رأى الشخصى جيتز افضل فى كل شئ
عرض للطباعة
رأى الشخصى جيتز افضل فى كل شئ
مفيش وجه مقارنة اساسا بين فيرنا و جيتس الجيتس احلى من برة و من جوة و تقفيل ممتاز جدا و كورى مش تجميع مصرى زبالة و محدش يتكلم عن ثبات الفيرنا لان العربية بعد 120 مش بتعوم دى بترقص بالية مائى و حتى لو جيتس بتعوم زى اختها الفيرنا فدى يخليك تختار الجيتس
بص شوف الفيرنا اد ايه في الشارع
واكيد انتشارها بيدل علي انها عربيه كويسه
والجيتس عربيه كويسه بس ضيقه
وبعدين الفيرنا لما تعوم علي 120 ده مش عيب عربيه ده عيب اللي بيسوق العربيه
والجيتس في اعاده بيعها متجيبش فلوس
لكن الفيرنا سوقها جامد
وبعدين اساسا الفيرنا عدت المرحله اللي تخلي حد يقول عليها كلام
بص عليها في الشارع والشارع هو الفيصل لاي عربيه
المبيعات من 2004 اللي 2008 عدت 60الف عربيه
وللعلم والله انا معايا جيتز فول اوبشن بفتحه سقف مانيوال وبقولك عربيه استخدمتها محدوده لكن الفيرنا متعدده الاغراض وبعدين ياعم لو علي التقفيل المصري في فيفا فيرنا احسن من المصري الف مره و
lil amana
wa7ed sa7be kan me7tar been getz we pointer
elkhames ele fat nzelna el7erafeyeen nshof el akhbar
el pointer aleela gedan weshakl elgedeed 2006 malosh 7aga hnak khales
el getz fe ensas henak bas mashoftesh 7ad beybe3 qeta3 '3yar
tayeb ya gama3a heya keta3 `3eyra el GETZ a`3la mn el verna bekteeeer wala 7aga baseeta ???
اغلب القطع الميكانيكيه هي قطع غيار الفيرنا
تقريبا نفس الشاسيه
و نفس الموتور و نظام التعليق
القطع الخارجيه هتلاقيها متوفره بس اكيد اغلي شويه من الفيرنا
بي عامه هيونداي قطع غيارها سعرها كويس و موجوده عند اي بقال
Thanx a lot ya man :)
فيرنا
ليه " من وجهة نظري "
الحجم : تتفوق الفيرنا
السعر : الفيرنا نظراً لفارق الحجم
السحب : " مش فارقة كتير "
الشكل الخارجى : من وجهة نظري الشخصية الفيرنا " بتتشد وبتكون جامدة جداً "
الخامات والتقفيل : الجيتز طبعاً
يبقى انا رأي الشخصى الاتنين بسعر واحد تقريباً يبئا الفيرنا لأنها عملية اكتر
وان كان على الشكل الداخلى والفخامة 4 الاف جنيه يقلبولك الفيرنا من جوة جلد وتابلوه وعدادات وكل اللى نفسك فيه ويتبئا معالك فلوس كمان ان شاء الله
ده رأي الشخصي
وفى الاول والاخر ترجع لراحتك النفسية تجاه السيارة
السلام عليكم ورحمة الله
انا من المتابعين الجيدين جدا لهذا المنتدى وان كانت دي اول مشاركة لي على هذا المنتدى
انا معايا جيتز موديل 2008 من شهر 11/2007 فول اوبشن بفتحة سقف
وبصراحة الجيتز عربية ممتازة جدا واحسن من الفيرنا في تحملها كتير وبالنسبة للسفر فأنا سافرت بيها كتير وخصوصا على طريق العلمين وادي النطرون وكانت اكتر من ممتازة ( على فكرة انا كنت بجيب 180 عادي جدا وانا ماشي بيها على طريق العلمين ) وهي في السفر والتحمل ممتازة كفاية لو دخلت على ويكيبديا تلاقيها واخدة احسن عربية في كذا دولة اوربية كذا سنة
http://en.wikipedia.org/wiki/Hyundai_Getz
الفقرة اللي جاية دي واخدها من اللينك اللي فات :
Awards
* Winner of Australia’s Best Small Car in 2003 and 2005.
* Winner of the Scottish Small Car of the Year award in 2003.
* Winner of the UK What Car? Magazine Budget Car of the Year in 2003.
* Budget car champion on the UK motoring programme, 5th Gear in 2003.
* Denmark’s Best Seller Of 2003 award.
* The Getz 1.5 CRDi was Portuguese ‘Car of the Year’ for 2004.
وهي عملية جدا والمساحة جوة ممكن تكون اوسع من الفيرنا أو قدها على الأقل وانا لما جيت اشتري وقارنت بين الاتنين في الابعاد لقيت ابعداها في العرض اكبر من الفيرنا !!!!
كل زملائي اللي ساقوها غيروا فكرتهم تماما عنها بعد ما كانوا بيقولو نفس الكلام ( عربية صغيرة - سعرها غالي - هاتشباك - .... الخ ) فعلا بيمدحوا فيها
هو فعلا الباور اتقل من الفيرنا بس مفيش منه اي مشكلة ... وكفاية انك تعرف ان العربية في مصنع هيونداي مالهاش خط صناعة مصري
انت بتجيلك نفس العربية اللي بتروح اواق اوروبا ( لكن هناك في كماليات اكتر في فئات اعلى )
وربنا يوفقك ان شاء الله وتجيب العربية الكويسة
لأ ياباشا هي غالبا قد الفيرنا مش اوسع
اما ركبت الاتنين محستش بفارق ملحوظ