الصني فيها انذار ولا اركب الانذار فين ؟

**akmall** · 22-03-2013 12:04 PM

اشتريت الصني الشكل القديم زيروا 2013 ex

وبصراحة مش عارف هيا فيها انذار ولا لا فياريت صقور نيسان يقولولي

اذا كان فيها ولو مفيهاش اركبه فين بحيث متخرجش العربية من الضمان

وكمان العربية مفيهاش سماعات من ورا فيا ترى ممكن يركب ليها سماعات ولا صعب

**Bishoy.Girgis** · 22-03-2013 12:57 PM

تركيب الانذار هو متابعة للعربية فقط لا غير يعني في حالة حد خبطها .. انما العربية فيها سيكيورتي سيستم يعني لو حد فتح باب العربية .. هتقوم العربية شغالة كلاكسات . لو عايز تركب جهاز انذار يبقي في التوكيل عشان الضمان .

بالنسبة للسماعات ممكن تركب سماعات عادي بس هتبقي مدورة و لو فتحت شنطة العربية و بصيت هتلاقي ان السماعات متخرم ليها في الصاج جاهزة للتركيب و بكده ممكن تركب السماعات عادي بره التوكيل
لكن انا بنصحك بتركيب السماعات في التوكيل علشان سمااعات الفابريكة احسن كتير و بتبقي سماعات كينوود بس برده ياريت تتأكد قبل التركيب انها كينوود لأن انا لما ركبت كانت لأبواب عربيتي

اي خدمة و ياريت تراجع القسم اللي في اللينك التالي لأن فيه معلومات مهولة ...

http://www.nilemotors.net/Nile/163656-a.html

@@@@@@@@@@@@@@@@@@

**Ramy Rateb** · 22-03-2013 01:24 PM

مبروك على العربية و ربنا يبارك لك فيها . هو حضرتك جبتها من معرض ايه و هل كانت حجز؟
بخصوص السماعات ف زى ما قال أ/بيشوى مكانها متخرم فى الصاج كل اللى هيتعمل انك تقطع مكانهم فى الفبر اللى عند الزجاج الخلفى و تركب وصلاتهم (و الوصلات هتلاقيها جاهزة) .. حضرتك أسال فى التوكيل على الأنواع و السعر شامل التركيب و أسال بره برضه.
بالتوفيق

**zambarota** · 22-03-2013 03:29 PM

المشاركة الأصلية كتبت بواسطة akmall

اشتريت الصني الشكل القديم زيروا 2013 ex

وبصراحة مش عارف هيا فيها انذار ولا لا فياريت صقور نيسان يقولولي

اذا كان فيها ولو مفيهاش اركبه فين بحيث متخرجش العربية من الضمان

وكمان العربية مفيهاش سماعات من ورا فيا ترى ممكن يركب ليها سماعات ولا صعب

بالنسبه لعربيتك EX الانذار عايز يتفعل

ولازم تروح مركز صيانه معتمد تفعل الانذار يعنى تنزل سوفت وير للعربيه

وده فى السبع بيتكلف ٢٢٠ بعد الضريبه

وفى اوتو ايجيبت مجانا بعد الضريبه ايضا

لكن فى مودرن موتورز معنديش ادنى خلفيه

لكن عايز جهاز انذار بحيث لو حد خبط على العربيه يضرب فدي حاجه تانيه خالص وضحاهالك السيد بيشوي

وشكرا

**asyl84** · 22-03-2013 09:08 PM

بص عشان انا جربت القصة دى حضرتك اقعد جوة عربيتك معزز مكرم برنس فى نفسك واقفل العربية بالريموت وانت جوة العربية هتلاقى النور بتاع السيكورتى الى هو تحت الزجاج الامامى دة منور احمر وعلق كدة استنى شوية هتلاقية ابتدا يطفى وينور كدة العربية متأمنة افتح بقى العربية وانت جوة عن طريق اللوك بايدك كدة وافتح الباب عشان تطلع هتلاقى العربية بتزمر ومش هتسكت الا بالريموت المقصود ان اى طريقة لفتح العربية بدون ريموت او مفتاح هتزمر فى حاجة كمان دى جربها انت بقى وقولى المفروض بعد ما تزمر 30 ثانية هتفصل طلمبة البنزين ومش هدور طبعا معرفتش اخليها تزمر ثانيتين على بعض عشان انت عارف المصريين بتحب توجب اوى فى الحالات دى ويقولك فين الرخصة وبتاعتك دى ياكابتن دة طبعا لو ملقتش فى ايد بتدلك رقبتك ولو الواحد حرامى بجد كانوا سابوة مرحبا بك انت فى مصر جرب انت بقى واحكيلى عن العربية طبعا ماليش دعوة بتدليك رقبتك خاااااااااااااالص

**Magayfarr** · 03-11-2013 06:33 PM

طب انا رحت لكهربائى عشان الانذار فعلا مش شغال و اللمبه بتنور علطول مش بتقف الكام ثانيه فى الاول قالى انا مش لاقى الحساس و قفلت و انا جوا و فتحت معملش اى حاجه

**Magayfarr** · 07-12-2013 04:31 PM

عملت كده و محصلش حاجه و اللميه مش بتثبت خالص

**Aelgahawy** · 17-12-2013 02:53 PM

المشاركة الأصلية كتبت بواسطة asyl84

بص عشان انا جربت القصة دى حضرتك اقعد جوة عربيتك معزز مكرم برنس فى نفسك واقفل العربية بالريموت وانت جوة العربية هتلاقى النور بتاع السيكورتى الى هو تحت الزجاج الامامى دة منور احمر وعلق كدة استنى شوية هتلاقية ابتدا يطفى وينور كدة العربية متأمنة افتح بقى العربية وانت جوة عن طريق اللوك بايدك كدة وافتح الباب عشان تطلع هتلاقى العربية بتزمر ومش هتسكت الا بالريموت المقصود ان اى طريقة لفتح العربية بدون ريموت او مفتاح هتزمر فى حاجة كمان دى جربها انت بقى وقولى المفروض بعد ما تزمر 30 ثانية هتفصل طلمبة البنزين ومش هدور طبعا معرفتش اخليها تزمر ثانيتين على بعض عشان انت عارف المصريين بتحب توجب اوى فى الحالات دى ويقولك فين الرخصة وبتاعتك دى ياكابتن دة طبعا لو ملقتش فى ايد بتدلك رقبتك ولو الواحد حرامى بجد كانوا سابوة مرحبا بك انت فى مصر جرب انت بقى واحكيلى عن العربية طبعا ماليش دعوة بتدليك رقبتك خاااااااااااااالص

متأكد من موضوع فصل طلمبه البنزين ده ؟؟؟؟؟

**asyl84** · 19-12-2013 01:32 AM

المشاركة الأصلية كتبت بواسطة aelgahawy

متأكد من موضوع فصل طلمبه البنزين ده ؟؟؟؟؟

اعتقد مكتوبة فى الكتالوج بتاعها انا ساعتها كنت متاكد بس منين بقى اتاكدت الصراحة نسيت يعنى سئلت والا قريت والا اية مش فاكر

**Sehsss** · 23-03-2013 02:02 PM

مبرووووووووك.. وتركيب السماعات مش لازم التوكيل، لإن سعرها هايبقى أعلى في التوكيل وعادي مافيهوش مشكلة مع الضمان، أهم حاجة تكون مدورة علشان ما تقطعش في الصاج