه غلط انك تحذر الناس من تطبيق القانون علشان يعرفوا يخالفوه....

انا متفق معاك تماما يا باشا في اللي انت بتقوله بس تعليقا على كلام حضرتك المنطة دي طريق ممهد تماما و 4 او 5 حارات و الحتة اللي بيبقى فيها الرادار منطقة مش سكنية نهائي و مفيهاش بني ادم ماشي على رجله
يبقى سرعة 60 دي مش منطقة نهائي

-

الموضوع: تحذير من رادار متحرك

LinkBack

أدوات الموضوع

عرض

تحذير من رادار متحرك - انشر الموضوع فى :

-

-

-

-

المواضيع المتشابهه

تحذير تحذير تحذير تحذير

تحذير تحذير تحذير تحذير

تحذير : رادار متحرك على الكورنيش تحت الدائري

تحذير ! تحذير ! تحذير !

رادار جديد متحرك - بلوة جديده

الكلمات الدلالية لهذا الموضوع

المفضلات

المفضلات

ضوابط المشاركة