الموضوع: مابتفهمش في "الالفا روميو"وماركبتهاش يبقي من فضلك ماتفتيييش..

المشاركة الأصلية كتبت بواسطة benmatar

طبعا السوق المصري والذوق العام مهم في تحديد العربية الأكثر اعتمادية وانتشار في الشوارع بس المعايير أغلبها خاطئة ، للأسف تلاقي حكم الناس على عربية فاشلة بمعنى الكلمة بإنها ممتازة ومفيش بعد كده وتبقى مرطرطة في الشوارع وساقية صحابها المرار والذل زي ماركات كتير شينج بنج وليلهم نهارهم عند الميكانيكي وعشان اتفه الأسباب.. لييييييه؟؟؟ عشان الأسطى بيقول إنها عربية زي الفل، لييييه؟؟؟؟ عشان بتروحله كل يومين وبيعمل شغل وفك وتركيب وعمرات ودياولو.
ولو عربية تانية قليلة الأعطال ومحترمة وهو من فشله وخيبته مايعرفش يغيرلها طقم بوجيهات يقولك دي زي الزفت وطبعا اعطالها قليلة وزبونها مش نزيل دائم عنده يبقى ورشته مش هتشتغل.
ودي حقائق وتجارب واقعية ومحدش ينكر إن ماركات كتير ليل نهار بتاكل قطع الغيار عشان خاماتها وسعرها منخفض نسبيا ورايحين جايين على البيه الميكانيكي، والحكاية مش اكتر من فك وتركيب ومصنعيات وكوباية شاي للبيه لغاية مانخلصها في ربع ساعة، وادفع!!!!
ممكن تركب عربية تيلها تغيره في سنة اربع خمس مرات وممكن تركب عربية تغير تيلها هي مرة، الأولانية فعلا قطع غيارها نص التانية، بس الحقيقة إن التانية هي اللي هتوفرلك وتبقى ارخص لما تحسب المصاريف خلال سنة.

كلام سليم

المشاركة الأصلية كتبت بواسطة mohammed dodda

.....كلام صح جدا ومحترم جدا مع أنى شخصيا من كارهى الالفا

ليه بس بتكرهها؟

المشاركة الأصلية كتبت بواسطة أحمد الجندى

ليه بس بتكرهها؟

...الالفا ياباشا عربية فوق الممتازة بس الموضوع مجرد أذواق شخصية..يعنى أنا بحس فيها القوة الرياضية الصرفة مع أفتقار واضح للفخامة الكلاسيكية وده رأى شخصى... أنا أفضل السيارة بتاعة كله : قوة رياضية جبارة وفخامة كلاسيكية لاتقارن زى مثلا الاودى(سيارتى المفضلة) تجمع بين رياضية البى ام وفخامة المرسيدس..وأشكرك على أهتمامك

طيب يا باشا ده موضوع بسيط يعنى المفروض ما يوصلكش لكره ولا حاجة هى فعلا مسألة ازواق ومن معرفتى البسيطة اعتقد ان صناع الالفا مكنوش بيعملوا شكل داخلى كلاسيكى زى البى ام والمرسيدس هما بيخلوا التابلوه شكله رياضى اكتر وبرضو الخامات مكنتش بنفس مستوى المرسيدس والبى ام يعنى من وجهة نظرى .... بس شوف لما الالفا نزلت شكل العدادات المدور فى موديل ال 156 من 98 وشوف احنا شوفنا الشكل ده بعدها بكام سنة فى بقية العربيات ... برضو بالنسبة للكراسى الجلد المومو اللى عليها شعارهم اللى كانوا بينزلوها شكلها كان تحفة ... حتى الفرش اللى فى الارض والدواسات عليها شعارهم كل ده مع شكلها وادائها بيديلها برضو فخامة مختلفة عن بقية منافسيها ومادام الموضوع فى الاول وفى الاخر عن الازواق فالاراء كلها تحترم

المشاركة الأصلية كتبت بواسطة mohammed dodda

.....كلام صح جدا ومحترم جدا مع أنى شخصيا من كارهى الالفا

شكرا يا فندم وده تلاقي في وجهات النظر بس الأذواق تختلف،ومحدش ينكر على حد إعجابه بطراز يكون الآخر لا يحبه، وأي أي موديل او طراز في العربات أو غيرها له محبين وله كارهين.

المشاركة الأصلية كتبت بواسطة mohammed dodda

...الالفا ياباشا عربية فوق الممتازة بس الموضوع مجرد أذواق شخصية..يعنى أنا بحس فيها القوة الرياضية الصرفة مع أفتقار واضح للفخامة الكلاسيكية وده رأى شخصى... أنا أفضل السيارة بتاعة كله : قوة رياضية جبارة وفخامة كلاسيكية لاتقارن زى مثلا الاودى(سيارتى المفضلة) تجمع بين رياضية البى ام وفخامة المرسيدس..وأشكرك على أهتمامك

كلام سليم ورأي منطقي وواضح بس الألفا روميو لها موديلات تشمل خطوط كلاسيكية ومنها موديلات أخرى لها طابع رياضي حديث وده موجود في الأودي والفولكس والفولفو كمان المعروفة بموديلاتها الوقورة الرزينة، بس متنساش إن الألفا روميو أساسها الشق الرياضي الفاخر.