عرض للطباعة
السلام عليكم ورحمة الله وبركاته
في البداية حابب اقدم تحية خاصة لجميع الأعضاء بالمنتدى العظيم نايل موتورز
وحابب اطرح عليكم هالموضوع وانشاء الله بتفيدونى بكل صراحة
**** انشاء الله حيوصلنى مبلغ 85 ألف جنيه كاش مع بداية شهر 2 /2009 وحابب استثمر هذا المبلغ فراودتنى فكرة الميكروباص فماذا تنصحونى علماً بأننى سأضع سواق لانى ما باعرف اسوق عربيات
والرجاء الافادة بالانواع والموديلات بهذا السعر
أسعار الميكروباصات أعلى من الrange ده بكتير...
يعني مثلا عندك الHyundai H1 بيبدأ من 140 ألف
تويوتا HIACE من 180 و لحد 220 (14 أو 15 راكب و بحسب الoptions فيه)
ثانيا لو حبيت تدفع المبلغ ده مقدم و الباقي تقسطه من الريع اللي هيطلع من الميكروباص أعتقد أنه مش هيكفي خصوصا بعد القانون الجديد اللي هيخلي السواقين يبيعوا اللي وراهم و اللي قدامهم عشان يسددوا المخالفات
دا غير المشاكل المتعددة اللي من وراه
أنا بجد مش قصدي أحبطك بقدر ما أنصحك نصيحة أخويبة بمنتهى الأمانة
لو حابب مجال النقل ممكن تجيب نص نقل و تشغل حد عليها, و ديه أسعارها بتبدأ من
75 ألف (النيسان كابينة مفردة) - تجميع مصري
89 ألف (ايسوزو كابينة مفردة و النسخة الfull option تكييف - باور - زجاج كهربا بتعمل حوالي 96) و دي مش هتحتاجها في الشغل
و الايسوزو تجميع تايلاند (تقريبا)
95 ألف شيفروليه الدبابة و من مميزاتها الانتشار الشديد و توافر قطع الغيار (و عربية بتاعت شغل زي ما بيقول السواقين) - تجميع مصري
و متفكرش في التويوتا عشان بتبدأ من 103 أو 105 تقريبا (بس طبعا هي ستهم كلهم)
الأسعار السابق ذكرها كلها للموديلات الكابينة المفردة
و أتمنى لك التوفيق
مشكور على الرد vw_driver
ممكن لو زودنا شوية وجبت شيفروليه الدبابة بتستاهل الواحد يحط 95 ألف في عربية ويضع عليها سواق بمعنى اخر هل الموضوع ده مجدى اقتصاديا يعنى بتعمل كام فس الشهر؟؟؟؟
والله انا معنديش فكرة أوي عن شغلها بس أفتكر أن أحسن حاجة أنك تتفق مع شركة و تعمل معاهم عقد
غير كدا بأة ممكن تنزل باعلان في الوسيط تعرض فيه خدماتك في النقل و تحدد سعرك على أساس أسعار السوق
و بالتوفيق ان شاء الله :)
اقتباس:
المشاركة الأصلية كتبت بواسطة ramy_ahmed_saeed
ممكن تقسط ميكروباص تويوتا أو نيسان
أو تجيب الصيني التجميع بتاع شركة MCV
أنا رأيي الشخصي البحت و نصيحة لوجه الله
أوعى تشتري عربية و تشغلها في السوق و تجيب عليها سواق إلا إذا كنت ضامن السواق 100 %
أغلب فئة السواقين بيهلكوا العربيات اللي مش بتاعتهم و بيبقى همهم الوحيد ........... تحصيل دخل يومي مناسب له
و العربية في ستين داهية ........... و لا في دماغهم
أنا مش عارف أنصحك بحاجة تانية تستثمر فيها فلوسك
بس بلاش موضوع الميكروباص أو النصف نقل أدام مش أنت اللي هاتسوقه
و الله المستعان
كلام سليم لا يشق له غباراقتباس:
المشاركة الأصلية كتبت بواسطة tutankhamoun
أؤيده بشدة شديدة
هيهلك العربية و ياريت كدا و بس ... دا غير المخالفات بأه (و شوف الأسعار الجديدة عاملة ازاي)
محدش بيكون قلبه عالعربية غير صاحبها أو واحد داخل معاك شريك و فلوسه في العربية زيه زيك و تتفقوا تقسموا الشغل
مشكورين على الردود وبارك الله فيكم
من الصعب في الوقت الحالى ان تلاقي سواق قلبو عليك بجد وبصراحة الواحد ما معاه كم الف يرميهم ويقعد تحت رحمة السواقين
اذا تكرمتم بالاخص( vw-driver و احمد وتوت ) واى احد بيشوف هذا الموضوع وعندو فكرة لمشروع اخر مش ضرورى بتعلق بالعربيات وبارك الله فيكم
يا تشتغل بنفسك او انت شريك معاك
وانسي حته السواق نهائي لانه حيخرب لك العربيه
انا رأيى ان انسب حاجة لحضرتك انك تشارك واحد صاحبك و تجيبو ميكروباص تويوتا هاى اس 14 راكب هو يدفع النص و حضرتك تدفع النص و هو يشتغل عليه يوم و حضرتك تشتغل عليه يوم بكدا هيبقى ممتاز جدا العملية و هتحافظو على العربية و هتكسب ان شاء الله
لا يا اخى ده مش حيخرب العربيه بس ده حيخرب بيته تجيب وحد تقول يسترزق ويفتح بيته يطلع حرامى :gun_bandana:اقتباس:
المشاركة الأصلية كتبت بواسطة chihab18
من منظر الموضوع دة ان الدبابة شغلها احسن من الميكروباص و مخاطرة اقل؟؟؟؟؟؟؟؟؟؟؟
لو ميكروباص ممكن تأجره لشركة سياحة و لو نص نقل لشركة مقاولات كنت سألت على موضوع النص نقل قالوالى 4000 فى الشهر و العربية بيبقى متأمن عليها طول فترة الإيجار بالنسبة للميكروباص فا أنا معرفش حيجيب كام
طيب ممكن بدل الكلام ده ما تجيب عربية ملاكي لانسر أو فيرنا مثلا وتأجرها أنت بمعرفتك او عن طريق مكتب تأجير أو ممكن كمان شركات تأجرها للموظفين عندها بدل الهم بتاعت النقل والميكروباصات دي واعتقد أن فيه مكسب كويس في الموضوع ده
احب اضيف ان الميكروباص علشان يشتغل مش عايز سواق بساقتباس:
المشاركة الأصلية كتبت بواسطة tutankhamoun
اولا ممكن يخش فى موقف و يبقى على خط و دى عايزة واسطة جامدة
ثانيا يشتغل من على السكة من غير موقف و ده ممنوع فى القانون الجديد بس شغالين و بيراضوا العساكر
ثالثا بيترخص سياحة و برضه يشتغلوا بيه من على السكة
و طبعا المبلغ اللى مع حضرتك ما يجيبش ميكروباص جديد الا اذا كان قسط
و ربنا معاك و يوفقك ان شاء الله