الباى بال فى مصر و لبنان قريبا

**misry** · 24-03-2013 05:34 PM

المشاركة الأصلية كتبت بواسطة karim_mohy

هو طالما مبسوطين يبقي خبر كويس الحمد لله

بس ياريت حد يشرح كده للي ماعندوش خبره في الشراء الالكتروني
اللي اعرفه ان فيه موقع غالبا امازون وكده بتشوف اللي عايزه وبتتفق مع شركة ادفعلي وبتدفع الشحن بالجمرك غالبا............ده يفرق في ايه ؟؟

تقدر تشتري من أي موقع وتبيع في أي موقع على النت تقريبا بدون واسطة وبدون مصاريف زيادة ...

**kok3** · 24-03-2013 05:54 PM

تقدر في موقع الاي باي واللي مابيتعاملش غير بالباي بال انك وانت قاعد في بيتك تبيع اي حاجه ( اي حاجه ) وتعمل عليها مزاد كمان مجرد انك تصورها وتكتب مواصفات السلعة والصفقة تتم وكمان تقدر تشتري أي حاجه برا وجوا بالحساب بتاعك بتاع الباي بال ولو فيه مشكلة في المنتج اللي اشتريتة تقدر توقف الصفقة قانوني والباي بال بيضمنلك فلوسك زي البنك بتاعك الطبيعي وبيضمن حقك كأنك فاتح حساب في بنكك هنا في مصر بالاضافة أن العالم كلة بيتعامل بالباي بال لو ليك دولار فية يبقي : كأنة في جيبك بالظبط دا لو قانوني يعني اسمك مظبوط وبلدك وحساب الكريدت كارد لو ضايفه عليه تقدر تسحب بية وتستقبل علية ودا هيفيدنا قوي قوي بالنسبة للناس اللي شغالة في اديسنس واليوتيوب والمواقع والفوركس والبورصة وغيرة وغيرة دا احنا هندلع لو فعلا اتنفذ الحوار دا اخيرا هنبقي بني أدمين يا جدعان ياه ه ه ه دا أنا اتشليت من الموضوع دا وفتحت حساب في بنك بايزا الاليكتروني واللي مفيش حد بيتعامل بية غير مواقع قليله قوي والمشكلة انه البباي بال لو حسابك فيه مسجلة غلط يعني بدولة تانيه غير دولتك بيتقفل الحساب ولو ليك مليون دولار راحو عليك انما بعد ما ينزل مصر كدا رسمي لو ليك سنت مش دولار هتاخد غصب عن عنيهم

**dede_dodo88** · 24-03-2013 06:06 PM

هو ليه الناس بتقول أن الحوار ده هيأثر على شركات الشحن هنا زي أدفعلي ؟!
ما حتى لو هدفع بالـPayPal طب ما هو لسة في مواقع مبتدعمش التوصيل لمصر فهحتاج وسيط زي أدفعلى يشحنلي الحاجة!!
مش كده ؟ و لا أنا في حاجة مش واخد بالي منها ؟

**mohaakotb** · 24-03-2013 06:35 PM

هو حاجه فل جدا .. بس حضراتكو مش واخدين بالكو ان عشان يبقي عندك اكونت علي الباي بال لازم حساب في البنك وكريدت كارت وحوارات وكتيير جدا معندهمش او لسه شباب ف هتبقي مواقع زي ادفعلي بردو شغالة علي الفئة دي لأنه هيريح دماغه

**moody_687** · 24-03-2013 07:51 PM

سؤال محرج شوية هو ايه الباي بال ده موقع غرضه ايه ؟؟؟

**kok3** · 24-03-2013 07:53 PM

انت بتشتري المنتج مثلا بالباي بال وبتشحنه علي عنوانك في امريكا او بريطانيا او الصين ودي خدمة بتديهالك شركة اراميكس بتديك عناوين خاصة بيك في البلاد دي مقابل 270 اشتراك مرة واحدة مدي الحياة ولو هتدفعهم بالباي بال بيخصمو نص المبلغ او عن طريق كود تخفيض بدل 40 دولار بتدفع 20 بس انا اشترك بالكرديت كارد وبكود التخفيض دا دفعتت بالظبط 140 جنيه مصري لا غير الخدمة اسمها شوب أند شيب يعني اشتري واشحن علي طول وبالطريقة دي هتكون انت حر في شراء ما تريد كل القصة هتكون في الجمارك او ضريبة المبيعات والحوارات دي وتسأل عنها الشركه قبل ما تشتري منتج علشان تبقي عارف تكلقة الشحن والجمارك والضريبة كام بالظبط وتقريبا بتكون 10% من تمن المنتج وفية ميزة تانيه كمان انه برده فيه كوبونات شحن مجاني في الشركة كود بتكتبة في الموقع بيشحنلك الحاجه اللي انت بتشتريها ببلاش ودي بتبقي عروض يعني الكود دا بيبقي فعال لمدة اسبوع مثلا للشحنات اللي تكلفة شحنها اقلل من 200 جنيه بيشحنهالك مجاني يعني انت بالباي بال دا هتقدر تعمل اللي نفسك فية كلة دا الاخضر الحراق يا كبير الدولار كلة بيخضع لية العالم كلة بيخشع قدامة يا بوب

**Ahmed_Adham** · 24-03-2013 09:54 PM

المشاركة الأصلية كتبت بواسطة dr_mido

زقططو ياولاد

paypal هتفتح فى مصر ولبنان فى خلال السنه دى

الخبر تم الإعلان عنه في مؤتمر arabnet conference إمبارح من مسؤولين في ال paypal
paypal launching in lebanon and egypt | business , lebanon | the daily star

الله يكون في عونهم في كميه السرقه اللي هيتعرضولها عشان مصر ولبنان ضمن مجموعه أخطر دول بتشتري على النت ببطاقات ائتمان مسروقه.

المشاركة الأصلية كتبت بواسطة land_cruiser

بس ده كده هيقطع علي المواقع اللي كانت شغاله في الموضوع ده زي ادفعلي و الحاجات دي. خللي التجاره الالكترونيه تنتعش

المشاركة الأصلية كتبت بواسطة pro_samir

الشركات اللي شغاله علي الشراء والشحن لمصر هتموت

الشركات دي دايما هيبقى ليها سوق عشان حتى لو معاك باي بال فمعظم البضاعه المباعه في امازون شحن داخل أمريكا فقط.

المشاركة الأصلية كتبت بواسطة egyzizo

مش الباى بال برضه يستلزم وجود كريدت كارد وادخال بياناته عندهم؟
ايه الميزة بتاعة الباى بال عن انك تشترى بالكريدت على طول؟

ان التاجر مش هيشوف رقم البطاقه بتاعتك لأن باي بال بتلعب دور الوسيط. طبقه أمان زياده بالاضافه لانتشار باي بال مع معظم التجار على النت كوسيله دفع مقابل قبول الدفع بالبطاقه مباشره.

**هيثم** · 24-03-2013 10:28 PM

مفتكرش ان حكامنا المدهشين هيسيبو سيناريو البيع و الشرا يتم بنفس السهوله و التسهيلات اللى بيتم بيها بره
غالبا هيفرضو ضرايب و رسوم تطلع الموضوع فشنك
و ارجو ان اكون مخطئا

**youssef_u** · 24-03-2013 11:22 PM

ايوووه كده يا وديع ،، اخيرا هنشتري يا وديع

**Dr_Mido** · 25-03-2013 04:53 AM

المشاركة الأصلية كتبت بواسطة ahmed_adham

الله يكون في عونهم في كميه السرقه اللي هيتعرضولها عشان مصر ولبنان ضمن مجموعه أخطر دول بتشتري على النت ببطاقات ائتمان مسروقه.

الشركات دي دايما هيبقى ليها سوق عشان حتى لو معاك باي بال فمعظم البضاعه المباعه في امازون شحن داخل أمريكا فقط.

ان التاجر مش هيشوف رقم البطاقه بتاعتك لأن باي بال بتلعب دور الوسيط. طبقه أمان زياده بالاضافه لانتشار باي بال مع معظم التجار على النت كوسيله دفع مقابل قبول الدفع بالبطاقه مباشره.

احب ااقلك ان الناس دى تدرسلك صياعه

لانه مش مجرد رقم فيزا تدخله

دة ربط بحسابات فى البنك وسحب رقم عشوائي من ولار لحد تلاته و انت تعرفه وتبعتلهم ان اتسحب من حسابك وليكن دولار وعنهم انظمه كتير جدا لمقاومه غسيل الاموال و التحويلات الغير شرعيه متقلقش صيع صيع زى الكتالوج مابيقول

الموضوع: الباى بال فى مصر و لبنان قريبا

LinkBack

أدوات الموضوع

عرض

-

-

-

-

-

-

المواضيع المتشابهه

العضو رقم 100 ألف في صفحة كيا مصر يفوز برحلة إلي لبنان

الحقونى الماتور فى الباى باى

الهيونداى فى الباى باى

الكلمات الدلالية لهذا الموضوع

المفضلات

المفضلات

ضوابط المشاركة