استفسار بخصوص الميكروباص الاجرة

**Rsarabia** · 26-08-2008 10:13 AM

انا رأيى ان انسب حاجة لحضرتك انك تشارك واحد صاحبك و تجيبو ميكروباص تويوتا هاى اس 14 راكب هو يدفع النص و حضرتك تدفع النص و هو يشتغل عليه يوم و حضرتك تشتغل عليه يوم بكدا هيبقى ممتاز جدا العملية و هتحافظو على العربية و هتكسب ان شاء الله

**dr_aliorban** · 15-11-2008 09:18 AM

المشاركة الأصلية كتبت بواسطة chihab18

يا تشتغل بنفسك او انت شريك معاك
وانسي حته السواق نهائي لانه حيخرب لك العربيه

لا يا اخى ده مش حيخرب العربيه بس ده حيخرب بيته تجيب وحد تقول يسترزق ويفتح بيته يطلع حرامى

**velkouf** · 03-03-2009 03:36 PM

من منظر الموضوع دة ان الدبابة شغلها احسن من الميكروباص و مخاطرة اقل؟؟؟؟؟؟؟؟؟؟؟

**lancerevolution** · 03-03-2009 08:40 PM

لو ميكروباص ممكن تأجره لشركة سياحة و لو نص نقل لشركة مقاولات كنت سألت على موضوع النص نقل قالوالى 4000 فى الشهر و العربية بيبقى متأمن عليها طول فترة الإيجار بالنسبة للميكروباص فا أنا معرفش حيجيب كام

**K.LOTFY** · 04-03-2009 01:54 PM

طيب ممكن بدل الكلام ده ما تجيب عربية ملاكي لانسر أو فيرنا مثلا وتأجرها أنت بمعرفتك او عن طريق مكتب تأجير أو ممكن كمان شركات تأجرها للموظفين عندها بدل الهم بتاعت النقل والميكروباصات دي واعتقد أن فيه مكسب كويس في الموضوع ده

**meeezo333eg** · 06-03-2009 03:05 AM

المشاركة الأصلية كتبت بواسطة tutankhamoun

أوعى تشتري عربية و تشغلها في السوق و تجيب عليها سواق إلا إذا كنت ضامن السواق 100 %
أغلب فئة السواقين بيهلكوا العربيات اللي مش بتاعتهم و بيبقى همهم الوحيد ........... تحصيل دخل يومي مناسب له
و العربية في ستين داهية ........... و لا في دماغهم

احب اضيف ان الميكروباص علشان يشتغل مش عايز سواق بس
اولا ممكن يخش فى موقف و يبقى على خط و دى عايزة واسطة جامدة
ثانيا يشتغل من على السكة من غير موقف و ده ممنوع فى القانون الجديد بس شغالين و بيراضوا العساكر
ثالثا بيترخص سياحة و برضه يشتغلوا بيه من على السكة

و طبعا المبلغ اللى مع حضرتك ما يجيبش ميكروباص جديد الا اذا كان قسط

و ربنا معاك و يوفقك ان شاء الله