عايز رأيكم ايه من الطرق دى أفضل داخل القاهرة

أنا إن شاء الله مسافر من اسكندرية لأوتوايجيبت أعمل الصيانة
وبعدها ان شاء الله احتمال كبير أطلع على زيرو ايجيبت فى مدينة نصر
فكنت عاوز رأيكم يا شباب ايه أفضل طريق آخده داخل مصر
خاصة انى مسافر يوم الاتنين ان شاء الله وهأطلع من اوتو ايجيبت على زيرو أكيد على العصر كده
واحنا عندنا فى اسكندرية يوم الاتنين من أيام الأسبوع اللى معروف انها زحممممممممممة جداآآآآ
فمش عارف ايه ظروفه فى القاهرة ربنا يستر

فأنا لقيت طريقين فى جوجل مابس

وده الاول

https://maps.google.com.eg/maps/ms?m...4222763d3bd7c2


وده التانى

https://maps.google.com.eg/maps/ms?m...3fd80719f62f29


فايه رأيكم يا رجالة

.

الف مبروك العربية وان شاء الله صيانة اتو ايجبت تعجبك انا كنت لسا هناك من اسبوعين و ما شاء الله مركز محترم جدا بس المهندسين محتاجين دايما انك تقف على دماغهم و تزن على اللى انت عاوزه ان شاء الله
اما بالنسبة للطريق فالمحور انا شايفه احسن و انا لما كنت هناك كنت يوم اربع يعنى وسط الاسبوع و كان ماشى كويس فخليك على الطريق التانى بتاع محور 26 و خد بالك لما تخلص المحور و تنزل كورنيش النبل فى اشارة كدا و صينية بتلف معاها على طول و تطلع اكتوبر علشان جوجل هيلف بيك لفه جامدة كدا

الأتنين زى بعض بس الطرق سلكه فى داخل البلد صباحاً بدرى اوى وبليل اوى
بلاش بليل خليك الصبح يعنى تكون بالقاهره من 7 صباحا حتى 10 صباحا
وخليها على الله الى تفتكرو زحمه يطلع ساااالك أن شاء الله
وربنا يستر طرقنا وطريقك

بص حضرتك : السواقه و الزحمه في القاهره حاجه كده زي سعر الدولار اليومين دول مفيش حد يقدر يعرف هي هتبقي عامله أزاي كمان دقيقتين فممكن مثلا تلاقي عربيه عطلانه قافله الطريق او حادثه او لجنه حتي و لذلك الافضل تعتمد علي معلومات برنامج زي بيقولك او وصلني و دي تطبيقات علي الموبايل بتنزلها و اللي بيحدث بياناتها ناس عاديه زينا مش شركات و لا حاجه بيبقوا ماشيين علي الطريق و بيكتبوا الحاله المروريه و مش لازم تبقي مشغله علي طول لكن كفايه تبص عليه مره واحده لما تيجي تتحرك من اوتو ايجيبت لمدينه نصر ساعتها هتلاقي هتشوف خط السير لكل طريق من الاتنين بيعّدي علي ايه و الحاله المروريه فيه و بناء عليه تختار الانسب لك. هو بس نصيحه عامه انه في اغلب الأحيان و بالتجربه اكتر وقت بيبقي زحمه لخط السير ده هو من ٣:٣٠ عصرا الي ٥:٣٠ مساء فحاول تتحرك بالكتير قوي قبل ٣:٣٠ من اوتو ايجيبت و ده هيسهل علي حضرتك المشوار قوي و يستحسن لو كان بدري عن كده طبعا علشان يبقي قبل خروج الموظفين و المدارس و ربنا يسهلهاك يومها ان شاء الله