اللغز المحير، مياه الردياتير راحت فين؟ ارجوكم المساعدة

**Hossam_Hassan** · 06-08-2008 04:01 PM

السلام عليكم يا اخوانى

عندى لغز محيير حصل النهاردة

النهاردة الصبح نزلت شيكت على الميه و الزيت و لقيت كله تمام و رحت من المقطم لجراج البستان، ركنت فى الدور السادس و عملت مشاوير فى وسط البلد حوالى ساعة، رجعت لقيت بقعة ميه كبيرة تحت العربية، لما بصيت تحت مشفتش تنقيط، فتحت القربة لقيتها فاضية، دورت و مليتها و بصيت لقيت نقطتين تلاتة نزلين من ناحية القربة، المهم رحت نزلت على الميكانيكى فى عابدين مسافة 3 دقايق و مؤشر الحرارة فى مكانه العادى، الميكانيكى قعد يكشف و انا معاه، القربة مليانة زى ما ملتها، مفيش اثر ميه على اى حتة، مفيش تسريب من أى خرطوم، قعدنا نص ساعة نكشف و ندور و نبطل و نرفع العربية من كل اتجاه و نزلت بنفسى تحت العربية و مشيت مع كل الخراطيم و عند الطرمبة، مفيش الهوا.

الميكانيكى قالى جرب لغاية بكرة و نشوف، مشيت من عنده و كلمت محمد ممدوح و قالى امشى لغاية البيت و اول ما اركن و المراوح تشتغل ابقى ابطل العربية و اكشف تانى، فعلا عملت كده و برضوا مفيش تسريب و لا تبخير والميه مانقصتش، و مع انى كنت مشغل التكييف، كؤشر الحرارة كان فى الطبيعى.

ايه رأيكم؟ ياترى اللغز ده ليه تفسير؟

**Hossam_Hassan** · 06-08-2008 08:07 PM

مساء الخير

بعد ما رجعت البيت بساعة نزلت بصيت، لقيت الميه نقصت و مفيش اثر لتسريب.

زودت الميه و طلعت على بتاع الردياتير، قعد يفحص و يجرب ساعة و بعدين فك كاوتشة بتاخد ميه من ورا الموتور من تحت و بتدخل الموتور تانى فوق الدينامو كده و قالى فيها خرم، فعلا لقيت فيها خرم بس من صريح، يعنى بزاوية كده و الكاوتشة زى ماتكون مهرية من جوه، رحت جبتها ب 25 جنيه و ركبناها و عملت مشوار و جربت، مفيش نقص ميه، بس بجد خايف انزل بكره الاقيها عملتها تانى.

ربنا يسهل، و ياريت اللى ممكن يفيدنى برأى، مايبخلش عليا.

**kontakinty** · 06-08-2008 08:10 PM

كانت بتحصل معايا و فعلا لقيت خرم صغير قوى و غيرت الكوع المخروم و كله تمام

**Akram** · 06-08-2008 11:32 PM

طيب يا باشا ما كده المشكلة خلصت و الحمد لله و تم تغيير الكاوتش المخروم ,
لكن المشكلة لو كنت لسه ما عرفتش ايه السبب لغاية دلوقت ,

**Hossam_Hassan** · 07-08-2008 10:00 AM

المشاركة الأصلية كتبت بواسطة Akram

طيب يا باشا ما كده المشكلة خلصت و الحمد لله و تم تغيير الكاوتش المخروم ,
لكن المشكلة لو كنت لسه ما عرفتش ايه السبب لغاية دلوقت ,

النهاردة الصبح كشفت و لقيت مفيش غير نقص بسيط قوى، يعنى من نص القربة، نزلت حوالى 1 سم، بس يارب يكون تظبيط هوا بعد شغل امبارح، ربنا يسهل و قبل ما امشى من الشغل اكشف تانى

**msami2k** · 07-08-2008 11:55 AM

ربنا معاك
ويحللك مشكلتك

**hazem_khidr** · 07-08-2008 08:24 PM

ايه الاخبار طمنا يا حسام بيه:)

**Hossam_Hassan** · 08-08-2008 12:31 AM

الحمد لله، بعد كذا مشوار و اختبار و كشف، كل حاجة تمام

**Matrixawy** · 08-08-2008 12:40 AM

المشاركة الأصلية كتبت بواسطة Hossam_Hassan

الحمد لله، بعد كذا مشوار و اختبار و كشف، كل حاجة تمام

لو حصلك هذا الموضوع مرة اخرى يبقى من غطاء قربة الماء
يجب تغيره لانه بينفس بسيط و بيبخر الماء دون ان تشعر به
الموضوع دة اكيد و بيحصل فى سيارات كثيرة

الموضوع: اللغز المحير، مياه الردياتير راحت فين؟ ارجوكم المساعدة

LinkBack

أدوات الموضوع

عرض

اللغز المحير، مياه الردياتير راحت فين؟ ارجوكم المساعدة - انشر الموضوع فى :

-

-

-

-

-

المواضيع المتشابهه

الردياتير ضرب و المياه راحت علي فتيس الاوتوماتيك؟؟

مياه الردياتير

مياه الردياتير

الريموت و الزجاج .. اللغز المحير

مياه الردياتير

الكلمات الدلالية لهذا الموضوع

المفضلات

المفضلات

ضوابط المشاركة