محطة موبيل المقطم هتقفل بكرة ان شاء الله بسبب عملية تجديد شاملة تستغرق حوالى شهرين.
محطة موبيل المقطم هتقفل بكرة ان شاء الله بسبب عملية تجديد شاملة تستغرق حوالى شهرين.
شكرا على التنبيه
أنا كدة كدة بمون في كالتكس إللي بعد أولاد رجب
هو أني أحسن صحيح ... كالتكس ولا موبيل في المقطم ؟
بصراحة مجربتش كالتكس، بس انا بفضل شل و تليها موبيل، و لو بتستخدم المنزل اللى على الدائرى جنب مودرن اكاديمى، بيفتحوا هناك بنزينة وطنية
أنا جربت شيل والله بعديها رحت عملت غسيل لدورة البنزين
البنزين كان زي الزفت
حلفت ما أنا ممون فيها تاني
أما موبيل وكالتكس فمحستش بفرق يعني ....
والوطنية ممتازة .... أنا بعض الأحيان بمون في بتاعت مسجد السلام ديه
السرم عليكم..
انا كمان مقطماوي.. :) :) :)
انا مش بامون غير من محطتين..
الامارات.. و ده دايما لما باكون طالع من الدائري..
و التانية وطنيه اللي هي عند طريق العين السخنة..عند منزل مدينة نصر..
و الاتنين ما شاء الله زي الفل.. و مضمونين جدا..
و ربنا يسهل ووطنية الجديدة تفتح بقي هتبقي اقرب من امارات مصر..
أنا بفكر أعمل توبيك نلم فيه الناس المحترمة الجامدين بتوع المقطم :lol:
فكرة كويسة جدا.. اهو حتي نتقابل و نتعرف علي بعض..
و في حالة اي ظروف ممكن نلحق بعض ان شاء الله..
انا عارف كمان احمد الفخراني.. معانا معاه سكودا.. ساكن ف المقطم..
شوف في مين تاني.. :)
المحطة اشتغلت النهاردة بنزين بس، 80, 90, 92, 95 و سولار، لسه باقى الخدمات لما المحطة تتشطب، المضخات بقت 4 بدل 2.
الف الف شكر استاذي حسام.. علي الاخبار و التغطية المتميزه..
ربنا يسهل ان شاء الله محطة وطنية اللي قدام امارات مصر علي الرادري تفتح علي العيد باذن الله او قبل كده شوية..
هل خلصت بس مش عارف ايه الدلع اللي هما فيه ده..
بالمناسبة.. ايه افضل مسجد ترشحه عشان التراويح..؟؟
بصراحة بنزينات وطنية بتاخد وقت طويل فى تجهيزها، بنزينة موبيل اتفورت فى شهر، بس يمكن علشان كانت شغالة ووقفتها بخسارة،اقتباس:
المشاركة الأصلية كتبت بواسطة Ahmad Allawy
بالنسبة للمسجد، بالتأكيد ارشح مسجد السيدة نفيسة
ممكن برضه.. وجهة نظر سعاتك صح..
بس مسجد السيدة تفسيه الاصلي..؟؟ اللي تحت عند مجري العيون و زينهم..؟؟
ولا تقصد مسجد في المقطم اسمه السيدة نفسيه ولا ايه..؟؟
اصل الو تقصد الاصلي.. يبقي موطني الاصلي افضل بالنسبالي... :) :)
اصل انا اصلا من باب الخلق.. و في مسجد هناك بارتاح معاه جداااااااااااااا
اسمه القاضي يحيي ورا مستشفي احمد ماهر لو حضرته تعرفها..
بس المشكلة في المشوار و الركنة.. و الزحمة في الرجوع..
فعلا انا باقصد مسجد السيدة نفيسة الأصلى، وهناك الركنة بتبقى صعبة قرب المسجد، عن نفسى بركن بعيد و امشى مسافة 100 متر بس علشان كمان فى الخروج يبقى سهل.
والله يا باشا انا مجربتش الجوامع الاصيلة دي حالص قبل كده..
ولا الحسين ولا السيدة زينت ولا السيدة نفيسة ولا الازهر..
بس كده انت شجعتني اني اجرب ليلة ف السيدة نفيسة ان شاء الله..
الف شكر ليك و جزاك الله خيرا..
بالمنسبة.. تعرف مسجد بلال اللي ف المقطم اللي هو قريب من السنترال ده..
الداغية الشاب مصطفي حسني بيكون هناك السنة دي.. مش هو اللي بيصلي..
بس هو اللي بيلقي الدرس اللي بين ال4 ركعات الاولي و الاخيرة..
لو لقيت نفسك مكسل تنزل لحد السيدة نفيسة.. ابقي جرب المسجد ده و مش هتندم ان شاء الله..
انا عارفه و مجربة و كل يوم بوصل مراتى و بنات خالى هناك قبل ما اروح السيدة نفيسة، بس انا مرتبط بالجامع هناك من زماااااااان هى و السيدة زينب وبلاقى نفسى هناك.اقتباس:
المشاركة الأصلية كتبت بواسطة Ahmad Allawy