المشاركة الأصلية كتبت بواسطة land_cruiser
مبدايا كده لو زودت علي رينج بتاع حضرتك ووصلته ل ٨٠ مثلا ممكن يجيبولك لانسر بومه او نيسان صني الشكل القديم او تويوتا ياريس و اسهلهم في انك تلاقي منها حاله نضيفه هي الصني اما أصعبهم في انك تلاقي منها حاله كويسه هي ألبومه أما الياريس فهي متوسطه . الصني فيها اللي بتدور عليه فهي بتتجمع في مصر من ٢٠٠٦ و قطع غيارها متوافره في كل حته و سهله التصليح. عيوبها الشهيرة ان الكنبه الخلفيه ضيقه حبتين و استهلاكها للبنزين يعتبر زياده شويه يعني في الاتوماتيك قول مثلا ال ٨ او ٩ لتر يمشوك ١٠٠ كم جوه البلد في طرق زحمه و مشغل التكييف. موتورها ممتاز و تكييفها زي الفل و عفشتها تستحمل البهدله و الشكل ده لسه بينتج زيرو مع الشكل الجديد و دي ميزه حلوه طبعا. ألبومه برضه حلوه بس تجيبها ١٦٠٠ سي سي و طبعا الأمر يتوقف علي الحاله الفعليه الجيده و ان العربيه ما تكونش متبهدله او ملعوب فيها كتير يعني مغيره نص و لا فيها مشكله كبيره و برضه الياريس كويسه كعربيه اسره صغيره و استهلاكها للبنزين حلو و ان كان ما بيعجبنيش ثباتها مع السرعات بعد ال ١٢٠ و بالنسبه لسعر اعاده البيع هتلاقي ألبومه نمره واحد يليها الصني فالياريس
طبعا لا انصحك بالمازدا و لا الامبريزا و لا الجولف لان رينج السعر اللي حضرتك بتدور فيه هيجيبلك حاجه منهم مستهلكه يعني عداد كيلومتر عالي و عربيه مقطوع نفسها وقطع غيارها غاليه و ممكن تدوخك علشان تلاقيلها قطع غيار و تضطر تنزل مصر تدورلها علي قطع غيار بالذات في حاجه زي الامبريزا مثلا و مش سهله التصليح فهتزهقك منها.