السلام عليكم،
جارٌ لي معه جين تو 2010 مانويل، وعند المانيفولد بايظ، ومحتاج يتغير. اشتراه من محل في الجيزة بـ 400 جنيه، وجاء ليركبه، فوجد أن هناك حساس في جنب المانيفولد ناقص، فراح للمحل، ولم يجد الحساس، فرجع المانيفولد بأكمله.
وتجدّر الإشارة إلى أن المانيفولد في هذا الموديل مصنوع من الفيبر.
وأنا كنت النهاردة قريب من الحرفيين، فطلب مني اسأل له عليه عند محلات الاستيراد.
سألت في أكثر من محلين، والسعر 1200 جنيه استيراد، وفي محل ثالث قالي بـ 900 جنيه من غير الحساس، بيجي لوحده!
علمًا بأن المانيفولد كله على بعضه جديد في التوكيل بـ 1004 جنيه!
آخر مرة من حوالي ثمانية أيام، كنت في التوكيل، وأخ معاه برسونا 2011 تقريبًا، وعنده المانيفولد بايظ أيضًا، وهيتغير في الضمان، ولكن مش موجود، هيضطر يحجزه وينتظر وصوله بعد شهر أو شهر ونصف، إن لم تكن المدة أطول من ذلك.
السؤال دلوقتي، هو ليه المانيفولد في البروتون بيبوظ بسرعة؟ ولا ده الطبيعي بتاعه؟
ثانيًا: هو أصحاب محلات قطع الغيار الاستيراد بيعامل ملاك برتون كأنهم كائنات فضائية بالأسعار الخزعبلية دي ليه؟