السلام عليكم ورحمة الله
يعني الف الف شكر مبدئيا لاستاذ كريم منير وم/ محمد ممدوح استشاري دايو صاحب الفكرة للقسم ده
وحابين نتعرف اكتر يعني ايه
رياضة سيارات ؟
لو حد عنده معلومة ممنك نتكلم عنها في الموضوع ده ان شاء الله علشان لو محدش عنده معلومة وربنا يكرم
ويبقي نايل موتورز الراعي الرسمي لرياضة السيارات في مصر ان شاء الله ..... وانا ابقي رئيس الاتحاد ههههههههههه :)))
مبروك اولا و ان شاء الله من تقدم الى تقدم
ايوة ... انا كمان عاوز افهم؟؟ يعني drifts & crossovers وكتة :P
مفييييييييش رياضة
فيه علوووووووووووووم هع هع :44: :44:اقتباس:
المشاركة الأصلية كتبت بواسطة dr'ahmzzong
ايوا رياضة سيارات يعني جري و شد و غرز بقى و عربيات شرطة بتجري وراك و نيد فور سبيد بقى ... هو ده الكلام
حيث كده حد يقول لنا اخر نسخة نيد فور سبيد ايه و نعتمد نسخة نيد فور سبيد رسمية للقسم
حاجة كده زي اللي بيلعبوا برو افولوشن في الستاد :)))
رياضة المحركات عموما هى الرياضة اللى بتعتمد على اله بمحرك سواء كانت عربية او موتوسيكل
الرياضة دى ليها اشكال مختلفة منها اللى بيبقى التسابق ضد الزمن زى الرالى و الاوتو كروس او ضد منافسين زى سباقات الحلبات او بتعتمد على تقييم لجنة تحكيم زى سباقات الدريفنج... و فية سباقات بيبقى عنصر قوة التحمل فيها اساسى زى سباق لومان 24 و الراليات الصحراوية بشكل عام
الاله ذات نفسها بتختلف حسب اختلاف طبيعة المنافسة يعنى لو بصينا لعربية رالى هنلاقيها ملهاش علاقة بعربية الفورميولا ولا عربية الدراج بالرغم من ان التلاتة عربيات سباق... نفس الكلام فى الموتوسيكلات بتاعت سباق الحلبات غير بتاعت الoff road غير بتاعت تسلق الموانع
المهارة المطلوبة من السائق مختلفة حسب نوع الالة و طبيعة التسابق.... يعنى اللى بيتسابق على حلبة مع عربيات تانية لازم يبقى عندة مهارة التجاوز لكن المهارة دى مش مطلوبة من واحد فى رالى لانة مش بيتجاوز حد لكن محتاج يكتب pace notes كويسة جدا اذا كان عايز يكسب و على العكس تماما الدريفتر محتاج يكون احساسة عالى باتزان العربية عشان يحافظ على اطول دريفت ممكن عشان ياخد اعلى تققيم من الحكام
طبعا كل نوع رياضة له عشاقة و متابعية و ان كان اكثر انواع الرياضة جذب للمشاهدين هى الفورميولا 1 لانها اسرع رياضة محركات حقيقية موجودة حاليا... يليها الرالى و ان كان انصراف مصنعين كتير عن المنافسة قلل كتير من اسهم الرياضة دى
انا شخصيا مش شايف الدراج نوع حقيقى من المنافسة لان السباق نفسة مدتة قصيرة جدا جدا و المهارة الوحيدة المطلوبة من السائق هى سرعة رد الفعل فى الطلعة فقط لاغير
مشكلة النوعية دى من الرياضة هى التكلفة... طالما بنتكلم عن رياضة محركات يبقى لازم فيه اله بمحرك و تراك على مساحة ارض... الالة اللى هتبقى تنافسية بجد و ليها فرصة حقيقية للفوز هتكلف فلوس كتير... و عشان تعمل تراك سباق بجد هيكلف فلوس كتير لان دة هيحتاج مساحة ارض كبيرة
عشان كدة الرياضة دى بيدخلها ناس بامكانيات مادية معينة او ليهم sponsors بيغطوا تكاليف الموضوع دة... اللى عايز يبقى لعيب كورة اخرة هيروح مركز شباب يلعب ماتشين يشوفة مدرب فرقة درجة تانية و يلعبة معاه و الموسم اللى بعدة تلاقية بيلعب فى الدورى العام
فى رياضة السيارات مفيش كدة... انت بتبقى بتسابق بعربيتك فى بطولة محلية و لو عندك المهارة الكافية انك تكسب سباقات هتبداء تجيب sponsors و لو حظك حلو ممكن واحد من المصنعين يتعاقد معاك عشان تسوق عربية المصنع فى احد البطولات العالمية... اذا البداية انت اللى بتعملها و بتتحمل تكلفتها
اضافة لكدة الموضوع بيبداء من سن صغير اوى يعنى ابطال العالم كانوا بيبدئوا من سن 4 او 5 سنوات يركبوا عربيات كارت و يشاركوا فى بطولات... سباستيان فيتيل كسب البطولة المحلية للكارت و هو عندة 7 سنوات
طبعا فى مصر مفيش الكلام دة خالص... لا فيه مدارس للقيادة الرياضية ولا فية بطولات حقيقية برعاية اتحاد مصرى بينمى الرياضة دى بجد ولا حتى فيه تراكات سباق بجد... الموجود حاليا بطولات للهواه زى سبيد شالنج و تايم اتتاك... الاوتوكروس اقرب لان يكون stunt driving competition من كونة سباق بجد
مازال الحلم موجود بانشاء كيان يرعى رياضة السيارات رعاية حقيقية... مصر فيها سواقين كويسين و معاها فلوس و فيها شركات تقدر تقدم رعاية للمتسابقين و الفرق و الارض الفاضية فى الصحرا على قفا مين يشيل لكن للاسف مفيش الكيان اللى يقدر يجمع ال3 عناصر دول مع بعض
MMamdouh
الله ينوراقتباس:
المشاركة الأصلية كتبت بواسطة mmamdouh
المفروض الكلام ده يكون فى موضوع منفصل لأنه كلام مفيد
من كام سنة كده كان طالع فى دماغى اسافر بره واشوف حد يتبنانى فى مسابقات رالى او ناسكار d:
تسلم ايدك يا محمد بيه
وتسلم ايدك يا سحس علي الموضوع
هو انت لازم كدة تفتتح اي قسم بنفسك ؟؟
هههههه حبيبي يا سونة
ياريت يكون فيه انا بيتهيالى من بعد اوتو كروس مابقاش فى رياضه سيارات فى مصر
اقتباس:
المشاركة الأصلية كتبت بواسطة mmamdouh
ماشاء الله تسلم ايدك يا هندسة ..... انا بعت تقرير مشاركة يعملوا بالمشاركة موضوع لوحده
هههههههههههههههههههههههه ما انت متعرفش الناس مكسوفة ولا ايهاقتباس:
المشاركة الأصلية كتبت بواسطة syd
فبحسسهم ان البيت بيتهم :d