قدر الله و ما شاء فعل السيارة اتخبطت و احتاج لخبراتكم

السلام عليكم
الحمد لله علي كل شئ لوجي اتخبطت وهي راكنه. السيارة مركونة عمودي علي الرصيف بزاوية بسيطه امام المنزل وقبلها سيارة وبعدها سيارات اخري راكنين بنفس الطريقة. نازله الصبح في امانة الله لقيت البواب بيقولي العربية اتخبطت اكيد بالليل.انا بعد الفجر سمعت صوت جامد جدا بس لم اتصور انها خبطة سيارة.المهم شفت المنظران عربيتي الاكصدام الخلفي ومخبوط ومدلدل جزء منه و الخبطة من بعد العجل الخلفي لدرجة ان العربية اتحركت ولزقت في اللي جنبها و التانية كمان خبطت في اللي جنبها .يعني 3 سيارات. و بعد ما اتفكوا من بعض عرفنا ان اللي عمل كدة من نفس الشارع طبيب راجع الفجر و مطبق فنام و هو بيسوق و حصلت الحادثة. المهم السمكرة مش هيا المشكله . المشكلة ان السيارة اتزقت و الهاند بريك مرفوعة يعني ده اتسبب في اعوجاج في حاجة اسمها الدنجل اللي ماسكة العجل الخلفي مع بعض. واحد متخصص في العفشة فحصها وقال انها تتكلف بالتركيب 1550 جنيه.هيجبها استيراد يعني اصلي لكن اعتقد من عربية تانيه خردة.المهم هو قال ايضا ان ينفع يردها بالمردانه لكن شكله خطر.انا فكرت في التوكيل .ارجو المشورة. العربية بتعوم و مش ممكن تمشي مسافات . يعني تحتاج لونش.
ما هو الحل الامثل؟ ولو حد يعرف سعرالدنجل ده و كمان سعر التركيب و سعره من التوكيل.وتكلفة الونش لو اضطريت له . أواشتري الدنجل من التوكيل و اركبه عند القريب مني. و اعمل check عند الصيانة في التوكيل (ميعاد الصيانة الشهر القادم ان شاء الله). اسفة علي الاطالة.

لو العربية جديدة روح التوكيل.

و المفروض حضرتك تكلم الطبيب يساعدك فى التكلفة. الا لو سامحتو. و طبعا ان تعفوا اقرب للتقوي.

السلام عليكم ورحمة الله وبركاته
سيدتى الفاضلة
قدر الله وما شاء فعل قلوبنا معك أنا اتخبط فى البابين الجانبين وانا لسه عامل 250 كيلوشوفى وبصدق أهم حاجة أنك انتى سليمة اللى يجى فى الصاج فى 60 ؟؟؟ معلش بس صدقينى صحتك وحياتك بالدنيا ومتاعها
نصيحتى كما ذكر الزميل العزيزفى المشاركة السابقة
لازم الطبيب اللى أخطأ يصلح معاكى أنتى ليس لكى اى ذنب وبلاش حكاية ح نقبل العوض دى!اللى بيقولها المتلفين لممتلكات الغير من أتلف شيئ فعليه إصلاحه
روحى التوكيل لأن الخبطة فنية شوية أو روحى لورشة العقيد خالد ده راجل محترم جدا او مركز صيانة نايل موتورز وخدى مشورتهم ولو لقيتى التكلفة متقاربة معلش وديها التوكيل
وربنا يعوضك خير
تحياتى

بصى حضرتك بدل ما تندمى و تقولى ياريتنى كنت وديتها التوكيل وديها التوكيل من غير تردد فى التوكيل فيه حاجة أسمها الشبلونة و عن طريقها بيظبط الشاسيه و الدنجل و كل حاجة و العربية تتكلف زى ما تتكلف ما فيش مكان فى مصر حيعملها زى التوكيل دى ارواح سايقها مش لعب عيال الغغلطة فيها بجون لأن اللى حيتعمل فى العربية بره التوكيل أسمه عك و لكلكة خصوصا لما يبقى فى حاجة ممكن تخللى العربية تعوم سامحينى على انفعالى بس أنا لو مكانك بدون تردد أوديها التوكيل قدرتى تسامحى اللى خبطك ماشى شغال بس حسب ما فهمته منك أنه ساب مكان الحادثة من غير أعتذار علشان كده انا رأى أنك تعمللى فيه بلاغ و ماتسيبهوش

قدر الله و ماشاء فعل انصح حضرتك بالتوكيل

قدر الله و ما شاء فعل
من أفسد شئ عليه اصلاحه
عليك الذهاب لهذا الطبيب الذي لا اعرف كيف يعالج الناس و ليس عنده امانه و مواجهته و اجباره علي اصلاح السياره

اقتباس:

---

المشاركة الأصلية كتبت بواسطة lenajo

السلام عليكم
الحمد لله علي كل شئ لوجي اتخبطت وهي راكنه. السيارة مركونة عمودي علي الرصيف بزاوية بسيطه امام المنزل وقبلها سيارة وبعدها سيارات اخري راكنين بنفس الطريقة. نازله الصبح في امانة الله لقيت البواب بيقولي العربية اتخبطت اكيد بالليل.انا بعد الفجر سمعت صوت جامد جدا بس لم اتصور انها خبطة سيارة.المهم شفت المنظران عربيتي الاكصدام الخلفي ومخبوط ومدلدل جزء منه و الخبطة من بعد العجل الخلفي لدرجة ان العربية اتحركت ولزقت في اللي جنبها و التانية كمان خبطت في اللي جنبها .يعني 3 سيارات. و بعد ما اتفكوا من بعض عرفنا ان اللي عمل كدة من نفس الشارع طبيب راجع الفجر و مطبق فنام و هو بيسوق و حصلت الحادثة. المهم السمكرة مش هيا المشكله . المشكلة ان السيارة اتزقت و الهاند بريك مرفوعة يعني ده اتسبب في اعوجاج في حاجة اسمها الدنجل اللي ماسكة العجل الخلفي مع بعض. واحد متخصص في العفشة فحصها وقال انها تتكلف بالتركيب 1550 جنيه.هيجبها استيراد يعني اصلي لكن اعتقد من عربية تانيه خردة.المهم هو قال ايضا ان ينفع يردها بالمردانه لكن شكله خطر.انا فكرت في التوكيل .ارجو المشورة. العربية بتعوم و مش ممكن تمشي مسافات . يعني تحتاج لونش.
ما هو الحل الامثل؟ ولو حد يعرف سعرالدنجل ده و كمان سعر التركيب و سعره من التوكيل.وتكلفة الونش لو اضطريت له . أواشتري الدنجل من التوكيل و اركبه عند القريب مني. و اعمل check عند الصيانة في التوكيل (ميعاد الصيانة الشهر القادم ان شاء الله). اسفة علي الاطالة.

---

أولا : حمدالله على سلامتك
ثانيا : انا خبط فى الرصيف بالعجل الخلفى والدونجل أو ( الدفرنسيل )أتخبط ووأكيد طبعا المساعد معه و العربية بقت تعوم وكلمت كذا واحد قالولى لازم تروح التوكيل عشان محدش هيشتغل فيها زاى التوكيل ,, أنا عربيتى اتوماتيك وسألت فى موضوع الونش قالولى لما تدور العربية وتجيب الغيار( d ) الطبيعى انها تمشى من غير ضغط على البنزين لو متحركتش يبقه لازم ونش ولو اتحركت تمشى بيها اقصى سرعة 40كم /س عشان زيادة عن كده هبقه راكب مورجحة ,, وطبعا عقبال مروحت بيها فرع العبور كنت قربت أنام ,,, المهم قالولى الدونجل ( دفرنسيل ) لازم يتغير وتكلفته 2750 جنيه والمساعد 425 جنيه وطبعا مفيش قدامى حل تانى ..... وربنا يعوض عالينا جميعا

جزاكم الله خيرا. طبعا الحمد لله
بالنسبة للطبيب انا لم اكن اريد الكلام في هذا الموضوع لكن باختصار بعد ما عرف التكاليف عرض 700 ج فقط وقال ان ظروفه لا تسمح لانه لازال في بداية عمله واللي ضايقنا انه صلح سيارته اولا قبل اصلاح ما افسده . والموضوع بالنسبه له انتهي و خلاص . المهم عندي الان احدد افضل الحلول بسعر مناسب
انا عرفت ان سعر الدنجل في التوكيل 3025 و التركيب 550 ج.انا اقرب توكيل لي المقطم لكن لازال مسافة بعيدة و هي اقصي سرعة بحالتها دي 20 يعني ممكن تحتاج ونش يشيلها ودي تكلفه ثالثة كل ده غير السمكرة اللي تتكلف حوالي 350 أو أكثر خارج التوكيل. طبعا احسن حل التوكيل لكن التكلفة تغيظ.
عرفت ان فيه واحد اسمه البوشي قبل او بعد الدويقه علي الاتوستراد قالو انه اول اختيار بعد التوكيل غالي جدا لكن بيرجع السيارة مثل الجديدة لكن لازم يشوف السيارة حتي يحدد السعر. ده لو اخترت رد الدنجل و ليس شراء جديد. بالنسبة للعقيد خالد قرات له ردود من قبل و الاعضاء بيشكروا فيه كثير لكن المشكله انه اعتقد في الحرفيين بالنسبه لي سفر.
انا غطيت السيارة الي ان استقر علي رأي لان المكان ده مهم للتوازن و خطر وانا اساسا اشتريت سيارة زيرو و لم افكر في المستعمل لاني لا اريد ان اتعامل مع ميكانيكية لكن مع الصيانة الدوريه في التوكيل و خلاص و حتي قطع الغيارغالية لكن معمرة المفروض . لم يخطر ببالي حادثة مثل هذه.ادعو لي ربنا يلهمني الصواب

انا كتبت الرد قبل قراءة كل المشاركات.انا ايضا ارتاح للتوكيل لكن لازم ونش لان مش هينفع العربية تمشي علي 20 و الا ابوظ الموتور. ربنا يسهل

جزاكم الله خيرا. طبعا الحمد لله
بالنسبة للطبيب انا لم اكن اريد الكلام في هذا الموضوع لكن باختصار بعد ما عرف التكاليف عرض 700 ج فقط وقال ان ظروفه لا تسمح لانه لازال في بداية عمله واللي ضايقنا انه صلح سيارته اولا قبل اصلاح ما افسده . والموضوع بالنسبه له انتهي و خلاص . المهم عندي الان احدد افضل الحلول بسعر مناسب
انا عرفت ان سعر الدنجل في التوكيل 3025 و التركيب 550 ج.انا اقرب توكيل لي المقطم لكن لازال مسافة بعيدة و هي اقصي سرعة بحالتها دي 20 يعني ممكن تحتاج ونش يشيلها ودي تكلفه ثالثة كل ده غير السمكرة اللي تتكلف حوالي 350 أو أكثر خارج التوكيل. طبعا احسن حل التوكيل لكن التكلفة تغيظ.
عرفت ان فيه واحد اسمه البوشي قبل او بعد الدويقه علي الاتوستراد قالو انه اول اختيار بعد التوكيل غالي جدا لكن بيرجع السيارة مثل الجديدة لكن لازم يشوف السيارة حتي يحدد السعر. ده لو اخترت رد الدنجل و ليس شراء جديد. بالنسبة للعقيد خالد قرات له ردود من قبل و الاعضاء بيشكروا فيه كثير لكن المشكله انه اعتقد في الحرفيين بالنسبه لي سفر.
انا غطيت السيارة الي ان استقر علي رأي لان المكان ده مهم للتوازن و خطر وانا اساسا اشتريت سيارة زيرو و لم افكر في المستعمل لاني لا اريد ان اتعامل مع ميكانيكية لكن مع الصيانة الدوريه في التوكيل و خلاص و حتي قطع الغيارغالية لكن معمرة المفروض . لم يخطر ببالي حادثة مثل هذه.ادعو لي ربنا يلهمني الصواب

انا كتبت الرد قبل قراءة كل المشاركات.انا ايضا ارتاح للتوكيل لكن لازم ونش لان مش هينفع العربية تمشي علي 20 و الا ابوظ الموتور. ربنا يسهل

اسفة الpost اتعاد تاني .النت بطىء و غريب.حضرتك بتقول مساعدين كمان؟ لكن بتاع العفشه لم يذكر ان فيه مشكلة في المساعدين!!! الدنيا بتوسع كل شوية .هوا لازم المساعدين يكونوا باظوا؟