عرض للطباعة
عربيتى نوبيرا 2 بقالى حوالى 4 ايام بلاحظ استهلاك غير عادى للعربيه فى البنزين لدرجه انى حطيت مره ب 70 جنيه خلصوا فى يومين مع انى مسافرتش ولا خرجت قد كدا , المهم النهارده خرجت ولقيت تحت العربيه بقعه سوده وعليها زى بنزين مسحتها بمنديل وشميتها لقيتها بنزين ونزلت تحت العربيه لقيت حولين التنك مرشح , اعمل ايه وأوديها لمين يكتشف العيب فى خراطيم ولا التنك نفسه انا من المنصورة ارجو الافاده
متسكتش على عيب زى دا دا اكيد التانك مخروم وبينقط منك وعندك حلين ياما تخل التانك وتلحمه
ياما توديها عند اى ميكانيكى ويخليه يصنفرلك التانك ويلحمهولك بس بانبيب اللحام اللى هى بعشرة جنية وجرب دى ويمكن تنفع معاك
اقتباس:
المشاركة الأصلية كتبت بواسطة maio_do
انا مش عارف ازاى كنت ماشى بها كدا الموضوع دا ازعجنى وضايقنى جدا لما اكتشفته دلوقتى . . انا كنت رايح للميكانيكى بكره اكشف على الرشاشات والبوابه شكيت انها بتاكل بنزين ومجاش ف بالى انها بتسربه , ومتشكر جداً وهروح للميكانيكى بكره لان النهارده الجمعه - وعوضى على الله فى اللى وقع يجى ب 200 جنيه بنزين فى الكام يوم دول مستفدتش بيهم وكنت مخنوق جداً انى كل ما افول ملقيهوش بطريقه مرعبه
يا باشا مش المهم الفلوس اللي راحت
احمد ربنا انك عرفت ان فيه ترشيح
بدل ما يحصل مالا تحمد عقباة
وما تتحركش بالعربية الا عشان تروح للميكانيكي
والترشيح عندك يا اما خرم في التنك او تسريب من عند جوان الطرمبة
نصيحة لو جه الله اياك ان تلحم التنك بلاش بلاش اشتري تنك استيراد لو لقيتة مخروم
اقتباس:
المشاركة الأصلية كتبت بواسطة mahmoudysf
فعلاً عندك حق , انا من ساعت ما عرفت اصلا وانا مش بتحرك بيها نهائيا لحد بكره ان شاء الله وهكشف عليها عند الميكانيكى وربنا يسترها ..
اقتباس:
المشاركة الأصلية كتبت بواسطة mahmoud_anwar
هو ايه عيوبه طيب ؟ ولو فى تجربه معاه ياريت تقولى , والتنك الاستيراد هيكون بيتكلف كام ؟
العيوب انه هيتخرم منك تانى بعد فترة فانت يا تجيب استيراد ياما تمشى مؤقت بلحام الانابيب اللى قايلك عليها ودى عملية بس حاول متحكش فى المطباتاقتباس:
المشاركة الأصلية كتبت بواسطة mizomage
موضوع لحام التنك دة فيلم كبير جدا ... لانه لازم يفك التنك ويغسله من جوة لان مفيش سمكرى بيرضى يشتغل فيه بيخاف انه ينفجر ..
الحمه بالارنديد انبوبتين فيه منه نوعين نوع ب 7 جنيه والتانى ب 15 جنيه الأتنين حلوين وبينشف بسرعه زى الأمير بالظبط بس بيمسك جامد اوى وبيحل مشكلة النار واللحام بالكهرباء اللى كتير بيخافو منه واتكل على الله والحمه احسن
لو لحام نار عادي؟ أنا عندي التنك مقطوع كمان مش مخروم بس وبقاله 7 شهور بيتهوي برا العربية لاني جبت واحد تاني مستعمل بس عايز ارجع الاصلي لان المستعمل واحد خبطة من تحت وبياخد كمية بنزين أقلاقتباس:
المشاركة الأصلية كتبت بواسطة mahmoud_anwar
..متهيالي مفيش مشكلة كدا؟
يا باشا انا حصل معايا الموضوع ده مرة، في عربيتي، وكنت لسه مفول على الآخر، وافتكرت ان التنك اتخرم، بس لما روحت للميكانيكي، فك الكنبة اللي ورا، وشاف الخرطوم اللي طالع من التانك لاقاه محتاج يتربط، فربطه كويس، وانتهت المشكلة، يعني ان شاء الله ممكن تبقى المشكلة سهلة ومتكلفش
لو لسه مشكلتك موجودة ممكن تراجع جوان طرمبة البنزين علشان بيفرش مع الوقت وبيخلى الدنيا تخرب مع التفويلةاقتباس:
المشاركة الأصلية كتبت بواسطة mizomage
الموضوع ده لسه حاصل معايا انهرده كنت بفول العربيه ببص لقيت البنزين واقع تحت الارض وقع بتاع 10 لتر قمت واخدها مدخلها جوه البنزينه فى الصيانه ونزلت تحتها لقيتها بتنزل بنزين وبعد كده خفت وبدات تنقط لغايه موقف التنقيط وكان فى بنزين فى العربيه معرفش العيب ايه
هو الجوان النجس ده وخلى بالك فيه منه بيتباع مضروب ب 10 جنيه وزى قلته اول ما بيشم بخار البنزين بيبوظ انا جبته ورميته واللى نفع معايا ابو 45 جنيه غالى 5 اضعاف بس جاب م الاخراقتباس:
المشاركة الأصلية كتبت بواسطة ahmed_zamalek7