مابتفهمش في "الالفا روميو"وماركبتهاش يبقي من فضلك ماتفتيييش..

**monamize4** · 22-03-2013 06:40 PM

معلش استفسار لو سمحت : هو الغرض من الموضوع دا انك تقول للناس ان الالفا عربية اعتمادية و مريحة و لا اقناع الناس ان الالفا عربية اغلى من البى ام فا لازم يكون ليها احترام زى البى ام و لا ايه؟

**Ahmed Selim** · 22-03-2013 08:17 PM

المشاركة الأصلية كتبت بواسطة monamize4

معلش استفسار لو سمحت : هو الغرض من الموضوع دا انك تقول للناس ان الالفا عربية اعتمادية و مريحة و لا اقناع الناس ان الالفا عربية اغلى من البى ام فا لازم يكون ليها احترام زى البى ام و لا ايه؟

أنا شايف الموضوع أنه تنبيه للناس أنها تتكلم باللى عارفاه بس مش اللى بتسمع عنه من أي حد و خلاص......بكل بساطة.

و أعتقد الموضوع ده مهم عموماً.........مش علشان الألفا لا الرينو.......لأ علشان لما حد يسأل سؤال يجاوبه اللى عارف و فاهم مش أى حد عنده معلومة يجي يرميها و خلاص و هو مش متأكد منها.

**monamize4** · 22-03-2013 09:25 PM

المشاركة الأصلية كتبت بواسطة Ahmed A.Maksoud

عادي يا معلم...........مشتغلش نفسك

فيه ناس كتيييييييير بتعمل كده و مقتنعة بكده حتى لو عملت أيه

نفس القصة بتحصل مع رينو.......عربية بتتباع مستعملة ب 60 أو 70 ألف و وهي جديدة كانت ب 140 ألف عاوز قارن قطع غيارها بعربية بتتباع زيرو ب 80 الف.......و يقولك غالية.

عادي كبر دماغك.

طبعا فى عربيات ف السوق اخدت اكتر من حقها بكتير و العكس لكن متهيألى ان الالفا روميو و ميجان 2 (انا قلت ميجان 2 و ليس رينو عامة او الفرنساوى كله) سمعتهم مستحقه

المشاركة الأصلية كتبت بواسطة i_Am_Legend

الغرض من الموضوع ..ولا اي حاجة من اللي حضرتك قولتها اصلا :)

الموضوع دة بيخاطب ناس معينة.
بوجهلها رسالة..وبدافع عن عربية مظلومة.. بسبب كلام الناس اللي بتقول اي كلام بدون تجارب وبدون خبرة..طبعا الناس البروفيشنال ..هي اللي هاتكون عندها ردود واضحة وردود عملية بالارقام..عن الالفا :)اقصد الناس المجربة وعارفة تاريخ الالفا..

خلينا نركز شويه ع الالفا , طبعا شركة محترمة و تاريخ طويل لكن للاسف التاريخ وحدة لا يكفى
المشكلة ان مصر مش سوق مهم بالنسبة لالفا (مش موجودة ع الخريطة بتاعتهم اساسا احنا اخرنا ال 147 , 156 دا احنا لاشوفنا الجوليتا و لا الميتو ولا ال 4c ) فطبيعى ان دا يبقى حال العربيات الالفا روميو ف مصر
ياريت تقولنا فين الظلم ؟ انت شايف ان سعر الالفا المستعمل كان لازم يبقى اعلى من كدة ؟ و لا ايه بالظبط؟
ياريت محدش يقول كفاية ان الالفا و الميجان 2 ثباتهم رهيب ( على ساس ان مفيش غيرهم اللى ثابت ف البلد )

**Ahmed Selim** · 23-03-2013 12:17 AM

المشاركة الأصلية كتبت بواسطة monamize4

طبعا فى عربيات ف السوق اخدت اكتر من حقها بكتير و العكس لكن متهيألى ان الالفا روميو و ميجان 2 (انا قلت ميجان 2 و ليس رينو عامة او الفرنساوى كله) سمعتهم مستحقه

خلينا نركز شويه ع الالفا , طبعا شركة محترمة و تاريخ طويل لكن للاسف التاريخ وحدة لا يكفى
المشكلة ان مصر مش سوق مهم بالنسبة لالفا (مش موجودة ع الخريطة بتاعتهم اساسا احنا اخرنا ال 147 , 156 دا احنا لاشوفنا الجوليتا و لا الميتو ولا ال 4c ) فطبيعى ان دا يبقى حال العربيات الالفا روميو ف مصر
ياريت تقولنا فين الظلم ؟ انت شايف ان سعر الالفا المستعمل كان لازم يبقى اعلى من كدة ؟ و لا ايه بالظبط؟
ياريت محدش يقول كفاية ان الالفا و الميجان 2 ثباتهم رهيب ( على ساس ان مفيش غيرهم اللى ثابت ف البلد )

مع أني مش عاوز أدخل فى جدال.......و طالما أنت مقتنع بكده يبقى مفيش مشكلة.

عموماً الرد عندي هو أن الميجان 2 كانت صفقة رابحة

بتقدم مواصفات كويسة بسعر ممتاز مقارنة بمواصفات العربيات اللى زيها فى نفس الفئة

غير حاجة تانية أنا مقتنع بيها....لو أنا معايا 100 الف و قدامي عربية فيها كل اللى أنا عاوزه و ممكن تعطل مني فى خلال 5 سنين 5 مرات
و عربية تانية فى نفس السعر بس مفيهاش اللى انا عاوزه و مش هتعطل مني فى ال 5 سنين ولا مرة......هجيب العربية اللى فيها اللى أنا عاوزه و أتعطل مرة فى السنة مش قصة.......معلش ممكن يكون تفكيري غريب.....بس أنا أيه اللى يجبرني أركب حاجة مفيهاش اللى أنا عاوزه أو أدفع 50 ألف زيادة علشان أجيب عربية فيها نفس المواصفات بس مش هتعطل مني.

تحياتي و يا ريت منخرجش عن سياق الموضوع أكتر من كده...........و لو عاوز تكمل فى موضوع تاني أنا تحت أمرك.

**Angel_wolf** · 23-03-2013 02:39 AM

الفا روميو ولا اى حد يركبها ولا اى حد يصلحها

دى عربيها ليها ناسها الى بتفهمها وتقدرها

**mohammed dodda** · 23-03-2013 03:04 AM

المشاركة الأصلية كتبت بواسطة sha2e

بخصوص الاسعار :
156 كانت اول ما نزلت أزيد من 318 بحوالي 5 الاف " كانت تقريبا 165 الف "
وبعد كده ال 318 اثبتت نفسها مع ابو الفتوح وفى الفتره دي الاسعار نزلت شويه وبقت ال 318 بحوالي 145 والالفا كانت أقل منها بحوالي 5 الاف "وده انا متأكد منه "
عمري بصراحه ما سمعت ان 156 وصلت لـ 200 الف دي

بخصوص مقارنة سعرها بالبي ام فسعر البي ام مش مقياس
ما الالنترا كانت أغلى من البي أم
الالنترا اول ما نزلت سنة 1994 كانت نازله 180 الف جنيه (وبالاماره كان دايما اعلانها نص الصفحة السفلى من الصفحه الاخيرة بالجريدة )
وبعد كام شهر نزلت لـ 160 وأعرف ناس كانوا جايبنها بـ 160 وبعدها بشهرين نزلت لـ 140 الف (وساعتها نقلو الاعلان للصفحه الاولي على الجنب)
يعني كانت ايامها الالنترا الكوري الى لسه نازله اغلى من البى ام e36

تحب تعرف كانت اسعار الكوري والالماني والياباني ايامها كان كام ؟
- الاكسيل 1300 كانت بادئة من آواخر التلاتينات
- الاكسيل 1500 الكامله كانت حاجة وخمسين
- اللانسر الرابيت او الكريستاله كانت بادئه من الاربعينات
- الكرولا الملكه كانت بدئه من اواخر الاربعينات
يعنى الاكسيل كانت أغلى من الكريستاله والملكه
وكانت الاوبل فيكترا " بداية التجميع فى مصرسنتها" وكان ليها اعلان مشهور ايامها بواحد جايب العربيه من بره وبيستلمها من المينا وصاحبه بيقوله خلاص بقت موجوده فى مصر كان تمنها ايامها 80 الف جنيه

الكلام ده كان سنة 95 يعني من حوالي 18 سنه تعالى شوف الاسعار دلوقتي
الاكسيل 1500 : 35 " ثلثي سعرها زيرو"
اللانسر : اربعينات " نفس سعرها زيرو "
الملكه : اربعينات " نفس سعرها زيرو "
الاوبل : اربعين " نص سعرها زيرو "
البي ام : 65 الف " تقريبا نص سعرها زيرو "
الالنترا : 30 الف " يعني مش مكمل ربع سعرها زيرو "

فمش ديما السعر بيعبر عن قيمة السلعه الحقيقي سواء فى الجديد او المستعمل

تحياتي

......مقدرش أقول غير برنس

-

-

-

-

الموضوع: مابتفهمش في "الالفا روميو"وماركبتهاش يبقي من فضلك ماتفتيييش..

LinkBack

أدوات الموضوع

عرض

-

-

-

-

-

-

المواضيع المتشابهه

يبقي متشتكيش من فضلك

من فضلك اقعد استريح

من فضلك إكتب الإيميل الصحيح ....... !!!

من فضلك أضف تعليقك ؟

من فضلك لو سمحت اروح فين منين

الكلمات الدلالية لهذا الموضوع

المفضلات

المفضلات

ضوابط المشاركة