-
بصراحة يا جماعة انا مش عارف اصدقكوا ولا اصدق عينى انا توجهت لفرع التوكيل الى على الطريق الدائرى واتفرجت على العربية وبصراحة انا عجبتنى العربية اوى شكلها الخارجى معقول اوى وهى قريبة فى الشكل من البرادو ولكن تحس ان ليها كيانها الخاص بها ومن الداخل العربية واسعة اوى اوى من جوة وشكل التابلوة رائع ومتماشى مع شكل العربية الكراسى قعدتها مريحة والمصادفة ان انا يوم مارحت كان فى ناس منتظرة عشان تعمل الtest driveوبصراحة انا انتظرت اول 3 اشخاص عملوا ال testوسالتهم عن رايهم والناس كلها شكرت فى العربية ومنهم 2حجزوا العربية قدامى وعشان اقتنع انا حجزت ال test drive والحمد للة الشركة كلمونى امبارح وحددولى ميعاد غدا وانا هاروح وقولكى رايى
-
الف مبروك يا باشا مقدما وإن شاء الله ربنا يبارك لك فيها .. بس انا عايز اقول حاجة ممكن .. انا رحت اتفرجت على العربية ونزلت تحتها والحقيقة معجبتنيش بالمرة وتقفيلها وحش جدا من تحت.
وبعدين تعالى نحسبها كدة دلوقتى العربية سعرها 139 و149 و159 وجميع الاسعار منيوال تفرق بس فى الكماليات يعنى ابو 139 الف دى مفهاش اى حاجة خالص.
تعالى بقى بص للكمودو فيها جميع الكماليات اللى ممكن تتخيلها حتى الاير باج اللى مش موجود اصلا فى العربية land rock وسعرها 135 الف .. معنى كدة لو جنا قارنها بالسعر هتلاقى انها تساوى السيارة اللى بــ 149 الف جنية ليه الفرق ده كلة.
وبعدين خلى بالك ان الكومودو متقفله فى مصر وفيها مالا يقل عن 45 % من الانتاج المحلى وهذا يعنى ان قطع الغيار هتبقى موجودة علطول وفى اى وقت ومش هتكون فى التوكيل وبس لاء دى هتكون عند التجار كمان.
ويكفى ان اول حجز للسيارة هو 3000 سيارة ودة رقم كويس وإن شاء الله كمان كام يوم هتشوفوها فى الشارع لانى سألت الشركة نفسها وقالوا ان اول الانتاج إن شاء الله الاسبوع الاول من شهر 9 . والحقيقة انا شايف ان تقفيلها احسن بكثييييييييييييير من land rock.
انا اسف طبعا ان انا اتكلمت عن العربيه اللى انت حاجزها بالشكل دة لكن انا شايف ان دى امانة.
مع العلم ان انا حاجز الكمودو ورحت اتفرجت على land rock علشان الغى الحجز واشتريها لكن مع الاسف فعلا لاقيت الكومودو احسن بمراحل كثيرة سعرا وجودة وتقفيل مصرى الحقيقة ينافس مثيلها من الصينى وقطع الغيار.
-
بصراحة يا عم انت شكلك شغال معاهم و الحاج محمود هويدي او رجل الاعمال الحاج محمود هويدي هو اللي قاللك ماتعملنا شوية دعاية خلينا نبيع مش كفاية خالد اباظة خرب بيتنا في الاخبار، انا رايي انك ماتصدقش حد غير عمك الحاج محمود
-
ليه يا باشا كدة بس ... عموما متشكرين يا باشا ... روح اتفرج على العربية الــ land rock الحقيقة عربيه سيئة للغاية
-
pinkfloyd انا مش قصدي عليك انا بقول للي راح شاف العربية و عايز يصدق عينيه اللي هو الاخ mikooododo و اللي مالوش ولا مشاركة قبل كده ، يعني لسه جاى طازة م الشغل
Content Relevant URLs by
vBSEO 3.6.0 PL2