ناوى اشتر ان شاء الله عربيه نيسان صنى سوبر صالون 2013 وكنت خايف يبقى فيها عيوب التجميع المصرى او انها خفيفه على الطريق او طنابير الفرامل او المساعدين او عيوب تانيه ياريت اللى عنده العربيه ينصحنى هى كويسه ولا فيها عيوب وايه العيوب ده
ولا الافضل اشترى لانسر بومه 1600 2013
ولا ايه ؟
بالرغم انى مابقتنعش غير بالألمانى
بس متابع معاك وربنا يكتبلك مافيه الخير
يا استاذ حسام كلنا مقتنعين بالالماني بس محدش معاه تمنهاقتباس:
المشاركة الأصلية كتبت بواسطة hossamalsadik
وكلنا مقتنعين جداً جداً جداً جداً جداً بالـNissan و KIA و Toyota و Honda لان دول بيعملوا عربيات محترمة جداً وبتناسب اكبر فئة وشريحة من الناس مش على مستوى مصر بس لا على مستوى العالم كله
ولا انا غلطان ؟ :butterfly08:
ابعد عن النسيان الجديده طالما المقدرة لانسر بومه جديده يبقى
لانسر بدون نقاش
لوجود قطع الغيار بسهوله ومبالغ فى المتناول عكس النسيان وخصوصا ان العربيه ال2013 عكين فيها جامد وابسط شى عمر ما نسيان نزلت الكاوتش السيى الى بتنزلها بيه لو عاوز تجيب نيسان لو الشكل القديم موجود جديد هاته افضل من الجديد وخصوصا انى ركبت الجديده مفيهاش اى اوبشن او متعه غير بس ان كرسى السواق مريح بس
كلام سليم , سيبك من اللى هيقولك شكل قديم و اوبشن قليل خليك ف الاعمادية , اللانسر ان شاء الله هتريحك جدا و دا المهماقتباس:
المشاركة الأصلية كتبت بواسطة haissam24h
انا لو مكانك بالخيارات دى هاشترى اللانسر الصراحة + ان قطع غيار النيسان الجديدة خزعبلية أووى الصراحة
وشوف نصيحة مفيش حد راكب عربية حتى لو مزهقاه فى حياته حيقولك وحشه لان دى طبيعة شعب :)
لما تحب تشترى عربية اشترى ليك وللسوق وعلشان ابسطهالك اكتر انزل الحرفيين واسال على توافر قطع الغيار للعربية اللى فى دماغك جديد ومستعمل ومدى انتشارها وتناسبها مع دخلك المادى وأسال بنفسك وحدد قرارك
وربنا يوفقك للى فيه الخير
ابرز مشاكل العربية الصني : التيل الردئ + الصاج الخفيف ،،،، الباقي كله اتحل و عيوب التقفيل بتتصلح فالتوكيل ببلاش .
الثبات زي الفل لحد ١٤٠ بعد كده بتبقا خفيفة
البومة عربية جميلة جدا واعتمادية بس صراحة بالنسبة لسعرها فقيرة جدا وفعلا مش هتحس انك اشتريت جديد بالنسبة للمبلغ اللى هتدفعه........الصنى الجديدة بكل صراحة والله ومن غير تحيز ممتازة بالنسبة لسعرها تعالى نشوف المشاكل اللة فيها عندك مشكلة المساعدين ودى اتحلت فى كل الدفعات الجديدة خلاص والبطارية بقت جافة من زمان دلوقتى مشكلة التيل ودى انا شايفها انها سهلة وفى طريقها للحل .....اه هى فقيرة من جوا بس معلش وسائل امانها ما تعرفش تجيبها فى اى عربية تانية الا بزيادة اقل حاجة 25 الى 30 الف .....لو انت مش مرتاح للصنى طب فكر فى التيدا يابانى برده وتقفي محترم وعربية ممتازة واعتمادية واعتمادية جدا واعطالها قليلة جدا ودور هنا فى القسم على حد كده اشتكى منها او كتب مشكلة فى التيدا مش هتلاقى الا نادر جدا.....وجهة نظرى انك لو هتعرف تشترى لانسر وفقيرة من جوا يبقى اشترى تيدا وهتحس فيها بالتقفيل والامكانات الكويسة ....معلش طولت عليك ...وفى الاول والاخر ده مجرد رأى الشخصى مش اكتر
السلام عليكم
انا معايا سوبر صالون وركبت اللانسر
النيسان احسن فى الوسع و الفرامل و الامكانيات (انزار -مريات كهربا -بلوتوث-استهلاك اقل فى البنزين) ارخص
العيوب تقفيل اقل جودة بس مش كتير والصاج متقارب لان صاج اللانسر مش قوى التيل سئ ولكحرية اللاختيار
العربية النيسان كويسة جدا جدا جدا جدا عن تجربة أفضل من البوما ..
الناس بتتكلم صح ان البوما سهلة في بيعها وقطع غيارها متوافرة بس شوف فروق بين دي ودي .. السوبر صالون دلوقتي 121 عند سمير ريان (جنوط اسبور + بلوتوث + مرايات ضم + سبويلر + تارة مالتي فانكشن ) ده بالاضافة لل 2 ايرباج والوسع خرافي وعالية مش هتحك منك في المطبات وأنا لسه شاري العربية من شهر ومعظم المشاكل اللي الناس اتكلمت عنها اتحلت .. ززي مشكلة المساعدين ومشكلة صاجة التيل الخلفي ومشكلة الصاج دي في كل عربية ..
بالنسبة للتقفيل المصري مش هتحس بعيبه غير في حاجتين اتنين بالظبط .. فرش الصالون وموكيت الأرضية وكده كده لما بتجيب عربية أيا كانت بتركبلها فرش للكراسي وللأرضية عشان تحافظ على الأصلي بتاعها ..
أنا اخويا عنده النترا 2012 هاي لاين وبيحب النيسان وركوبتها ونعومة عفشتها أكتر من عربيته
نصيحة من أخ العربية حلوة قوي وتمنها فيها وتستاهل أكتر من تمنها كمان
:vctry::S_thum1[1]:اقتباس:
المشاركة الأصلية كتبت بواسطة د.محمدعبدالعال
الف شكر ليكم جميعا على هذه الردود القيمه والاهتمام
انا حابب الصنى للاوبشن اللى فيها ولان سعرها اقل من اللانسر حوالى 17 الف بس لما قريت لقيت ناس كتير بتشتكى من الفرامل والتيل و انها خفيفه فحسيت ان البومه حتكون احسن لانها تقفيل بره بس مفيهاش اوبشن خالص
مش عارف لسه محتار وان كنت بميل للبومه دلوقتى وخصوصا ان معايا لادا وتقفيل مصرى قرفنى
لو معاك امكانيات البوما يبقي طبعا البوما معكش هات الصني الشكل القديم اكتر اعتماديه وقطع غيارها منتشره ديه الخلاصه
مشكلة صاجة التيل الخلفي اتحلت .. ومشكلة تيل الفرامل في طريقها للحل ولو اتغير التيل في مدة قصية بيغيروه في الضمان .. أما بالنسبة لفرامل العربية فهي روعة بجد abs و ebd .. ومهما كنت بتجري العربية لو دوست فراملها جامد بتقف في ثانية .. بجد نصيحة من أخ مفيش وجه للمقارنة بين البومة معدومة الاوبشنات وبين النيو صني اللي هتاخد بتمنها اوبشنات بالهبلاقتباس:
المشاركة الأصلية كتبت بواسطة hatem_swaf
وعلى فكرة الكاوتش الماكسيس مش بطال هو بس مبيساعدش العربية على الثبات بعد ال 140 كم/ س ، واصلا في مصر مفيش طرق تستحمل اكتر من كده وبعدين يا سيدي خليه ياخد وقته وغيره بكاوتش كويس واهو انت كده كده هتوفر 17 ألف جنيه عن تمن البومة .. والله والله والله العربية تستاهل تمنها وهتريحك وهتفرح بالعربية ان شاء الله وخصوصا لو جبتها سوبر صالون .. أنا مش مستفيد حاجة انك تشتري دي أو دي .. بس مجرد نصيحة لوجه الله
يا ريس الشكل القديم ضيقة جدا وبتستهلك بنزين وده تم معالجته في الشكل الجديد .. انا مش متحيز لعربيتي بس عاوز اوضح لصديقنا مميزات وعيوب كل عربية .. لأنه طلب نصيحتنا ف لازم نخلصله النصيحةاقتباس:
المشاركة الأصلية كتبت بواسطة jojojojo
اللى معاه العربية ح يقولك هاتها و اللى مش معاه ح يقولك بلاش يعنى انا شاريها و بقولك اتكل على الله و هاتها بس نصيحة منى و خلينا فى الحيادية فضى نفسك شوية و اقرا المواضيع فى المنتدى على العربيتين و انت ح تعرف بنفسك فى الاخر