تسريب زيت من عند علبة الدركسيون

**Sherif Khalifa** · 22-03-2013 11:48 PM

بعض تصليح حاجات كتير فى المتور
فوجيئت و انا بستلم العربية من الميكانيكى ان زيت البور بيسرب جامد من عند قطمة علبة الدركسيون
و الزيت كلة بيفضى فى ثوانى
و طبعا مفيش باور
ركنت العربية و مش عايز اترك بيها
انا مش خايف على طرمبة الزيت لان كدة كدة خشنة انا خايف لو اتحركت بيها سير المجوعة يتقطع

حد عندة فكرة جل التسريب دا اية ؟

**MMamdouh** · 23-03-2013 03:04 AM

غالبا الاويل سيل بتاعها ضرب

MMamdouh

**hossamalsadik** · 23-03-2013 03:32 AM

ممكن يكون الأويل سيل ضرب وممكن يكون أفيز الخرطوم مش مربوط كويس لأنى كان عندى نفس المشكلة وطلع ان الأفيز سايب شويه فبيخرج ضغط الزيت خاصة عند دوران الدركسيون لأن ده بيعمل ضغط داخل علبة طرمبة الباور فلازم تكون متربطه كويس عشان الضغط ده مايخرجش

**Sherif Khalifa** · 29-03-2013 09:09 PM

التسريب قطع لوحدة !!!!!!!!!!!!!!

**ahmed mamdouh** · 28-04-2013 12:34 PM

ممكن حد يقولي الغير الأويل سيل بتاع علبة الدركسيون ده فين بس باريت من غير فك الإسكترا و العلبة اتمنى حد يفيدني مع العلم اني ساكن في الشيخ زايد و شغلي في مصر الجديدة

**riri4** · 02-05-2013 10:03 AM

باركولي
رحت أمبارح عملت صيانة الصيف يعن فلاتر وتنظيف البوابة وتنظيف حساس الايدل وتغير سير دينامو وتكييف والحمدلله لاقيت فيه تسريب من علبة الدريكيسون عند صدر العربيه وتسريب بسيط عند الدواسه من داخل العربيه
وفجعني الميكانيكي وقالي بصوت يملؤه الحسره والالم وبنبرة منكسره ..... علبه الدريكيسون باظت وعايزة تتغير
وسألت عليها عند أحمد المنير قالي دي بـ 2100 بس وعنها وجالي هستريا من الضحك المتواصل .يبقى كده بقي عندي حاجه تانيه جنب الكاوتش ......علبة الدريكسيون الحمد لله ده غير اني رحت لبتاع التكييف علشان أظبيت التكييف بتاع العربيه واغسل الكولن قاللي بعلو صوته خرطوم الفريون اللي موصل الراجع للكباسمن التلاجه اللي جوه عايز يتغير لأنه فيه قطع والعمليه هتدخل ف 500 جنيه . يالله أشمعان هوه ياعني جت عليه.
أنا أتنشيت عين جامده قوي يارجاله الحمدلله انها جت علي قد كده الحمدلله .