السياره لما تكون مرفوعه ده عيب ولا ميزه ؟

السلام عليكم يا شباب
أنا اليومين دول بادور على عربيه مستعمله
وفى عربيات بتبقى مرفوعه ممكن سنه لحد 10 سنين
فأنا مش عارف ده ميزه على أساس انها مش تعبانه شغل ومشاوير
ولا عيب لأن الركنه ممكن تأثر على مكونات العربيه
ولا الرفع ده بيكون ايجابى فى ماركات معينه
وسلبى فى موديلات معينه من السيارات
اللى عنده خبره أو معلومات يفيدنى
ورونى الهمه يا شباب

والله هو حسب العربية مرفوعة صح ولا اي اختراعات
لو مرفوعة صح بتبقي افضل بالنسبة ليا
ومع الوقت ممكن مشاكل بسيطة لكن تتحل ان شاء الله

احب أضيف كمان غير طريقه الرفع السليمه ان مده الرفع بتاعه العربيه كمان بتفرق قوي في حالتها: يعني مثلا لو عربيه مرفوعة سنتين تلاته غير عربيه مرفوعة عشر سنوات و ده لان الاخيره اللي بقالها ١٠ سنوات دي هتلاقي كتير من مكوناتها عمره الافتراضي انتهي و أولهم المكونات الكاوتش ده هتكون نشفت بلاشك و المساعدين و العفشه محتاجين تغيير برضه ده غير أجزاء في الموتور زي سير الكاتينه مثلا وحاجات تانيه كتير. يعني باختصار عداد الكيلومتر مش هيعبر عن حاله العربيه و ممكن تبدأ تعملك مشاكل كتير و انت ماشي بيها و لذلك ان حاول لو اضطريت تشتري عربيه مرفوعة يبقي آخرها سنتين تلاته مرفوعة مش اكتر علشان تبقي حالتها واقعيه و كيلومتر قليل ماشي مع العمر الافتراضي لمكونات العربيه و كأنها يعني مكنتش مرفوعة لكن صاحبها مكنش بيركبها كتير إنما مش متحنطه ١٠ سنين و حتي لو سعر البيع بتاعها كان مغري ما تنساش انك هتدفع مبالغ علشان ترجعها تمشي تاني حتي لو صاحبها ظبطها هتلاقي نفسك بتكتشف مفاجآت غير ساره كل شويه طول ما انت ماشي بيها نتيجه الرفع فترات طويله.

يعني أجابه سؤال حضرتك باختصار لو الرفع مده قصيره تبقي ميزه لان عداد الكيلومتر هيبقي قليل و السعر معقول و الزمن ما لحقش يؤثر في مكونات العربيه أما لو مده الرفع طويله ده يعتبر عيب لان عامل الزمن هيؤثر علي مكونات العربيه و صاحبها هيقولك دي حاله نادره فابريكه لسه باكياس المصنع و هيطلب فيها رقم أعلي من قيمتها الحاليه في السوق في حين انه عمليا مش دي حالتها الفعليه و ده طبعا هيؤثر علي سعر اعاده البيع بتاعها لانك بعد ما تركبها شويه و تحب تبيعها هيبقي صعب تلاقي حد يشتريها منك بسعر غالي برضه لانها كانت مرفوعة و ممكن ما يصدقش أساسا انها كانت مرفوعة و يقولك انت لاعب في عداد الكيلومتر مثلا

اقتباس:

---

المشاركة الأصلية كتبت بواسطة s o p h o s

والله هو حسب العربية مرفوعة صح ولا اي اختراعات
لو مرفوعة صح بتبقي افضل بالنسبة ليا
ومع الوقت ممكن مشاكل بسيطة لكن تتحل ان شاء الله

---

ألف شكر
وربنا يستر وما اتدبسش فى حاجه تعبانه

اقتباس:

---

المشاركة الأصلية كتبت بواسطة land_cruiser

احب أضيف كمان غير طريقه الرفع السليمه ان مده الرفع بتاعه العربيه كمان بتفرق قوي في حالتها: يعني مثلا لو عربيه مرفوعة سنتين تلاته غير عربيه مرفوعة عشر سنوات و ده لان الاخيره اللي بقالها ١٠ سنوات دي هتلاقي كتير من مكوناتها عمره الافتراضي انتهي و أولهم المكونات الكاوتش ده هتكون نشفت بلاشك و المساعدين و العفشه محتاجين تغيير برضه ده غير أجزاء في الموتور زي سير الكاتينه مثلا وحاجات تانيه كتير. يعني باختصار عداد الكيلومتر مش هيعبر عن حاله العربيه و ممكن تبدأ تعملك مشاكل كتير و انت ماشي بيها و لذلك ان حاول لو اضطريت تشتري عربيه مرفوعة يبقي آخرها سنتين تلاته مرفوعة مش اكتر علشان تبقي حالتها واقعيه و كيلومتر قليل ماشي مع العمر الافتراضي لمكونات العربيه و كأنها يعني مكنتش مرفوعة لكن صاحبها مكنش بيركبها كتير إنما مش متحنطه ١٠ سنين و حتي لو سعر البيع بتاعها كان مغري ما تنساش انك هتدفع مبالغ علشان ترجعها تمشي تاني حتي لو صاحبها ظبطها هتلاقي نفسك بتكتشف مفاجآت غير ساره كل شويه طول ما انت ماشي بيها نتيجه الرفع فترات طويله.

يعني أجابه سؤال حضرتك باختصار لو الرفع مده قصيره تبقي ميزه لان عداد الكيلومتر هيبقي قليل و السعر معقول و الزمن ما لحقش يؤثر في مكونات العربيه أما لو مده الرفع طويله ده يعتبر عيب لان عامل الزمن هيؤثر علي مكونات العربيه و صاحبها هيقولك دي حاله نادره فابريكه لسه باكياس المصنع و هيطلب فيها رقم أعلي من قيمتها الحاليه في السوق في حين انه عمليا مش دي حالتها الفعليه و ده طبعا هيؤثر علي سعر اعاده البيع بتاعها لانك بعد ما تركبها شويه و تحب تبيعها هيبقي صعب تلاقي حد يشتريها منك بسعر غالي برضه لانها كانت مرفوعة و ممكن ما يصدقش أساسا انها كانت مرفوعة و يقولك انت لاعب في عداد الكيلومتر مثلا

---

طيب انا قدامى عربيه لادا سمارا مرفوعه 10 سنين
وصاحبها بيتكلم على اساس ان دى ميزه
يبقى كده بيشتغل الزبون
طيب انت ايه رأيك آخد معايا ميكانيكى ونبص عليها
ولا افك من الحوار ده كله وادور على حاجه تانيه

اقتباس:

---

المشاركة الأصلية كتبت بواسطة ياسين محمد

ألف شكر
وربنا يستر وما اتدبسش فى حاجه تعبانه



طيب انا قدامى عربيه لادا سمارا مرفوعه 10 سنين
وصاحبها بيتكلم على اساس ان دى ميزه
يبقى كده بيشتغل الزبون
طيب انت ايه رأيك آخد معايا ميكانيكى ونبص عليها
ولا افك من الحوار ده كله وادور على حاجه تانيه

---

ما هو ده السيناريو التقليدي في الحالات اللي زي دي و صاحبها بيبقي دائما عنده الاعتقاد انه طالما ما استخدمهاش يبقي كأنه كان حاططها في الفريزر و كأنها لسه خارجه من المعرض وده خطأ شائع مش وسيله للنصب و لا التدبيس يعني في العربيه . لو عايز نصيحتي ما تجازفش فيها و دور علي حاجه استعمال نضيف احسن و اضمن و هتبقي كمان موديل أحدث و دي الميكانيكي لما يكشفلك عليها هيعرفلك ايه اللي فيها و محتاجه ايه إنما المرفوعة كتير دي عامله زي اللغم شكلها عادي ومش باين فيها حاجه إنما معرضه في اي لحظه ان حاجه فيها تضرب ده بالاضافه ان صاحبها هيبقي طالب سعر أعلي من قيمتها السوقيه لانها فابريكه و كسر زيرو من وجهه نظره

اقتباس:

---

المشاركة الأصلية كتبت بواسطة Land_Cruiser

ما هو ده السيناريو التقليدي في الحالات اللي زي دي و صاحبها بيبقي دائما عنده الاعتقاد انه طالما ما استخدمهاش يبقي كأنه كان حاططها في الفريزر و كأنها لسه خارجه من المعرض وده خطأ شائع مش وسيله للنصب و لا التدبيس يعني في العربيه . لو عايز نصيحتي ما تجازفش فيها و دور علي حاجه استعمال نضيف احسن و اضمن و هتبقي كمان موديل أحدث و دي الميكانيكي لما يكشفلك عليها هيعرفلك ايه اللي فيها و محتاجه ايه إنما المرفوعة كتير دي عامله زي اللغم شكلها عادي ومش باين فيها حاجه إنما معرضه في اي لحظه ان حاجه فيها تضرب ده بالاضافه ان صاحبها هيبقي طالب سعر أعلي من قيمتها السوقيه لانها فابريكه و كسر زيرو من وجهه نظره

---

:tumb:

اقتباس:

---

المشاركة الأصلية كتبت بواسطة Land_Cruiser

ما هو ده السيناريو التقليدي في الحالات اللي زي دي و صاحبها بيبقي دائما عنده الاعتقاد انه طالما ما استخدمهاش يبقي كأنه كان حاططها في الفريزر و كأنها لسه خارجه من المعرض وده خطأ شائع مش وسيله للنصب و لا التدبيس يعني في العربيه . لو عايز نصيحتي ما تجازفش فيها و دور علي حاجه استعمال نضيف احسن و اضمن و هتبقي كمان موديل أحدث و دي الميكانيكي لما يكشفلك عليها هيعرفلك ايه اللي فيها و محتاجه ايه إنما المرفوعة كتير دي عامله زي اللغم شكلها عادي ومش باين فيها حاجه إنما معرضه في اي لحظه ان حاجه فيها تضرب ده بالاضافه ان صاحبها هيبقي طالب سعر أعلي من قيمتها السوقيه لانها فابريكه و كسر زيرو من وجهه نظره

---

ألف شكر

لو العربيه فعلا مرفوعه مده طويله هيبقى فيها مشاكل اساسيه لازم هتحصل زى جلد الصباب هينشف واويلسيلات الزيوت وبعد تشغيل العربيه هتلاقى حاجات كتير بتجيب زيت وفك وغير بقى فى الموتور كمان كاوتش علبه الدركسيون وكاوتش الأبواب والكبالن الخ ..... الأجزاء المعدنيه وخاصه المصنعه من الحديد والصاج هتكون صدت وبقى فيها تسريب واجزاء من الشاسيه وجسم السياره هيكون فيها صدى ممكن يكون وصل لمرحله شديده اللى بيتقال عليها بارومه

اقتباس:

---

المشاركة الأصلية كتبت بواسطة houras1010

لو العربيه فعلا مرفوعه مده طويله هيبقى فيها مشاكل اساسيه لازم هتحصل زى جلد الصباب هينشف واويلسيلات الزيوت وبعد تشغيل العربيه هتلاقى حاجات كتير بتجيب زيت وفك وغير بقى فى الموتور كمان كاوتش علبه الدركسيون وكاوتش الأبواب والكبالن الخ ..... الأجزاء المعدنيه وخاصه المصنعه من الحديد والصاج هتكون صدت وبقى فيها تسريب واجزاء من الشاسيه وجسم السياره هيكون فيها صدى ممكن يكون وصل لمرحله شديده اللى بيتقال عليها بارومه

---

بس كفايه الله يرضى عليك
ده كده المفروض الراجل يعرضها على تجار الروبابيكيا يمكن حد يرضى يشتريها ههههههههه
بس فعلا كلامك صح ومعظم أصحابى قالولى كده بردو
وأنا لما فكرت بالعقل والمنطق لقيت ان عربيه مرفوعه 10 سنين أكيد هيبقى فى حاجات كتير فيها
عمرها الافتراضى انتهى
بيتهيألى لو عربيه نفس الموديل بس استعمال نضيف هتبقى أفضل كتير
ألف شكر يا كبير