عايز اعرف اسعار الابيزا موديل التسعينات يا رجاله طبعا حاله فبريكا دواخل موتور محترم وعفشه كويسه يعني عربيه تتركب
الاسعار ايه عشان بدور علي عربيه
عرض للطباعة
عايز اعرف اسعار الابيزا موديل التسعينات يا رجاله طبعا حاله فبريكا دواخل موتور محترم وعفشه كويسه يعني عربيه تتركب
الاسعار ايه عشان بدور علي عربيه
موديل 94 يبدأ من 27 الى 33
موديل 98 من 35 الى 40
موديل 99 من 35 الى 40
موديل 2000-2002 من 35 الى 50 والرنج مابين 38 و45 نضيف بردو وجميع الكمليات
وكله حسب الحالة من متوسط الى فبريكه بالكامل ونضيفه و وحسب الكماليات
بالتوفيق
ديه الحالات النضيفه اوى والتفاوت بالسعر ده حسب الكمليات حسب طلبك وخش على كنتكت كار وشوف كده الرنج
اهلا بيك يا أحمد بيه في قسم سيات
ويشرفنا جداً انك بتفكر في الأبيزا
الأبيزا عربية ألمانية الأصل أسبانية الطابع والتصميم
من اصغر فتفوتة لأكبر جزء فيها ألماني ومختوم عليه العلامات (فولكس - اودي - سيات - اسكودا)
مع احترامي لرد الأستاذ حسام ولكن لي رأي مختلف
الأبيزا mk2 6k1 موديل 94 بين 25 - 30 علي حسب الحالة والكماليات
الأبيزا mk2 6k1 face lift موديل 98-99 بين 27-35 علي حسب الحالة والكماليات
الأبيزا mk2 6k2 موديل 2000-02 بين 37-45 علي حسب الحالة والكماليات
انا معاك ان الأسعار شدت شوية اليومين دوول بس مش لدرجة 40 في 99 ولا 50 في 2002
بس عموما العربيات دي لازم تتجاب سليمة وحالتها كويسة والا هتتعبك علي ما تظبطها وهتلاقي نفسك دخلت في مصاريف تخطت ثمن عربية حالتها نظيفة
تحياتي ولو ليك اي استفسارات احنا عنينا ليك
والله المستعان
،
،
لسه بايع ابيزا 94 كاملة - موتور سيات 99 سعة 1600 - فابريقة دواخل
33000 جنيه
http://www.nilemotors.net/Nile/337567-1994.html
ربنا يكرمك و تلاقى واحدة كويسة و نصيحتى فحص العربية بدقة علشان الإبيزا عربية شقاوة و الشباب بيلعبوا بيها جامد :)
اى عربية ممكن تسخن لو فيها حاجة فى دورة التبريد مش مظبوطة
عموما الالمانى كله درجة حرارة التشغيل بتكون 90 يعنى فى النص ولو عدت النص بشرطة المراوح تشتغل لحد ما ترجع النص تانى وتأكد ان العربية لو مش كده يبقى اكيد فيها حاجة مش مظبوطة
بالنسبة للسرعات بتكون من 150 الى 170 فى المواتير من 1000 الى 1400 سى سى واحد كامة 8 صباب
موديل 94 بينزل فبريكة 1300 سى سى كربراتير
موديل 98 و 99 بينزل فبريكة 1000 سى سى انجيكشن
غالبا معظم اللى هتلاقيه هيكون 1400 سى سى انجيكشن واحد كامة لان كل اللى بيغير موتور مش بيسقط 1000 سى سى و بيسقط ال 1400 سى سى لانه بيركب على نفس ادوات التغذية والعفشة بدون ادنى تعديل ومفيش اختلاف كبير فى استهلاك البنزين
وعموما لو لقيت عربية متغيرلها الموتور دى مش حاجة تعيبها, بالعكس, اللى يعيبها ان الموتور يكون متسقط بطريقة مش صح وتقدر تتفادى الموضوع ده عن طريق انك تكشف عليها كمبيوتر وساعتها هيبان كل حاجة
متخدش عربية معمولها عمرة موتور او نص عمرة او طقم شنبر
لو لقيت عربية اساسياتها سليمة بس موتورها مش كويس ومن بره متبهدلة خدها بسعر كويس واعملها على مزاجك
الموتور كله على بعضه فى حدود 3000 جنيه بالفتيس
واحنا معاك خطوة بخطوة
بالظبط كدة
دي حاجة تانية كنت عايز أقولها
ان العربية الأبيزا لو اساسياتها سليمة يتصرف عليها بقلب جامد
مش مهم ان الموتور حالته وحشة او عايزة سمكرة وبوية او او او او
لأني هاخدها بسعر مريح علي قد اللي فيها وهشتري موتور وهسمكرها وهرشها وهخليها عروسة
موضوع الفحص دا مفروغ منه باذن الله العربيه هتتفحط فوق وتحت وموتور وعفشه
مش مشكله تسقيط الموتور او تغيير اي جزئ فيه المهم الاداء كويس وان يكون مثبوت علي الرخصه
المشكله ان مفيش حد يصلح او يقف عن ميكانيكي دي المشكله
اني مسافر كمان اسبوع او اتنين ودي هتترمي في البيت للي عايز يروح مشوار
[/quote]بس عموما العربيات دي لازم تتجاب سليمة وحالتها كويسة والا هتتعبك علي ما تظبطها وهتلاقي نفسك دخلت في مصاريف تخطت ثمن عربية حالتها نظيفة
[/quote]
ده الى انا فهمته وجوبت علييييييييييييييييه
حد فاهم حاجه ؟
لا انا بصراحة ما فهمتش حاجة
انت عامل high light علي كام جملة وكام رقم
لو حضرتك تقصد ان ال94 ثمنها بيكسر ال30 وبتوصل ل33 او مايزيد
فدة لعدة اسباب
اولا العربية بيقول كاملة + سليمة + دواخل فبريكة + محرك 1600 بتاع عربية 99
طب ما لازم تكسر ال30 - هي كدة فرقت ايه عن موديل 99 ؟؟؟؟
الأبيزا والألماني بوجه عام بتتكلم في حالة اكتر ما بتتكلم في موديل - هو انا بشتري عربية سوقي كوري ولا ياباني ؟؟؟
لو 94 وحالتها نظيفة ومكنتها بتاعة موديل اعلي ممكن تتكلم زيك زي ال99 بالمكنة الأستوك
لكن لو 94 بمكنتها الأستوك ومتركبلها تكييف بلدي ومتفصلها قاعدة للباور والتكييف وشغل بلدي - يبقي مش هتزيد عن 27 - 28 تحت اي حال من الأحوال
يعني هديلك مثال
عربية زي عربيتي - 99 محرك 1.4 mpi تكييف فبريكة + بارو فبركية + 4 زجاج + مرايات + ايموبلايزر + نور صالون وشنطة + انذار وسنتر هوا فبريكة + جنوط وطاسات الفبريكة 13"
لو سليمة هطلب فيها 39 مستريح اوي
لكن علي حالتها هطلب 30 علي استحياء
تعال لعربية زي بتاعة احد الأعضاء بدون ذكر اسماء
موديل 98 بمحرك 1.6 mpi 16v + تكييف اورجينال + باور أورجينال + 2 زجاج + مرايات + ايموبلايزر + جنوط 16"
تجيب علي حالتها 36 - 38 مستريح
وتعال لعربية 99 استوك وكاملة
تجيب لو سليمة 35 بالعافية
خلي بالك من كلمة فبريكة واورجينال لأنها تفرق كتيرررررر اوي
وخلي بالك من استوك ومتسقط
احياناً الأستوك يميزها واحيانا اخري يعيبها واحياناً المتسقط يميزها واحياناً يعيبها
امتي الأستوك يميزها ؟؟؟ لو حالته كويسة زي عربية بردو احد الأعضاء بايعها فاضية بموتور استوك ب27
وامتي يعيبها ؟؟؟ لو حالته تعبانة وملعوب في الضفيرة وحالتها بالبلا
وامتي التسقيط يميزها ؟؟؟ لو متسقط مكنة معروفة وليها قطع غيار ومتعدلة صح من عفشة لفرامل لفتيس لكنترول لضفيرة وكله شغل أورجينال ونظيف
وامتي المتسقط يعيبها ؟؟؟ لو متسقط مكنة سي سي عالي ومالوش قطع غيار وملعوب في الضفيرة والكنترول ومش ولا بد
فهمت قصدي يا استاذ حسام ؟؟؟
العربيات دي مش بالموديل - بالحالة ثم الحالة ثم الحالة
العربيات دي لو سليمة - هتسقطلها مكنة وتجيب داغها وترجع تسقطلها تاني وتالت ورابع وتعدل وترجعها استوك وتعدلها وترشها وتلونها وتجنطها وترجعها علي ابوها تاني
طالما سليمة طالما سليمة طالما سليمة اعمل اللي انت عايزه فيها وهترجعها تاني علي ابوها او تبيعها علي حالها
اهم حاجة تكون فاهمها وعارف انت بتعمل ايه
احد الأعضاء هنا بدون ذكر اسماء بردو جاب 94 تعتبر شاسيه وصاج فقط
وهو عملها علي ايده من الألف الي الياء وبسم الله ما شاء الله عليها - يطلب فيها 28 - 30 مستريح لكونها فاضية بدون تكييف او باور او زجاج
تحياتي
والله المستعان
،
،
مختلف معاك ليه عشان مش كل واحد فاهم فى الى أنتا قلته + الأستاذ احمد هنا كان عاوز عربيه جاهزه تمام عشان مافيش وقت يشد ولاحتى لميكانيكى وفى الأخر قال كده
وياريت الأستاذ أحمد لما يشترى يقلنى عمل أيه فى نفس الموضوع
تقبل تحياتى