لانوس 2013 ام فيرنا 2013, أرجو الافاده؟
عرض للطباعة
لانوس 2013 ام فيرنا 2013, أرجو الافاده؟
راي فقط حاليا فيرنا
والله اعلم ..
فيرنا أكيد
فيرنا يا باشا الفيرنا عيبها الفرامل والثبات بس كده بس هي عربيه ممتازه في اي حاجه تانيه ومعمره عن الدايو
1- مشكله الفرامل:
حلها كالاتي
هاتشتري فرامل سكاكين زي الفرامل الامامي بتاع العربيه كده هي دي بظبط بتركب ورا بتبقى الفرامل زي الفل بتتجاب استيراد بتكون نازله في الفيرنا بره مصر هاتجبها تركب بالمسامير بتاعها مافيش تعيل خالص ولا مخرطه ولا العك ده بس هاتحتاج تراجلش على فرامل اليد كل مده علشان الهاند مش بتكون كويسه بس فراملها ممتازه
2- مشكله الثبات :
حلها كالاتي
هاتغير طقم الجنوط بالكاوتش
الفيرنا بتنزل بطقم جنوط 13 بوصه انت هاتجيب 14 بوصه زي ماهو مكتوب في الكتالوج بتاعها والله لو حابب تجيب 15 او 16 بوصه ده افضل وهايخلي العربيه زي الصخره على الارض بس بتاثر على العفشه والكبالن جامده يفضل بوصه على كاوتش عريض
بس كده يا سيدي والف مبروك ياباشا مقدما على عزيزه الي جايه
واهم حاجه فتره التلين وحافظ على الصيانه الدوريه زي ما الكتالوج بيقول
كمان اهم حاجه الايام دي تركب جهاز انذار جامد ويكون فيه بطال خلي الكهربائي يركب كتاوت جهاز الانذار الي بيبطل العربيه ويفصل كهربه العربيه
اي استفسار انا تحت امرك ابعتلي رساله لو مش خدت بالي من الرد
ارجو ان اكون قد افدتك
مجرد رأي والاختلاف في الرأي لا يفسد للود قضية
لا دي ولا دي الاتنين قدموا أوي وممكن بتمنهم برضه أو أزيد حاجة بسيطة تجيب جيلي أمجراند تكنولوجي حديثة وشكل فخم وأوبشنز كتيييييرة
وزي ماقولت ده مجرد رأي شخصي لا اكتر ولا اقل ومبروك مقدما وربنا يرشدك للخير
أشكركم جميعا علي المعلومات ده و ربنا يباركلكو و يهديني للأفضل
بس بردو انا عارف ان استهلاك البنزين في الفيرنا ثلاث اضعاف الانوس و ده طبعا في ظل الظروف اللي في البلد مشكله و انتو ايه رأيكو؟
في الفئه السعريه بتاعه اللانوس والفيرنا لازم تكسب حاجه وتخسر حاجه
بالنسبه للاتنين انته هتكسب اعاده بيع كويسه وقطع غيار رخيصه وعربيه معروف عيوبها ايه ووميزتها ايه
هتخسر في الفيرنا (الثبات والصالون ديق حاجه بسيطه والفرامل ضعيفه والعزل مقبول تقفيل مقبول) وهتكسب (عفشه ناعمه وموتور قوي شكل الطف شويه من اللانوس )
بالنسبه للانوس عيبها (شكلها قدم موتور 1500 اضعف من بتاع الفيرنا غير ان صوت موتور اللانوس مبحبوش مش عارف ليه والبودي بتاعها في بومبيهات كتير و بتلاقيها بتتبهدل بعد فتره لما حد يسند على العربيه ولا حاجه )
مميزتها (عربيه واسعه عائليه ثبات احسن من الفيرنا فرامل كويسه تقفيل مقبول والعزل مقبول برضو )
ادي الفرق بين العربيتين شوف انته عايز ايه واختار
انا عن نفسي اشتريت الفيرنا بالرغم من عيوبها
الفيرنا مع الاستعمال الطبيعى و الجنط هتبقى كويسة
فيرنا افضل
وانا مع راي ان الامجراند افضل من الاتنين
لو بتدور علي عربية اعتمادية وشغالة ومشاكلها بسيطة مع اعادة بيع سهلة يبقي خليك في الفيرنا معروف اولها ايه واخرها ايه لكن موضوع الجيلي ام جراند دي فئة تانية خالص هتلاقي كماليات كتير وشكل يعتبر افضل لكن في الاخر صيني واعادية بيع طبعا انت عارفها هاتخسر كتير
ربنا يوفقك لكل خير ان شاء الله
http://www.nilemotors.net/Nile/30126...post3874451141[/COLOR][/SIZE][/B]
Lanos....more stable than verna