طريقة فك لوحة التكييف ولوحة العدادات دايو لانوس بالفيديو

**مصطفى-حسن** · 23-03-2013 02:28 PM

دة اول موضوع ليا بالفيديو فى المنتدى
عملت موضوعين قبل كدة بالصور والشرح
الموضوع الاول

http://www.nilemotors.net/Nile/342016-a.html

والموضوع التانى كان دة

http://www.nilemotors.net/Nile/340764-_2-a.html

والحقيقة دول موضوعين من اصل 11 موضوع ناوى اعملهم فى المنتدى باذن الله
دة عشان انا فصصت عربيتى حتة حتة بايدى عشان كنت بعمل عزل للعربية
ودى صورة من صور العملية الانتحارية

وهحاول كل اسبوع ارفع موضوع جديد من المواضيع دى

عمل فلتر لتكييف الانوس
تعديل كوريك السيارة الاصلى لذيادة الفاعلية والامان
فك العدادات
فك الدركسيون
فك التابلوة نفسة بالكامل
فك التلاجة
فك سربنتينة السخن
فك دواسات الوقود والفرامل والدبرياج
فك الفبر
فك فرش السيارة بالكامل
طريقة اصلاح الاطارات المتهالكة القديمة

وبالموضوع دة يبقى انا كدة عملت 3 من اصل 11 موضوع
وربنا يسهل بالباقى

بس انا ليا طلب صغير جدا جدا
اى عضو يتفرج على الفيديو ويعجبة او يحس انة استفاد منة حاجة مكنش يعرفها
انة يقرأ اى شيى من القران الكريم لوالدتى يرحمها الله بنية ان يكون هذا القران فى ميزان حسناتها
او يدعوا لها بالرحمة والمغفرة

اسيبكم مع الفيديو

[youtube]http://www.youtube.com/watch?v=AiaOHNniMCQ[/youtube]

**ketoo** · 23-03-2013 03:17 PM

الله يرحم والدتك ويغفرلها ذنوبها ويدخلها الجنه
بارك الله فيك شغل عالى وممتاز

**MinaLove_1** · 23-03-2013 03:33 PM

يشرفني اني اكون من اول الناس اللي بتشوف التوبيك
بجد مش عارف اقول ايه بس ولا ايه ؟؟؟
فعلا مبدع ايوووه كده هيا دي الفيديوهات مش الهتش بتاع فيديوهات زمان
القسم فعلا حينور زي زمااااااااان ونتحدي باقي الاقسام
الله ينور عليك ياباشاااااااااااااااااااا ااااااا

**مصطفى-حسن** · 23-03-2013 03:34 PM

المشاركة الأصلية كتبت بواسطة محمد طايع

الله يرحم والدتك ويغفرلها ذنوبها ويدخلها الجنه برحمته الواسعه
اللهم أمين

الفيديو ممتاز ...
يعنى اول مره تقريبا اشوف فيديو عربى بالجوده دى
التصوير متميز والصوت واضح جدا والشرح هايل

شكرا لحضرتك وربنا يجعله فى ميزان حسناتك

وتقبل تحياتى

ربنا يباركلك يا باشا
وبالنسبة للفيديو الحمد للة على كل شيى
الموضوع كان مرهق واللة
لان فية مشاهد صورتها اكتر من مرة
عشان الاضاءة
وعشان كادر الكاميرا
وعشان بعد الكاميرا عن الهدف لان الزووم بياثر فى الروزليشين
وعشان تثبيت حامل الكاميرا فى المكان المناسب داخل السيارة
وفى مشاهد كان لازم اعمل بروفة قبل ما انفذها
وبعد ما خلصت تصوير واكتشفت ان الاضاءة خانتنى فى لقطات تانى يوم رجعت عدت تصوير من تانى وفكيت كلة من اول وجديد
واستخدمت 2 كاميرا و2 حامل
وبعدين عملت افضلية للمشاهد قبل المونتاج
والمونتاج استغرق ساعة ونصف
والرفع استغرق 3 ساعات
مش ببالغ لما اقول ان الموضوع بالكامل استغرق 8 ساعات عمل متقطعة
انا عارف ان فية ناس ممكن متصدقش ان العشر دقايق دول استغرقوا 8 ساعات عمل عشان يطلعوا فى النهاية بشكل لائق
بس دة واللة اللى حصل
وربنا يوفق الجميع

**husseinthemaster** · 23-03-2013 03:57 PM

تسلم ايديك

**مصطفى-حسن** · 23-03-2013 04:00 PM

المشاركة الأصلية كتبت بواسطة ketoo

الله يرحم والدتك ويغفرلها ذنوبها ويدخلها الجنه
بارك الله فيك شغل عالى وممتاز

ربنا يرحمنا جميعا وشكرا على ردك

**مصطفى-حسن** · 23-03-2013 04:05 PM

المشاركة الأصلية كتبت بواسطة ketoo

معلش كان عندى استفسار بخصوص ترموستات التكييف هو ممكن يركب عندى ولو ينفع عند مين والتكلفه والف شكر على الفديو الجامد دة

بصراحة انا اشتريت العربية لقيتها كدة
فمش عارف صاحبها عملها عند مين
بس انت ممكن تسأل بتاع تكييف او كهربائى
لان الترموستات دة بيخلى الكمبروسور يفصل لما درجة الحرارة داخل الصلون تظبط ويرجع يشتغل تانى لما الحرارة تقل
يعنى تقريبا كدة شغل تكييف وكهربائى
واللة اعلم

-

-

-

الموضوع: طريقة فك لوحة التكييف ولوحة العدادات دايو لانوس بالفيديو

LinkBack

أدوات الموضوع

عرض

طريقة فك لوحة التكييف ولوحة العدادات دايو لانوس بالفيديو - انشر الموضوع فى :

-

-

-

-

المواضيع المتشابهه

طريقة تغيير لمبات لوحة العدادات لسكودا فليشيا

طريقة فك لوحة التكييف بالتفاصيل والصور_2

لوحة العدادات فى لشاهين

سعر لوحة العدادات الفكترا 2000

الكلمات الدلالية لهذا الموضوع

المفضلات

المفضلات

ضوابط المشاركة